Anzur Ismoilov

Anzur Ismoilov
Shaxsiy maʼlumot
Toʻliq ismi	Anzur Husanovich Ismoilov
Tavallud sanasi	1985-yil 21-aprel (41 yosh)
Tavallud joyi	Samarqand, Oʻzbekiston SSR
Boʻyi	1.90 m (6 ft 3 in)
Ampluasi	Himoyachi
Klub maʼlumoti
Joriy klub	Lokomotiv
Raqami	5
Yoshligida aʼzo boʻlgan klublar
2000—2001	Soliqchi
Professional faoliyati*
Yillar	Jamoa
2001—2002	Dinamo
2002—2003	Traktor
2003—2009	Paxtakor
2006	→ Dinamo
2010	Bunyodkor
2011—2018	Changchun Yatai FC
2018—2019	Lokomotiv
2020—2021	Paxtakor
2022—2023	OKMK
2024—	Lokomotiv
Milliy terma jamoa
2007—2021	Oʻzbekiston
	*Professional klublardagi gollari (ichki chempionat); (2025-yil 11-dekabr uchun)

Anzur Husanovich Ismoilov (1985-yili 21-aprelda Toshkent shahrida tugʻilgan) – oʻzbekistonlik futbolchi, himoyachi va tayanch yarim himoyachisi pozitsiyalarida oʻynaydi. Hozir Oʻzbekistonning „Lokomotiv“ futbol klubida oʻynaydi.

2007—2021-yilllar davomida Oʻzbekiston milliy terma jamoasi aʼzosi boʻlgan.

Jamoalardagi faoliyati

Professional futboldagi karyerasini 2001-yili Dinamo Samarqand futbol klubida boshlagan, 2002 va 2003-yillari Toshkentning „Traktor“ klubida oʻynagan. 2003-yildan 2009-yilgacha Paxtakor sharafini himoya qilgan boʻlsa, 2010-yilda „Bunyodkor PFK“ klubida 25 oʻyinda qatnashib 2ta golga mualliflik qildi.

2011-yilning 17-fevralidan boshlab Xitoyning Changchun Yatai FC klubiga oʻtdi va hozirgacha oʻsha klub sharafini himoya qilib kemoqda. Xitoy chempionatlarida 8 yil davomida harakat qildi. 2018-yilgi mavsumda Toshkentnig „Lokomotiv“ jamoasi taklifi tufayli vataniga qaytdi va termiryoʻlchilar bilan shartnoma imzoladi. Ikki yil davomida „termiryoʻlchilar“ safida harakat qilgan Anzur 2020-yilgi mavsumda sobiq jamoasi, Toshkentning boshqa bir klubi „Paxtakor“ jamoasi bilan shartnoma imzoladi. „Sherlar“ safida 2 mavsum davomida harakat qilib Oʻzbekiston chempioni, Kubok va Superkubok sohiubiga aylandi. 2022-yilgi mavsumdan Olmaliqning „OKMK“ jamoasi sharafini himoya qilib kelmoqda. 2024-yilda sobiq jamoasi, Toshkentning „Lokomotiv“ jamoasiga qaytdi va bir yillik shartnoma imzolagan.

Terma jamoadagi faoliyati

Terma jamoadagi ilk debyut uchrashuvini 2007-yili 2-iyulda Iroq terma jamoasiga qarshi kechgan uchrashuvda oʻtkazgan, oʻshanda oʻyinning 70-daqiqasida Anzur jamoadoshi Aleksey Nikolayev bilan almashtirilgan edi.

2013-yilning 10-sentyabrida 2014-yilgi jahon chempionatiga saralash bahslarining 5-roundi ikkinchi javob uchrashuvida Iordaniya terma jamoasiga qarshi kechgan oʻyinning boshida gol urib qahramonga aylangan edi, ammo oʻyinning oxirida penaltilar seriyasida gol urolmay, terma jamoaning jahon chempionati saralashdagi odimini toʻxtatgan edi.

2007-yilgi Osiyo kubogida ishtirok etib terma jamoa safida bitta uchrashuvda maydonga tushgan, 2011-yilgi Osiyo kubogida 5ta oʻyinda maydonga tushib yarim final ishtirokchisi boʻlgan boʻlsa, 2015-yilgi Osiyo kubogida 4 ta uchrashuvda maydonga tushib terma jamoa sharafini himoya qilgan. Jami terma jamoa safida 101 ta oʻyin oʻtkazib raqiblar darvozasini 3 marta ishgʻol qilgan. 2019-yilda terma jamoadagi faoliyatiga yakun yasadi.

Milliy terma jamoa uchun gollar

Gol va natijalar roʻyxatida birinchi boʻlib Oʻzbekistonning gollari qayd etilgan.

№	Sana	Stadion	Raqib	Hisob	Natija	Competition
1.	2013-yil 10-sentyabr	Paxtakor markaziy stadioni, Toshkent, Oʻzbekiston	Iordaniya	1-0	1-1	2014-yilgi jahon chempionati saralashi
2.	2015-yil 16-iyun	Kim Il-sung stadioni, Pxenyan, Shimoliy Koreya	Shimoliy Koreya	1-4	2-4	2018-yilgi jahon chempionati saralashi
3.	2016-yil 24-mart	Bunyodkor stadioni, Toshkent, Oʻzbekiston	Filippin	1-0	1-0	2018-yilgi jahon chempionati saralashi

Doping nazorati

2009-yil oktyabr oyida Ismoilov 2009-yil 17-iyunda oʻyindan keyingi doping nazoratida tetrahidrokannabinol (nasha) moddasi mavjudligi uchun uch oyga diskvalifikatsiya qilindi.

Yana qarang

Xalqaro darajadagi 100 va undan ortiq oʻyinlardan maydonga tushgan erkak futbolchilar roʻyxati