Murod Ismoilov

Vikipediyada ismi Murod va familiyasi Ismoilov boʻlgan boshqa kishilar haqida ham maqolalar mavjud.

Murod Ismoilov (ruscha: Исмаилов, Мурад Музаффарович, 1969-yil 4-yanvar, Margʻilon, Oʻzbekiston SSR) – oʻzbekistonlik sobiq professional futbolchi, hujumchi yoki yarim himoyachi pozitsiyalarida oʻynagan. Paxtakor va Neftchi klublarida bosh murabbiy sifatida ishlagan.

Futbolchilik faoliyatini 1985-yilda Fargʻonaning „Neftchi“ jamoasida boshlagan. 1987-yilning kuzida Harbiy xizmatga chaqirilgan. Harbiy xizmatdan qaytgach, 1990-yilda Fargʻonaning „Neftyanik“ jamoasiga qaytib kelgan. 1991-yili Andijonning „Navroʻz“ jamoasida toʻp surgan va keyinchalik yana Fargʻona jamoasiga qaytgan. 1992-yilning yozida u Margʻilonning „Atlaschi“ jamoasiga koʻchib oʻtgan va u yerda 5 mavsum toʻp surgan. 1997-yilning yozida „Andijon“ jamoasi bilan yana shartnoma imzolagan. 1998-yilda Fargʻonaning „Neftchi“ klubi tarkibida oʻynagan. 2000-yilda Murod Qarshining „Nasaf“ klubi tarkibida oʻynagan. Soʻngra 2003-yilgi mavsumda Quvasoyning „Sementchi“ klubi tarkibiga oʻtgan va 2005-yilda futbolchilik faoliyatini yakunlagan.

Futbolchi boʻlganidayoq murabbiylik faoliyatini boshlagan. Avvaliga Quvasoyning „Sementchi“ jamoasini tarbiyalashda yordam bergan, 2007-yilda esa klubni boshqargan. 2010-yilda Toshkentning „Paxtakor“ klubi murabbiylar shtabiga kelib qoʻshilgan. Ravshan Haydarov 2011-yil 29-sentyabrda isteʼfoga chiqarilganidan soʻng yil oxirigacha Paxtakor klubini bosh murabbiyi vazifasini bajaruvchi etib tayinlangan. 2012-yilning iyun oyida yana bosh murabbiylik faoliyatini davom ettirgan va 2012-yilning 29-dekabrida „Paxtakor“ jamoasiga bosh murabbiy etib tayinlangan va uni 2013-yilning oxirigacha boshqargan. 2014-yilning 3-yanvaridan Fargʻonaning „Neftchi“ klubini va 2015-yil 7-dekabrda FK Qoʻqon 1912 jamoasiga murabbiylik qilgan. 2018-yilgi mavsumda „Metallurg“ Bekobod jamoasida yordamchi murabbiy sifatida ishlagan. 2023-yilgi mavsumda Quvasoyning „Sementchi“ jamoasi bosh murabbiyi sifatida shartnoma imzolagan.

Ismoilovning oʻgillari (Islombek Ismoilov va Muzaffar Muzaffarov) ham futbol sportida faoliyat olib boradi.