 | |||
| Shaxsiy maʼlumot | |||
|---|---|---|---|
| Toʻliq ismi | Muhsin Muslimovich Muhamadiyev | ||
| Tavallud sanasi | 21-oktyabr 1966-yil | ||
| Tavallud joyi | Dushanbe, Sovet Ittifoqi | ||
| Vafot sanasi | 1-yanvar 2026-yil (59 yoshda) | ||
| Vafot joyi | Dushanbe, Rossiya | ||
| Boʻyi | 1.72 m (5 ft 7 1⁄2 in) | ||
| Ampluasi | Striker | ||
| Yoshligida aʼzo boʻlgan klublar | |||
| Pomir Dushanbe | |||
| Professional faoliyati* | |||
| Yillar | Jamoa | Isht. | (Gol.) |
| 1983 | Pomir Dushanbe | ||
| 1983—1984 | Paxtakor (Qoʻrgʻontepa) | ||
| 1985—1992 | Pomir Dushanbe | 207 | (72) |
| 1992—1993 | Lokomotiv Moskva | 41 | (12) |
| 1993—1994 | Ankaragücü | 29 | (4) |
| 1994—1995 | Spartak Moskva | 30 | (13) |
| 1996—1997 | Lokomotiv Nijniy Novgorod | 57 | (17) |
| 1997—1998 | Austria Wien | 13 | (0) |
| 1998 | Torpedo Moskva | 14 | (2) |
| 1999 | Shinnik Yaroslavl | 11 | (1) |
| 1999 | Buxoro | 7 | (7) |
| 2000—2001 | Dinamo | 45 | (41) |
| 2001 | Arsenal Tula | 11 | (1) |
| 2002 | Vityaz Podolsk | 11 | (1) |
| Total | 3 | (3) | |
| Milliy terma jamoa | |||
| 1992 | Tojikiston | 1 | (2) |
| 1995 | Rossiya | 1 | (1) |
| Boshqargan klublari | |||
| 2003—2005 | Vityaz Podolsk (murabbiy) | ||
| 2006—2008 | Vityaz Podolsk | ||
| 2008—2012 | Rubin Kazan (sport direktor) | ||
| 2013—2015 | Tojikiston | ||
| 2016 | Ordabasi (yoramchi murabbiy) | ||
| 2016—2018 | Istiqlol | ||
| 2019—2020 | Buxoro | ||
| 2022—2024 | Istiklol 1-vitse pr | ||
| 2024—2025 | Xatlon sport dr | ||
| *Professional klublardagi gollari (ichki chempionat) | |||
Muhsin Muhamadiyev (1966-yil 21-oktyabr – 2026-yil 1-yanvar) – tojikistonlik va rossiyalik futbolchi va futbol murabbiyi. Tojikiston futbol tarixidagi eng kuchli futbolchilardan biri sifatida eʼtirof etiladi.
Faoliyati davomida Tojikiston va Rossiya terma jamoalarida oʻynagan.
Biografiyasi
1966-yil 21-oktyabrda Dushanbeda tugʻilgan. Birinchi murabbiy – Nikolay Alekseevich Voinov.
Futbolchilik faoliyati
Klub
Faoliyatini „Paxtakor“ (Qoʻrgʻontepa) jamoasida boshlagan. 1985-yildan Tojikiston SSRning yetakchi klubi, Dushanbening „Pomir“ klubida faoliyatini davom ettirgan. 1991-yilgi mavsum oldidan u Kiyevning „Dinamo“ jamoasiga oʻtishi rejalashtirilgandi, biroq klub uni roʻyxatga olishga ulgurmagan.
1992-yilgi mavsumini Pomirda jamoasida boshlagan. Tojikiston mustaqil chempionatida 3 ta oʻyin oʻtkazib, 5 ta gol urgan. Chempionat saviyasi nihoyatda past ekanini tushunib, 1992-yilgi MDH kubogi uchun yarim final oʻyinidan soʻng Moskvada qolgan va Yuriy Syomin murabbiyligidagi, „Lokomotiv“ klubiga oʻtish taklifini qabul qilgan.
Keyinchalik Rossiyaning „Spartak“ (Moskva), „Torpedo“ (Moskva), „Lokomotiv“ (Nijniy Novgorod) va boshqa klublarida oʻynagan.
Uning klub faoliyatidagi eng yorqin oʻyinlardan biri 1994-yil 23-noyabrda Moskvada Chempionlar Ligasi guruh bosqichi oʻyinida „Spartak“ safida Kiyevning „Dinamo“ klubiga qarshi hal qiluvchi golni urganida yuz bergan.
1998-yilda Rashid Rahimovning tavsiyasi bilan oʻtkir hujumchi izlayotgan Venaning „Avstriya“ klubiga oʻtgan. Mavsum oxirigacha shartnoma tuzgan va tugagach, Rossiyaga qaytgan.
2000-yilda Dinamo Samarqand bilan Oʻzbekiston Kubogi finaliga qadar yetib borgan. Muhsin Samarqand klubida toʻp surgan davrida jamoaning asosiy toʻpurari boʻlgan.
Professional futbolchilik faoliyatini 2002-yilda Rossiya ikkinchi divizioni „Vityaz“ (Podolsk) klubida yakunlagan.
Xalqaro
Muhammadiyev xalqaro darajada ham Tojikiston, ham Rossiya uchun oʻynagan[3]. U Rossiya terma jamoasi safida oʻtkazgan yagona oʻyinida – 1995-yil 6-may kuni Moskvada Farer orollariga qarshi boʻlib oʻtgan Yevro-96 saralash uchrashuvida gol urgan.
- 1992-yil 17-iyun. Markaziy Osiyo mamlakatlari kubogi. Tojikiston – Oʻzbekiston, 2:2.
- 1995-yil 6-may. 1996-yilgi Yevropa chempionati uchun saralash oʻyini. Rossiya – Farer orollari, 3:0.
Murabbiylik faoliyati
2002-yilda „Vityaz Podolsk“da oʻynashni tugatgandan soʻng jamoa qolgan va 2003-yilda klubning yoshlar jamoalaridan biriga murabbiy etib tayinlangan. 2006-yilda esa asosiy jamoaga murabbiy etib tayinlangan Muhamadiyev Vityaz Podolskini 2008-yilgacha boshqargan. 2008-yildan 2012-yilgacha Qozonning „Rubin“ klubida sport direktori sifatida ishlagan.
2013-yil iyul oyida Muhamadiyev Tojikiston terma jamoasiniga bosh murabbiy sifatida tayinlangan. Ikki yil davomida jamoani boshqargan va 2015-yil 16-iyulda isteʼfoga chiqqan. Tojikiston terma jamoasidagi lavozimini tark etgach, 2016-yilgi mavsumning birinchi yarmida Baxtiyar Bayseitovning „Ordabasi“dagi murabbiylar shtabida ishlagan.
2016-yil 31-oktyabr kuni „Istiqlol“ klubiga bosh murabbiy etib tayinlangan. 2017-yilning 18-sentyabr kuni „Istiqlol“ klubi „Panjshir“ jamoasi ustidan 5:0 hisobida gʻalaba qozonib, Tojikiston ligasining oltinchi chempionligini qoʻlga kiritgan. 2018-yilgi AFC kubogi turniridagi ishtirokini guruh bosqichiyoq yakunlaganidan 6 kundan soʻng, 2018-yilning 22-mayda Muhamadiyev „Istiqlol“ klubi bosh murabbiyligidan isteʼfoga chiqqan. Klubga Alisher Toʻxtayev bosh murabbiy vazifasini bajaruvchi etib tayinlangan.
2019-yil 9-iyun kuni Oʻzbekiston Superligasi vakili „Buxoro“ klubiga bosh murabbiy etib tayinlangan.
2020-yil 30-iyun kuni „Buxoro“ futbol klubi bilan oʻzaro kelishuvga koʻra shartnoma bekor qilindi.
2022-yil 4-fevralda Muhamadiyev Qozonning „Nefis“ klubi bosh murabbiyi boʻlgani va uning rahbarligi ostida jamoa uchta oʻyin oʻtkazgani haqida maʼlumot tarqaldi, biroq rasmiy tayinlov toʻgʻrisida xabar berilmagan.
2022-yil iyun oyida u „Istiqlol“ klubining birinchi vitse-prezidenti etib tayinlandi.
2023-yilda u „Afsonalar kubogi“ musobaqasida MDH terma jamoasiga murabbiylik qildi.
2024-yil fevral oyida Muhamadiyev oʻz faoliyatini boshlagan, ilgari „Paxtakor“ nomi bilan tanilgan Tojikistonning „Vaxsh“ futbol klubi direktori etib tayinlandi.
Vafoti
2025-yil fevralida Turkiyada „Vaxsh“ klubi bilan oʻquv-mashgʻulot yigʻinida boʻlgan paytda Muhamadiyev insult oʻtkazdi. Keyinchalik u Moskvaga olib ketildi va u yerda yana bir necha marta xurujlar kuzatildi. 2025-yil iyunida u Rossiya FMBA Federal miya va neyrotexnologiyalar markazining reanimatsiya boʻlimiga barqaror ogʻir ahvolda yotqizildi va sunʼiy nafas olish apparatiga ulandi. 2025-yil iyun oyi oxirida Muhamadiyev yarim yil davomida bir necha marta insult oʻtkazgani maʼlum boʻldi. 2025-yil sentyabrida u kasalxonadan chiqarildi.
Muhamadiyev 2026-yil 1-yanvarda Moskvada vafot etdi. u yerda klinikalardan birida davolanayotgan edi.
Faoliyat statistikasi
Xalqaro
- 2016-yil 31-oktyabrga asosan toʻgʻri
| Milliy terma jamoa | Yil | Oʻyinlar | Gol |
|---|---|---|---|
| Tojikiston | |||
| 1992-yil | 1 | 2 | |
| Jami | 1 | 2 | |
| Rossiya | |||
| 1995-yil | 1 | 1 | |
| Jami | 1 | 1 | |
| № | Sana | Joy | Raqib | Hisob | Natija | Musobaqa |
|---|---|---|---|---|---|---|
| 1 | 1995-yil 6-aprel | Lujniki stadioni, Moskva, Rossiya |  Farer orollari | 3–0 | 3–0 | 1996-yilgi Yevropa chempionati saralashi |
Boshqaruv
- O‘yin 2019-yil 30-sentyabrda o‘tkazilgan Faqat rasmiy musobaqa oʻyinlari hisobga olinadi.
| Jamoa | Boshlagan | Yakunlagan | Oʻ | Gʻ | D | M | UG | OʻG | Gʻ% | Yutuqlar | Izoh |
|---|---|---|---|---|---|---|---|---|---|---|---|
 Tojikiston | 2013-yil iyul | 2015-yil 16-iyul | 10 | 4 | 1 | 5 | 17 | 18 | 40,00 | ||
| Istiqlol | 2017-yil 1-yanvar | 2018-yil 22-may | 52 | 37 | 10 | 5 | 129 | 47 | 71,15 | Tojikiston Oliy ligasi (1), Tojikiston Superkubogi (1) | |
 Buxoro | 2019-yil 9-iyun | 14 | 3 | 3 | 8 | 12 | 32 | 21,43 |
Yutuqlari
Futbolchi
- Rossiya chempioni (1) : 1994
- SSSR Birinchi ligasi gʻolibi: 1988 (birinchi marta oliy ligaga yoʻllanmani qoʻlga kiritgan Pomirning Dushanbe klubi bilan)
- 2000-yilgi Oʻzbekiston kubogi finalchisi.
Bosh murabbiy va sport direktori
- PFL Ikkinchi Divizion Markazi zonasi gʻolibi (1): 2007
- Rossiya chempioni (2): 2008, 2009
- Rossiyaning bronza medali sovrindori: 2010
- Rossiya kubogi sohibi: 2011/2012
- Rossiya kubogi finalchisi: 2008/2009
- Rossiya Superkubogi gʻolibi: 2010
- Hamdoʻstlik chempionlari kubogi gʻolibi: 2010
- Tojikiston chempioni (2): 2016, 2017
- Futbol Federatsiyasi kubogi sohibi Tojikiston (2): 2017 , 2018
- Tojikiston Superkubogi sohibi: 2018
- OFK kubogi finalchisi: 2017
- 21-oktyabrda tugʻilganlar
- 1966-yilda tugʻilganlar
- Dushanbeda tugʻilganlar
- 1-yanvarda vafot etganlar
- 2026-yilda vafot etganlar
- Dushanbeda vafot etganlar
- Alifbo boʻyicha futbolchilar
- Alifbo boʻyicha futbol murabbiylari
- SSSR erkak futbolchilari
- Tojikistonlik erkak futbolchilar
- Rossiyalik erkak futbolchilar
- Futboldagi erkak hujumchilar
- Buxoro klubi futbolchilari
- Dinamo Samarqand futbolchilari
- CSKA Pomir Dushanbe futbolchilari
- FC Khatlon futbolchilari
- MKE Ankaragücü futbolchilari
- FC Spartak-2 Moskva futbolchilari
- FC Lokomotiv Nizhny Novgorod futbolchilari
- FC Spartak Moskva futbolchilari
- Torpedo Moskva klubi futbolchilari
- FC Shinnik Yaroslavl futbolchilari
- FC Arsenal Tula futbolchilari
- FK Austria Wien futbolchilari
- Regar-TadAZ klubi futbolchilari
- FK Vityaz Podolsk futbolchilari
- Rossiya Premyer-ligasi futbolchilari
- Turkiya Super Ligasi futbolchilari
- Oʻzbekiston Superligasi futbolchilari
- Oʻzbekistondagi muhojir erkak futbolchilar
- Turkiyadagi muhojir erkak futbolchilar
- Avstriyadagi muhojir erkak futbolchilar
- Tojikiston milliy terma jamoasi erkak futbolchilari
- Rossiyalik futbol murabbiylari
- Tojikistonlik futbol murabbiylar
- Tojikiston milliy futbol terma jamoasi murabbiylari
- Buxoro klubi murabbiylari
- Vityaz FK murabbiylari
- Istiqlol Dushanbe klubi murabbiylari
- Oʻzbekiston Superligasi murabbiylari
- Oʻzbekiston Pro ligasi murabbiylari