Ravshanbek Olimov

Vikipediyada ismi Ravshanbek va familiyasi Olimov boʻlgan boshqa kishilar haqida ham maqolalar mavjud.

Ravshanbek Olimov
Oʻzbеkistоnning Turkmanistondagi elchisi
Mansab davri 2024-yildan – hozirgacha
Prezident	Shavkat Mirziyoyev
Vazir	Baxtiyor Saidov
Oʻtmishdoshi	Akmaljon Qoʻchqorov
Oʻzbеkistоnning Ukrainadagi elchisi
Mansab davri 2003-yildan – 2005-yilgacha
Prezident	Islom Karimov
Vazir	Sodiq Safoyev
Oʻtmishdoshi	Shomansur Shohalilov
Vorisi	Ilhom Haydarov
Shaxsiy maʼlumotlari
Tavalludi	1966-yil 18-may (1966-05-18) (60 yosh) Jalaquduq tumani, Andijon viloyati, OʻzSSR

Ravshanbek Ozodbekovich Olimov (1966-yilda tugʻilgan) – oʻzbek diplomati. Oʻzbekiston Respublikasining Ukraina, Fransiya, Portugaliya davlatlaridagi sobiq favqulodda va muxtor elchisi.

1966-yilda Andijon viloyati Jalaquduq tumanida tugʻilgan.

1990-yilda Moskva davlat universitetini tamomlagan.

1997-yilda – Oʻzbekiston Respublikasi Prezidenti huzuridagi Davlat va jamiyat qurilishi akademiyasini tugatgan.

1990-yildan 1992-yilgacha – Oʻzbekiston yoshlar ittifoqi qoshidagi „Nihol“ markazi talabalar bilan ishlash boʻlimi mutaxassisi.

1993-yildan 1994-yilgacha – „Oʻzbelst“ Oʻzbekiston-Belarus qoʻshma korxonasi bosh direktorining oʻrinbosari.

1994-yildan 1996-yilgacha – Oʻzbekiston Respublikasi Tashqi iqtisodiy aloqalar vazirligining Andijon viloyati boshqarmasi boshligʻi oʻrinbosari.

1997-yildan 2000-yilgacha – Oʻzbekiston Respublikasi Prezidenti devonining tashqi iqtisodiy aloqalar boʻyicha maslahatchisi.

2000-yildan 2001-yilgacha – Oʻzbekiston Respublikasi Bosh vaziri kotibiyatining safarbarlik va davlat zaxiralari masalalari kompleksi yetakchi mutaxassisi.

2001-yildan 2003-yilgacha – Oʻzbekiston makroiqtisodiyot va statistika vazirligining Tashqi iqtisodiy aloqalarni rivojlantirish va tashqi savdo balansini prognozlash boshqarmasi boshligʻi.

2003-yildan 2005-yilgacha – Oʻzbekiston Respublikasining Ukrainadagi va Moldovadagi favqulodda va muxtor elchisi.

2005—2008-yillarda – Oʻzbekistonning Fransiyadagi elchisi (bir vaqtning oʻzida Portugaliyada);

2008-yildan 2011-yilgacha – Oʻzbekiston Respublikasi Tashqi ishlar vazirligi MDH davlatlari bilan hamkorlik boshqarmasi boshligʻi.

2011—2018-yillarda – Oʻzbekistonning Rossiya Federatsiyasidagi elchixonasi maslahatchisi.

2018-yildan 2020-yilgacha – Tashqi ishlar vazirligining MDH davlatlari bilan hamkorlik boshqarmasi boshligʻi.

2020-yildan 2024-yilgacha – Oʻzbekiston Respublikasi Oliy Majlisi Senatining Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qoʻmitasi raisi.

2024-yildan buyon Oʻzbekistonning Turkmanistondagi elchisi.