Serxio Ramos Garsia (ispancha: Sergio Ramos García; Kamas, Sevilya, Ispaniya) – ispaniyalik professional futbolchi, Liga MXning CF Monterrey klubida markaziy himoyachi sifatida oʻynaydi. Barcha davrlarning eng yaxshi himoyachilaridan biri sifatida eʼtirof etilgan Ramos oʻzining jangovar mahorati, havodagi kurashlarda ustunligi, jamoaviy yetakchiligi va gol urish qobiliyati bilan tanilgan. Sergio „Real Madrid“ klubi safida 100 dan ortiq gol urgan.
 Ramos 2021-yilda | |||
| Shaxsiy maʼlumot | |||
|---|---|---|---|
| Toʻliq ismi | Sergio Ramos García | ||
| Tavallud sanasi | 1986-yil 30-mart | ||
| Tavallud joyi | Kamas, Sevilya | ||
| Boʻyi | 184 cm (6 ft 1⁄2 in) | ||
| Ampluasi | Himoyachi | ||
| Laqabi | Tarzan, Boʻri, Yaxshi Inson. | ||
| Klub maʼlumoti | |||
Joriy klub | Jamoasiz | ||
| Raqami | 4 | ||
| Yoshligida aʼzo boʻlgan klublar | |||
| 1992—1996 | Camas | ||
| 1996—2002 | Atletiko Sevilya | ||
| Professional faoliyati* | |||
| Yillar | Jamoa | Isht. | (Gol.) |
| 2003—2004 | Sevilla Atlético | 26 | (2) |
| 2004—2005 | Sevilla | 39 | (2) |
| 2005—2021 | Real Madrid | 469 | (72) |
| 2021—2023 | Paris Saint-Germain | 45 | (4) |
| 2023—2024 | Sevilla | 28 | (3) |
| Milliy terma jamoa | |||
| 2005—2023 | Ispaniya | 180 | (23) |
| *Professional klublardagi gollari (ichki chempionat) (2024-yil 26-may uchun) | |||
Ramos „Real Madrid“ klubida oʻn olti mavsum davomida oʻynagan Klub bilan birga toʻrt marta UEFA Chempionlar Ligasi, Ispaniya terma jamoasi bilan ikki marta UEFA Yevropa chempionati va 2010-yilgi FIFA Jahon chempionatida gʻolib chiqqan.
Faoliyati
Serxio 14 yoshida Sevilya jamoasining koʻrigidan oʻtdi va oʻshanda oʻzini yaxshi koʻrsatdi. Tez orada u klubning yoshlar jamoasida oʻynashni boshladi.
2002/03 mavsumda Ispaniya chempionatining ikkinchi divizionida ishtirok etayotgan Sevilyaning rezerv jamoasida bitta oʻyin oʻtkazdi. 2003/04 mavsumda Ramos zahira jamoasida 25 ta oʻyin oʻtkazib, bitta gol urgan holda jamoaning asosiy oʻyinchisiga aylandi.
2004-yilning boshida oʻsha vaqtdagi Sevilyaning murabbiyi Xoakin Kaparros Ramosni asosiy jamoaning tarkibiga qoʻshdi. 2004-yil 1-fevralda Ramos Primeradada Deportivo jamoasiga qarshi debyut oʻyinini oʻtkazdi. Oʻsha yilning yozida Ispaniya yoshlar terma jamoasi bilan 19 yoshdan katta boʻlmaganlar oʻrtasidagi Yevropa chempionatining gʻolibi boʻldi.
2004/05 mavsumda Serxio Primerada 31 ta oʻyin oʻtkazdi va 2 ta golning muallifiga aylandi. Shuningdek,UEFA kubogi oʻyinlarida ham oʻynadi. Mavsum oxiriga kelib, Serxio chempionatning kashfiyoti sifatida tan olindi.
2005-yil 26-martda Ramos Ispaniya terma jamoasining Xitoy terma jamoasi bilan kechgan uchrashuvida terma jamoadagi birinchi oʻyinini oʻtkazdi. U 18 yoshda edi va Ispaniya terma jamoasida oʻynagan eng yosh oʻyinchiga aylandi. Biroz muddatdan soʻng, 2006 yilgi Jahon chempionati saralash bahsidagi Serbiya va Chernogoriya bilan boʻlgan oʻyinga asosiy tarkibga kiritildi. Oʻsha vaqtdan buyon u Luis Aragones jamoasining asosiy himoyachisiga aylandi.
2005-yilning yozida Madridning „Real“ jamoasi 27 million yevroga Ramosni xarid qildi.Barselona va Manchester Unitedlar ham uni oʻz tarkibida koʻrish istagida edi.
JCh-2006 oʻtganiga sal kam bir yildan boʻlganidan soʻng, Serxio „Real“ tarkibida faoliyatidagi birinchi katta titul, Ispaniya chempionligini qoʻlga kiritdi.
Yevro-2008ning saralash bahslarida 12 oʻyindan 11 tasida ishtirok etdi va 2 ta gol urishga muvaffaq boʻldi. Mazkur turnirning gʻolibiga aylanib, Ispaniya terma jamoasi bilan Yevropa chempioni unvoniga sazovor boʻldi.
2010-yilgi Jahon chempionatida ham jamoasining har bir oʻyiniga tushib, jamoadoshlariga yordam berdi. Finalda Gollandiya bilan 1:0 hisobida gʻalaba qozonib, Ispaniya tarixida birinchi bora Jahon chempioni nomiga sazovor boʻldi. Serxio esa musobaqaning ramziy terma jamoasiga kiritildi.
2011-yil 17-mayida „Real“ bilan shartnomasini 2017-yilgacha, yiliga 4.5 million yevro maosh bilan uzaytirdi.
2012-yil 7-yanvarida Ramos oʻzining Ispaniya chempionatidagi 250-nchi uchrashuvini oʻtkazdi.
Shaxsiy hayoti
Serxio Ramosning qalligʻi Telecino telekanalining reportyori Lara Alvarez hisoblanadi.
Oʻyin uslubi
Ramos har xil pozitsiyalarda yaxshi oʻynay oladi. Real murabbiylari ham uni bu xususiyatidan koʻplab foydalanashiadi. Masalan, baʼzi oʻyinlarda u tayanch yarim himoyachi vazifasini bajargan. Soʻnggi vaqtlarda Ramos markaziy himoyada oʻynayapti.
Statistika
Jamoadagi statistikasi
2011-yil 4-iyulga nisbatan
| Jamoa | Mavsum | Chempionat | Kuboklar | Yevrokuboklar | Jami | ||||||||
|---|---|---|---|---|---|---|---|---|---|---|---|---|---|
| Oʻ | G | P | Oʻ | G | P | Oʻ | G | P | Oʻ | G | P | ||
| Sevilya | 2003-04 | 7 | 0 | 0 | 0 | 0 | 0 | 0 | 0 | 0 | 7 | 0 | 0 |
| 2004-05 | 31 | 2 | 0 | 5 | 0 | 0 | 5 | 1 | 0 | 41 | 3 | 0 | |
| 2005-06 | 1 | 0 | 0 | 0 | 0 | 0 | 0 | 0 | 0 | 1 | 0 | 0 | |
| Jami | 39 | 2 | 0 | 5 | 0 | 0 | 5 | 1 | 0 | 49 | 3 | 0 | |
| Real Madrid | 2005-06 | 33 | 4 | 0 | 6 | 1 | 0 | 7 | 1 | 0 | 46 | 6 | 0 |
| 2006-07 | 33 | 5 | 2 | 3 | 0 | 0 | 6 | 1 | 0 | 42 | 6 | 2 | |
| 2007-08 | 33 | 5 | 4 | 5 | 1 | 0 | 7 | 0 | 1 | 45 | 6 | 5 | |
| 2008-09 | 32 | 4 | 3 | 2 | 1 | 0 | 8 | 1 | 0 | 42 | 6 | 3 | |
| 2009-10 | 33 | 4 | 5 | 0 | 0 | 0 | 7 | 0 | 0 | 40 | 4 | 5 | |
| 2010-11 | 31 | 3 | 2 | 7 | 1 | 1 | 8 | 0 | 0 | 46 | 4 | 2 | |
| 2011-12 | 25 | 3 | 4 | 6 | 0 | 1 | 7 | 1 | 1 | 38 | 4 | 6 | |
| Jami | 220 | 2 | 0 | 5 | 0 | 0 | 5 | 1 | 0 | 49 | 3 | 0 | |
| Faoliyatidagi jami | 260 | 30 | 19 | 34 | 4 | 2 | 55 | 5 | 1 | 349 | 39 | 23 | |
Erishgan natijalari
- Yevropa chempioni: 2008, 2012
- Jahon chempioni: 2010
- Ispaniya chempioni: 2006/07, 2007/08, 2011/12
- Ispaniya kubogi: 2010/11
- Ispaniya superkubogi sohibi: 2008, 2012
- 19 yoshgacha Yevropa chempioni: 2004
Shahsiy
- La Liganing yil kashfiyoti : 2005
- Yevropa sport jurnallari ramziy jamoasi: 2007/08, 2011/12
- FIFA World XI: 2008, 2011, 2012
- UEFA Yilning ramziy jamoasi: 2008
- FIFA Jahon Chempionati 2010: Castrol Index gʻolibi
- FIFA Jahon chempionati yulduzlar jamoasi: 2010
- UEFA Yevro 2012: Castrol EDGE Index gʻolibi
- UEFA Yevropa turniri ramziy jamoasi: 2012