Nasiba Abdullayeva

Vikipediyada ismi Nasiba va familiyasi Abdullayeva boʻlgan boshqa kishilar haqida ham maqolalar mavjud.

Nasiba Abdullayeva
Tavalludi	1961-yil 15-noyabr (1961-11-15) (64 yosh) Samarqand, OʻzSSR
Janrlar	estrada musiqasi
Kasbi	qoʻshiqchi aktrisa
Faoliyat yillari	1979-yildan
Leybllar	Blue Flame Records
Fuqaroligi	SSSR va Oʻzbekiston
Mukofotlari
Veb-sayt	http://nasibaabdullaeva.com/

Nasiba Melikovna Abdullayeva (1961-yil 15-noyabr, Samarqand, Oʻzbekiston SSR) – sovet va oʻzbek estrada xonandasi. Oʻzbekiston (1993) va Ozarbayjon (2022) xalq artisti. Oʻzbek, fors, ozarbayjon, arab, tojik, rus va boshqa tillarda qoʻshiqlar ijro etadi.

Nasiba Abdullayeva 1961-yil 15-noyabrda Samarqand shahrida ishchi oilasida dunyoga kelgan. Otasi Melik Yarmuhamedov (eron) va onasi Xalchuk Xalimakulova (millati tojik) oilasida tugʻilgan. Nasiba Abdullayeva bolaligida musiqa maktabida akkordeonda oʻqigan. Boʻlajak xonanda arxitektura-qurilish institutiga kira olmaganidan keyin, maktabda musiqa oʻqituvchisi sifatida oʻz faoliyatini olib borgan.

1980-yilda Nasiba yangi tashkil etilgan „Samarqand“ vokal-cholgʻu ansambliga solist sifatida taklif qilingan. Oʻsha yili uning qoʻshiqlari bilan ikkita – „Bari Gal“ va „Samarqand“ nomli albomlari chiqqan.

1989-yilda Abdulla Qodiriy nomidagi Toshkent madaniyat institutini tamomlab, Oʻzbekiston davlat filarmoniyasiga ishga oʻtdi.

1990-yilda „Ayriliq“ nomli birinchi yakkaxon albomini chiqaradi.

2000-yilda eri bilan ajrashgach, ikki yil davomida sahnani tark etadi.

2002-yilda esa sahnaga qaytadi. Nasiba Abdullayeva 2004-yildan beri Davlat konservatoriyasida estrada ijrochiligi kafedrasida dars beradi.

2018-yilda „Farida“ qoʻshigʻidan parcha Fendi savdo uyi reklama roligida ishlatilgan.

2022-yil 30-avgustda Ozarbayjon prezidentining farmoni bilan Nasiba Abdullayevaga Ozarbayjon xalq artisti faxriy unvoni berilgan.

Nasiba Abdullayeva 1979-yilda ganjalik gitarachi Eldor Abdullayevga turmushga chiqqan. Afsuski, ular 2000-yilda ajrashishgan.

1980-yil – „Bari gal“

1980-yil – „Samarqand“

1990-yil – „Ayriliq“

2000-yil – „Sogʻinch“

2002-yil – „Umr bahori“

2006-yil – „Eslanar“

2014-yil – „Baxt oʻzi nimadur?“

Nasiba Abdullayeva 1987-yilda O‘zbekiston SSRda xizmat ko‘rsatgan artist, 1999-yilda Oʻzbekiston xalq artisti, 1999-yilda Mehnat shuhrati ordeni, 2018-yilda Fidokorona xizmatlari uchun ordeni va 2022-yilda Ozarbayjon xalq artisti unvoni bilan taqdirlangan.