FK Arkadag

Arqadagʻ

Toʻliq nomi	Arqadagʻ futbol klubi
Asos solingan	1-aprel, 2023-yil (3 yil avval) (2023-04-01)
Stadioni	Arqadagʻ stadioni
Sigʻimi	10,000
Egasi	Arqadagʻ shahar hokimligi
Prezident	Arslonmurat Amanov
Murabbiy	Ravshan Muhadov
Liga	Ýokary Liga
Oʻrni	Ýokary Liga, 9 jamoa ichida 1-oʻrin (chempion)
Asosiy libosi Ikkinchi libosi Uchinchi libosi

Arqadagʻ futbol klubi (turkmancha: «Arkadag» futbol kluby; Arkadag, Arqadagʻ yoki Arkadagʻ nomlari bilan tanilgan) – Turkmanistonning Arqadagʻ shaharidagi professional futbol klubi. 2023-yilda Gurbanguli Berdimuhamedov tomonidan asos solingan klub Yuqori liga turnirida ishtirok etadi. Arqadagʻ jamoasi oʻzining dastlabki mavsumidanoq sovrinlani qoʻlga kiritishni boshlagan. Klub mahalliy miqyosda dastlabki ikki mavsumda ikki karra dubl sovrindori boʻlgan. Osiyo miqyosida esa jamoa ilk ishtirokidayoq AFC Chaqiruv Ligasi gʻolibligini qoʻlga kiritgan.

„Arqadagʻ“ 2023-yilgi ichki mavsumga tayyorgarlik jarayonida tashkil etilgan. Mamlakatning koʻplab eng yaxshi futbolchilari klubga maxsus kengaytirilgan transfer oynasi davomida qoʻshilishgan. Turkmaniston oliy divizionida oʻzining tashkil etilishidanoq ishtirok etib kelayotgan jamoa, 2023-yilgi „Yokary Liga“ turnirida hokimiyat tomonidan alohida yordam berilgani uchun raqib muxlislar tomonidan tanqidga uchragan. Noyabr oyida sobiq mahalliy yulduz futbolchi Wladimir Bayramow „Arqadagʻ“ klubining yangi bosh murabbiyi etib tayinlangan va u bilan bir yillik shartnoma imzolangan. Shuningdek, shu oyda Axaltaka oti tasviri tushirilgan jamoa logotipi taqdim etilgan.

3-dekabr kuni „Arqadagʻ“ jamoasi Turkmaniston Oliy ligasida „Oltin Asir“ jamoasini 4:0 hisobida magʻlub etib, oʻzining birinchi chempionlik unvonini qoʻlga kiritgan. Jamoa aʼzolari liganing barcha 24 ta oʻyinida gʻalaba qozonishga erishgan. Jamoa 83-17 gol farqi bilan jami 72 ochko toʻplagan. Ularning eng koʻp gol urgan oʻyinchisi 27 ta gol bilan Didar Durdiyev boʻldi. Shuningdek, klub 2024-25-yilgi AFC Chempionlar ligasi ikkinchi saralash bosqichiga yoʻllanma olgan. 2023-yil 24-dekabr kuni Vladimir Bayramov boshchiligidagi „Arqadagʻ“ „Arqadagʻ“ stadionida boʻlib oʻtgan Turkmaniston kubogi finalida „Ahal“ klubini 3:0 hisobida magʻlub etib, oʻzining ikkinchi sovrinini qoʻlga kiritgan. Jamoaning 2023-yilgi mavsumda koʻrsatgan muvaffaqiyatli natijasi uchun ularga MAN rusumli avtobus sovgʻa qilingan.

2023-yil iyun oyida Arqadagʻ jamoasi AFC Chaqiruv Ligasi musobaqasida ishtirok etish uchun litsenziyaga ega boʻlgan. 2024-yil 7-oktyabr kuni amaldagi chempion Arqadagʻ Nebitchi jamoasi ustidan 5:1 hisobida gʻalaba qozonib, Liga chempionligini muvaffaqiyatli saqlab qolgan. Klub xalqaro turnirda Quvaytning kuchli jamoalaridan biri Al-Arabi SC va Maldiv orollari hamda Qirgʻizistonning amaldagi chempionlari Maziya va Abdysh-Ata Kant bilan guruh oʻyinlar bahsida ishtirok etgan. Ularning birinchi oʻyini Quvayt shahridagi Al Quvayt sport klubi stadionida Maziya ustidan 2:1 hisobida gʻalaba qozongan. 2024-yil 29-oktyabr kuni FK Arqadagʻ Abdysh-Ata Kant klubi ustidan 2:0 hisobida gʻalaba qozonib, sensatsiya qayd etgan.

2024-yil 1-noyabr kuni klub „Al-Arabi“ jamoasiga qarshi oʻyinda magʻlubiyatga uchragan va bu davrgacha rasmiy musobaqalarda ketma-ket 61 ta gʻalabaga erishgan (50 ta yuqori ligada, 9 ta Turkmaniston kubogida va 2 ta AFC Chaqiruv Ligasida). Bundan tashqari, klub 1915–1917-yillarda „Seltik“ tomonidan oʻrnatilgan 62 oʻyindan iborat magʻlubiyatsiz seriya boʻyicha jahon rekordini takrorlashga atigi bir oʻyin qolgan edi. Biroq, ushbu seriya liga boshqaruvi bilan bogʻliq xavotirlar tufayli Guinness rekordlar kitobiga kiritilmagan. Buning oʻrniga Ginnes „Al-Hilol“ning 2023–24-yillardagi 34 oʻyindagi gʻalabali seriyasini eʼtirof etadi.

2025-yil 10-may kuni Arqadagʻ finalda qoʻshimcha boʻlimlardan soʻng Svay Riengni 2:1 hisobida magʻlub etib, ilk marta AFC Chaqiruv Ligasida gʻolib chiqqan. Bu gʻoliblik natijasida klub 2025-26-yilgi ikkinchi chempionlar ligasi guruh bosqichiga dastlabki yoʻllanmani qoʻlga kiritgan birinchi jamoa boʻligan.

Arqadagʻ klubining asosiy uy maydoni 10 000 sigʻimga ega Arqadagʻ stadioni hisoblanadi. Klub oʻzining dastlabki mavsumida Nusaý stadionidan Ýokary Liganing baʼzi oʻyinlarida uy maydoni sifaida foydalangan.

2025-yil fevral

Eslatma: Bayroqlar FIFA muvofiqlik qoidalariga koʻra belgilangan milliy terma jamoalarni ifodalaydi. Oʻyinchilar FIFAga aʼzo boʻlmagan bir nechta fuqarolikka ega boʻlishlari mumkin.

R. Poz. Millati Futbolchi 1 GK  TKM Rüstem Ahallyýew 2 DF  TKM Güýçmyrat Annagulyýew 4 DF  TKM Mekan Saparow 5 DF  TKM Abdy Bäşimow 8 FW  TKM Yhlas Saparmämmedow 9 FW  TKM Enwer Annaýew 10 MF  TKM Resul Hojaýew 11 FW  TKM Didar Durdyýew 12 MF  TKM Ybraýym Mämmedow 13 MF  TKM Welmyrat Ballakow 14 FW  TKM Şanazar Tirkişow 15 MF  TKM Bagtyýar Agabayev

R. Poz. Millati Futbolchi 16 GK  TKM Rasul Çaryýew 17 FW  TKM Altymyrat Annadurdyýew 18 MF  TKM Arzuwguly Sapargulýyew 19 MF  TKM Begenç Akmämmedow 21 MF  TKM Mirza Beknazarow 23 FW  TKM Berdimyrat Rejebow 25 DF  TKM Ilýas Çaryýew 31 MF  TKM Yazgylyç Gurbanow 33 FW  TKM Diyargylych Urazov 77 MF  TKM Şamämmet Hydyrow 88 MF  TKM Ahmet Ataýew — MF  TKM Meýlis Durdyýew

Ijaraga berilgan futbolchilar

Eslatma: Bayroqlar FIFA muvofiqlik qoidalariga koʻra belgilangan milliy terma jamoalarni ifodalaydi. Oʻyinchilar FIFAga aʼzo boʻlmagan bir nechta fuqarolikka ega boʻlishlari mumkin.

R. Poz. Millati Futbolchi 35 GK  TKM Kakageldi Berdiýew (at Ahal)

Yuqori Liga

• Chempion (2): 2023, 2024

Turkmaniston kubogi

• Chempion (2): 2023, 2024

Turkmaniston Superkubogi

• Chempion (1): 2024

Turkmaniston futbol federatsiyasi kubogi

• Chempion (1): 2025

AFC Chaqiruv Ligasi

• Gʻoliblar (1): 2024-25