Buxoro FK

• 1989—1996 „Nurafshon“
• 1997—2021 „Buxoro“
• 2021—2022 „Nurafshon“
• 2022—h. v. „Buxoro“

1960-yilda tashkil etilgan, ammo bir yil avval tarqatib yuborilgan „Buxoro“ jamoasi oʻrniga 1989-yilda „Nurafshon“ futbol klubi sifatida tashkil etilgan. 1989-yilgi debyut mavsumida „Nurafshon“ O‘zbekiston SSR chempionligini qoʻlga kiritdi, shuningdek, Oʻzbekiston SSR kubogida ham ishtirok etdi. 1990-yilda klub SSSR chempionati Ikkinchi kichik ligasining 9-divizioni gʻolibi boʻldi va Ikkinchi ligaga yoʻllanma oldi. 1991-yilgi SSSR tarixidagi soʻnggi chempionatda „Nurafshon“ mavsum yakuniga koʻra Ikkinchi liganing „Sharqiy“ zonasida 4-oʻrinni (22 ta jamoa orasida) egallagan. 1992-yildan Oʻzbekiston milliy chempionatida ishtirok eta boshladi. Oʻzbekiston chempionatining ilk mavsumida mamlakatning qolgan 16 jamoasi qatori „Nurafshon“ ham Oliy ligadan joy oldi. 1992-yilgi mavsum yakunlariga koʻra, Buxoro klubi sensatsion tarzda bronza medali sohibi Jizzaxning „Soʻgʻdiyona“ jamoasidan atigi 1 ochkoga ortda qolib, 4-oʻrinni egalladi. 1993-yilda „Nurafshon“ 5-oʻrinni egallagan boʻlsa, 1994-yilgi mavsumda kumush medal sohibiga aylandi: amaldagi chempion – Fargʻonaning „Neftchi“ jamoasidan 7 ochkoga ortda qoldi va bronza medali sohibi – Namanganlik „Navbahor“dan 4 ochkoga oldinga chiqib oldi.

Klub 1996-yilgacha „Nurafshon“ deb atalgan boʻlsa, 1997-yildan boshlab oʻzining asl nomi – „Buxoro“ga oʻzgartirilgan. 2009-yilgacha jamoa uzluksiz Oʻzbekiston Oliy ligasida oʻynagan.

Bu davrda Buxoro klubi mavsum yakunlariga koʻra, asosan turnir jadvalining oʻrtalarida yoki oxiridagi (5-oʻrindan 15-oʻringacha) oʻrinlarni egallagan.

2009-yilgi mavsumda „Buxoro“ soʻnggidan oldingi 15-oʻrinni egallab, Oʻzbekiston chempionatining Birinchi ligasiga tushib ketdi.

2010-yilda „Buxoro“ Birinchi liga gʻolibiga aylanib, „Soʻgʻdiyona“dan 8 ochkoga oʻzib, Oliy ligada oʻynash huquqini qaytarib oldi.

2011-yilgi mavsumdan boshlab „Buxoro“ yana Oliy liganing doimiy ishtirokchisi boʻldi.

2020-yilgi mavsum yakuniga koʻra, Superliga jadvalida 12 ta klub orasida soʻnggi oʻrinni egallab, Pro ligaga yoʻl olgan. 2021-yil 19-martda Buxoro klubi ramzi oʻzgartirildi. 2021-yil 13-iyulda yana Nurafshon professional futbol klubi deb nomlandi. 2022-yil „Buxoro“ klubi Pro ligada Andijonning „Andijon“ klubidan 7 ochko ortda qoldi va 2-oʻrin bilan Oʻzbekiston Superligasiga yoʻl oldi

Eslatma: Bayroqlar FIFA muvofiqlik qoidalariga koʻra belgilangan milliy terma jamoalarni ifodalaydi. Oʻyinchilar FIFAga aʼzo boʻlmagan bir nechta fuqarolikka ega boʻlishlari mumkin.

R. Poz. Millati Futbolchi 13 FW  UZB Isomiddin Nusratov 16 GK  UZB Shohjahon Saidqulov 18 MF  UZB Ozodbek Rajabov 20 MF  UZB Xurshidbek Fayziyev 24 DF  UZB Mardonjon Meliyev 33 MF  UZB Temirbek Boltayev 34 GK  UZB Mardonjon Meliyev 37 DF  UZB Sardor Abdugʻaniyev 44 MF  UZB Bunyodjon Izzatov

R. Poz. Millati Futbolchi 45 DF  UZB Ozodbek Sharipov 57 MF  UZB Parviz Ahmadjonov 66 DF  UZB Bekzod Homidov 70 DF  UZB Ogʻabek Muhammadaminov 71 DF  UZB Alibek Baqoyev 76 DF  UZB Shahzod Savriyev 87 DF  UZB Mironshoh Shodmonov 90 MF  UZB Amirxon Hikmatov 99 DF  UZB Mironshoh Shonazarov