Oʻtkir Yusupov

Oʻtkir Yusupov

Shaxsiy maʼlumot
Toʻliq ismi	Oʻtkir Davlatbekovich Yusupov
Tavallud sanasi	1991-yil 4-yanvar (1991-01-04) (35 yosh)
Tavallud joyi	SayramQozogʻiston SSR
Boʻyi	1.85 cm (1⁄2 in)
Ampluasi	Darvozabon
Klub maʼlumoti
Joriy klub	Navbahor
Raqami	1
Yoshligida aʼzo boʻlgan klublar
2009—2010	Paxtakor
Professional faoliyati*
Yillar	Jamoa	Isht.	(Gol.)
2012—2013	Mashʼal	4	(0)
2014—2015	Nasaf	18	(0)
2016—2017	Neftchi	38	(0)
2018—2019	Qoʻqon 1912	32	(0)
2019—2024	Navbahor	139	(0)
2024—2025	Foolad F.C.	29	(0)
2026—	Navbahor	18	(0)
Milliy terma jamoa‡
2018—	Oʻzbekiston	43	(0)
*Professional klublardagi gollari (ichki chempionat) (2026-yil 7-mart uchun) ‡ Milliy terma jamoadagi gollari (2025-yil 19-noyabr uchun)

Oʻtkir Yusupov (qozoqcha: Юсупов, Уткир Давлатбекович; 1991-yil 4-yanvar, Sayram, Qozogʻiston) – oʻzbekistonlik futbolchi, Namanganning Navbahor klubi va Oʻzbekiston milliy terma jamoasi darvozaboni. Oʻtkir uygʻur millatidan.

U kattalar futbolidagi debyutini 2012-yilda „Mashʼal“ klubi safida oʻtkazgan va u yerda ikki mavsum oʻtkazib, 4 ta chempionat oʻyinida qatnashgan.

„Nasaf“ klubi murabbiylar shtabining eʼtiboriga ega boʻlib, u 2014-yilda jamoaga kelib qoʻshildi. Futbolchilik faoliyatining keyingi ikki mavsumini Qarshi shahri jamoasida oʻtkazgan.

2016-yilda „Neftchi“ (Fargʻona) klubi bilan shartnoma imzolagan va futbolchilik faoliyatining keyingi ikki yilini Fargʻona jamoasi tarkibida oʻtkazgan.

„Qoʻqon 1912“ jamoasi safiga 2018-yilda qoʻshilgan. Bir mavsum davomida Qoʻqon jamoasida 32 ta oʻyinda ishtirok etgan. 2019-yilning 24-yanvar kuni u Namanganning „Navbahor“ jamoasi bilan shartnoma imzolagan.

2024-yil 26-iyulda Eron Fors koʻrfazi Pro ligasi ishtirokchisi, Xuzistonning „Foolad“ jamoasiga 300 ming yevroga transfer qilingani eʼlon qilingan.

2026-yilgi mavsumda Timur Kapadze boshchiligidagi Navbahor klubiga qaytgan.

2018-yilning 16-oktyabr kuni Oʻzbekiston milliy terma jamoasi safida Qatar terma jamoasiga qarshi oʻrtoqlik uchrashuvida debyut uchrashuvini oʻtkazgan.

Yusupov Oʻzbekiston terma jamoasining 2019-yilda Birlashgan Arab Amirliklarida boʻlib oʻtgan Osiyo Kubogi qaydnomasiga kiritilgan. 2023-yilgi Qatarda oʻtkazilgan AFC Osiyo kubogida asosiy darvozabon sifatida ishtirok etgan va 5 ta oʻyinda oʻynagan.

Futbol boʻyicha 2026-yilgi jahon chempionati uchun Oʻzbekiston terma jamoasi qaydnomasidan oʻrin olgan.

2025-yil 6-iyunda Oʻzbekiston iftixori faxriy unvoni bilan taqdirlangan.