| Abdujabbor Abdusattarovich Abduvohidov | |
|---|---|
 | |
| Oʻzbekiston Respublikasi Prezidentining yoshlar, fan, taʼlim, sogʻliqni saqlash va sport masalalari boʻyicha maslahatchisi | |
| Mansab davri 2018-yil 27-avgustdan – 2022-yil 25-avgustgacha | |
| Prezident | Shavkat Mirziyoyev |
| Oʻtmishdoshi | Rustam Qosimov |
| Vorisi | Odil Abdurahmonov |
| Shaxsiy maʼlumotlari | |
| Tavalludi | 1956-yil 16-dekabr Qozogʻiston SSR |
| Maʼlumoti | Oʻzbekiston milliy universiteti |
Abdujabbor Abdusattarovich Abduvohidov (1956-yil 16-dekabrda tugʻilgan, Qozogʻiston SSR, SSSR) — oʻzbek davlat arbobi, olim va diplomat, tarix fanlari nomzodi.
2018-yil 27-avgustda Oʻzbekiston Prezidenti Shavkat Mirziyoyevning farmoni bilan Prezidentning yoshlar, fan, taʼlim, sogʻliqni saqlash va sport masalalari boʻyicha maslahatchisi etib tayinlandi.
Biografiyasi
1978-yildan Misrda tarjimon boʻlib ishlagan. 1981-yildan 1983-yilgacha boʻlgan davrda harbiy xizmatni oʻtab, oʻsha yili xizmatdan soʻng darhol Toshkent davlat universiteti (hozirgi Oʻzbekiston Milliy universiteti) aspiranti boʻldi.
1987-yilda falsafa-iqtisod fakultetida ishlagan. 1988-yilda Oʻzbekiston Fanlar akademiyasi Sharqshunoslik instituti ilmiy kotib boʻldi. 1990-yilda 1928-1963-yillarda Misr va Suriyaning ijtimoiy-siyosiy maydonida „Musulmon birodarlar“ mavzusida nomzodlik dissertatsiyasini himoya qildi.
[[1992-yilda „Meros Academy“ mas’uliyati cheklangan jamiyatining direktori lavozimiga koʻtarildi va 1997-yilda Oʻzbekiston Respublikasi Prezidenti huzuridagi Davlat va jamoat qurilishi akademiyasining ilmiy va tijorat tadqiqotlari boʻlimining boshligʻi boʻldi. 1998-2001-yillarda „Ustoz“ respublika jamgʻarmasining ijrochi direktori boʻlgan. 2001-2002-yillarda Oʻzbekiston Respublikasi Prezidenti huzuridagi Davlat va jamiyat qurilishi akademiyasining xalqaro boʻlimi mudiri boʻlib ishlagan. 2002-yilda xalqaro tinchlik uchun Karnegi fondiga tadqiqotchi sifatida taklif qilindi.
2003-yildan 2004-yilgacha — Oʻzbekiston Respublikasi Prezidentining fan, taʼlim va ijtimoiy masalalar boʻyicha davlat maslahatchisi. 2002-yildan 2011-yilgacha Toshkent xalqaro Vestminster universiteti rektori sifatida ishlagan.
2011-yil 26-iyulda Vazirlar Mahkamasining qarori bilan Jahon iqtisodiyoti va diplomatiya universiteti rektori etib tayinlandi. Shu yili Oʻzbekiston Respublikasi Prezidenti huzuridagi Davlat boshqaruvi akademiyasining rektori boʻldi. 2015-yilda „GALLERY SIGNATURE“ mas’uliyati cheklangan jamiyatining direktori boʻldi.
2017-yilda NextStepPro xususiy taʼlim muassasasining direktori boʻldi. Xuddi shu yili u istiqbolli yosh oʻqituvchi va ilmiy kadrlar malakasini oshirish uchun „Isteʼdod“ Oʻzbekiston Respublikasi Prezidenti jamgʻarmasining ijrochi direktori lavozimini oldi.
2018-yil 6-fevralda Oʻzbekiston Respublikasi Tashqi ishlar vazirligining oʻrinbosari lavozimiga tayinlandi. 31-iyulida Oʻzbekiston Prezidentining fan, taʼlim va sogʻliqni saqlash masalalari boʻyicha davlat maslahatchisi boʻldi.
2018-yil 27-avgustda Prezidentning yoshlar, fan, taʼlim, sogʻliqni saqlash va sport masalalari boʻyicha maslahatchisi vazifasiga tayinlandi.
- 16-dekabrda tugʻilganlar
- 1956-yilda tugʻilganlar
- Oʻzbekistondagi oliy oʻquv yurtlari rektorlari
- Oʻzbekiston Milliy universiteti bitiruvchilari