Hilola Umarova

Vikipediyada ismi Hilola va familiyasi Umarova boʻlgan boshqa kishilar haqida ham maqolalar mavjud.

Hilola Umarova
Maktabgacha va maktab taʼlimi vaziri
Mansab davri 2022-yil 30-dekabr – 2025-yil 14-iyul
Hukumat boshligʻi	Abdulla Oripov (siyosatchi)
Prezident	Shavkat Mirziyoyev
Oʻtmishdoshi	Lavozim yangi joriy etilgan
Oʻzbekiston Respublikasi Prezidenti Administratsiyasi rahbarining taʼlimni isloh qilish boʻyicha oʻrinbosari
Mansab davri 2025-yil 14-iyuldan – hozirgacha
Shaxsiy maʼlumotlari
Tavalludi	1988-yil 9-avgust (1988-08-09) (37 yosh) Germaniyaning Veymar shahri
Mukofotlari	– Oʻzbekiston belgisi nishoni

Hilola Umarova Oʻktamovna (1988-yil, Veymar, Germaniya Demokratik Respublikasi) – 2020-yildan Prezident taʼlim muassasalari agentligi direktori lavozimida ishlab kelgan. 2022-yil 30-dekabrda maktabgacha va maktab taʼlimi vaziri lavozimiga tayinlangan va 2025-yil 31-iyul kuni lavozimidan ozod etilgan. Jahon iqtisodiyoti va diplomatiya universitetini tamomlagan.

Mutaxassisligi – tashqi iqtisodiy faoliyat. Oʻzbek, rus, ingliz tillarini mukammal biladi.

Umarova Xilola Uktamovna 1988-yili Olmoniyaning Vaymer shahrida tugʻilgan. Millati oʻzbek, maʼlumoti oliy. 2010-yilda Jahon iqtisodiyoti va diplomatiya universitetini, 2013-yilda Jahon iqtisodiyoti va diplomatiya universitetini tamomlagan.

Mehnat faoliyatini 2014-yilda Toshkent shahridagi Inha universiteti hujjat taʼminoti va nazorati guruhi 1-toifali mutaxassisligidan boshlagan.

• 2016—2018 – Toshkent shahridagi Inha universiteti hamkorlikni rivojlantirish va homiylarni jalb etish boʻlimi yetakchi mutaxassisi.
• 2018 – Toshkent shahridagi Inha universiteti xalqaro hamkorlik boʻlimi boshligʻi oʻrinbosari.
• 2018 – Toshkent shahridagi Inha universiteti xalqaro hamkorlik boʻlimi boshligʻi.
• 2018 – Oʻzbekiston Respublikasi Prezident huzuridagi Davlat boshqaruvi Akademiyasi tadqiqotchisi.
• 2018—2020 – Toshkent shahridagi Inha universitetining faol tadbirkorlik, innovatsion gʻoyalar va texnologiyalarni qoʻllab-quvvatlash masalalari boʻyicha bosh menejeri.
• 2020—2022 – Oʻzbekiston Respublikasi Vazirlar Mahkamasi huzuridagi Prezident, ijod va ixtisoslashtirilgan maktablarni rivojlantirish agentligi direktori.
• 2022-yil 30-dekabrdan 2025-yil 14-iyulgacha Oʻzbekiston Respublikasi Maktabgacha va maktab taʼlimi vaziri.
• 2025-yil 14-iyuldan – 2026-1-fevralgacha Oʻzbekiston Respublikasi Prezidenti Administratsiyasi rahbarining taʼlimni isloh qilish boʻyicha oʻrinbosari lavozimida faoliyat yuritgan.
• 2026-yil 17-fevraldan O‘zbekiston Respublikasi Maktabgacha va maktab ta’limi vazirligining pedagogik taʼlimni rivojlantirish masalalari boʻyicha oʻrinbosari va Nizomiy nomidagi Oʻzbekiston milliy pedagogika universiteti rektori etib tayinlandi.