Falastin yerlari yoki Falastin hududlari – sobiq Falastinda Britaniya mandatining ikki hududi boʻlib, Iordan daryosining Gʻarbiy sohili (jumladan, Sharqiy Quddus) hamda Gʻazo sektoridan iborat. Bu ikki hudud 1967-yilda sodir boʻlgan Olti kunlik urushdan beri Isroil okkupatsiyasi ostida qolmoqda. Xalqaro sud Gʻarbiy Sohil, jumladan, Sharqiy Quddusni „Ishgʻol ostidagi Falastin hududi“ (inglizcha: Occupied Palestinian Territory) deb nomlaydi. Sud 2004-yilda eʼlon qilgan izohda aynan shu atama ishlatilgan. 1999-yilning oktyabridan to 2012-yilning dekabriga qadar Birlashgan Millatlar Tashkiloti hamda boshqa xalqaro tashkilotlar „Ishgʻol ostidagi Falastin hududi“ atamasini Falastin milliy maʼmuriyati nazorati ostidagi hududlarga nisbatan qoʻllagan, ammo 2012-yilda Falastin BMTning aʼzo boʻlmagan kuzatuvchi davlatiga aylanganidan keyin, BMT Falastin Davlati atamasini qoʻllay boshlagan. Yevropa Ittifoqi ham „ishgʻol ostidagi Falastin hududi“ atamasidan foydalanadi. Isroil hukumati hamda uning tarafdorlari esa „munozarali hududlar“ atamasini ishlatadi.
Falastin yerlari الأراضي الفلسطينية al-Arāḍī al-Filasṭīniyya | |
|---|---|
 Yashil chiziq asosida chizilgan Falastin hududlari xaritasi | |
| Eng katta shahar | Gʻazza |
| Maydon | |
• Butun | 6 220 km2 |
| Aholi | |
• Roʻyxat | 4 816 503 |
| • Zichlik | 654/km2 |
| Pul birligi |
|
| Vaqt mintaqasi | UTC+2 EET |
| Telefon prefiksi | +970 |
| Internet domeni |
|