Wonka (film)

Wonka
Rejissyor(lar)	Paul King
Prodyuser(lar)	David Heyman; Alexandra Derbyshire; Luke Kelly;
Ssenariy; muallif(lar)i	Simon Farnaby; Paul King; Paul King
Qaysi asarga; asoslangan	Qahramonlar; –Roald Dahl
Rollarda	Timothée Chalamet; Calah Lane; Keegan-Michael Key; Paterson Joseph; Matt Lucas; Mathew Baynton; Sally Hawkins; Rowan Atkinson; Jim Carter; Natasha Rothwell; Olivia Colman; Hugh Grant;
Bastakor(lar)	Joby Talbot; Neil Hannon;
Operator(lar)	Chung-hoon Chung
Montajyor(lar)	Mark Everson
Studiya	Village Roadshow Pictures; The Roald Dahl Story Company; Heyday Films; Domain Entertainment;
Distribyutor	Warner Bros. Pictures;
Premyera; sanasi	2023-yil 24-oktyabr (ShowEast); 2023-yil 8-dekabr (Birlashgan Qirollik); 2023-yil 15-dekabr (Qoʻshma shtatlar);
Davomiylik	116 minut
Mamlakatlar	Buyuk Britaniya; AQSH;
Til	inglizcha
Byudjet	$125 million
Daromad	$272.1 million

Wonka (oʻzbekcha: Vonka) — 2023-yilgi musiqiy fantastik film, rejissyor Paul King, u King hikoyasi asosida Saymon Farnabi bilan hamkorlikda ssenariy yozgan. U 1964-yilda Roald Dahlning Charli va shokolad fabrikasi romani qahramoni Willy Wonkaning shokolad sotuvchi sifatidagi faoliyatining ilk kunlarini aks ettiradi. Filmda bosh rolni Timothée Chalamet oʻynagan, shuningdek, Calah Lane, Keegan-Michaell Key, Paterson Joseph, Matt Lucas, Mathew Baynton, Sallt Hawkins, Rowan Atkinson, Jim Carter, Natasha Rothwell, Olivia Colman va Hugh Grant kabi aktyorlar ham filmda bir qator rollarni ijro etgan. Bu „Villi Vonka va shokolad fabrikasi“ (1971-yil) va „Charli va shokolad fabrikasi“ (2005-yil) filmlaridan keyin Roald Dalhning romaniga asoslangan holda suratga olingan uchinchi filmdir.

Filmni suratga olish ishlari Warner Bros. Pictures 2016-yil oktabr oyida personajga boʻlgan huquqlarni qayta qoʻlga kiritgandan soʻng boshlangan va filmda personajning kelib chiqish tarixi haqida hikoya qilinishi eʼlon qilindi. Paul King Wonkani 1971-yilgi filmga „yordamchi qism“ sifatida ishlab chiqqan va shuning uchun Oompa Loompalarning baʼzi musiqalari, tematik elementlari va vizual dizaynlari bu filmda takrorlanadi. 2021-yil may oyida Timothée Chalamet Wonka rolini oʻynashi tasdiqlanadi va oʻsha yilning sentabr oyida yordamchi aktyorlar tarkibi ham eʼlon qilinadi. Asosiy suratga olish ishlari Buyuk Britaniyada 2021-yil sentyabr oyida boshlangan. Suratga olish ishlari Watfordning Livsden hududidagi Warner Bros. Studios, shuningdek, Oxford, Lyme Regis, Bath, Sent-Albans va Londonning Crofton Parkdagi Rivoli Ballroom zalida amalga oshirilgan. Film uchun tanlangan qoʻshiqlar Neil Hannon tomonidan kuylangan, qoʻshiq kompozitori esa Joby Talbot hisoblanadi.

2023-yil 28-noyabr kuni Londondagi Southbank Centerdagi Royal Festival Hall zalida Wonka filmining jahon premyerasi boʻlib oʻtdi. U Buyuk Britaniyada 8-dekabrda, AQShda esa 15-dekabrda Warner Bros. Pictures tomonidan premyera qilingan. Film butun dunyo boʻylab 272 million dollar miqdorida daromad yigʻdi va tanqidchilardan umuman holatda ijobiy baho olishga erishdi. Oʻzining ijrosi uchun Timothée Chalamet „Oltin globus“ mukofotining „Eng yaxshi aktyor“ – musiqiy yoki komediya filmi nominatsiyasiga nomzod boʻldi.

Syujeti

Willy Wonka intiluvchan sehrgar, ixtirochi va shokolad tayyorlovchi personaj. U Galeries Gourmetda oʻz shokolad doʻkonini ochish uchun Yevropaga keladi. Arzimagan jamgʻarma pullarini ishlatib yuborgach, uni Bleacher oʻz qoʻl ostidagi missis Scrubittning pansionatida qolishga majbur qiladi, sababi Willy yetim Noodlening jarima toʻgʻrisidagi qatʼiy ogohlantirishlariga qaramay, savodsizligi sababli shartnoma imzolagan edi. Shokolad doʻkoniga ega boʻlmagan holatda shirinlik sotgani uchun politsiya boshligʻiga Willyning daromadlarini musodara qilish uchun qoʻngʻiroq qilgan uch raqib shokoladchilarga javoban u raqiblarini mazahlashga yordam bergan „hoverchocs“ nomli odamlarni uchiruvchi shokoladlarni taqdim etadi va shu orqali jarimalarini toʻlash uchun pul jamgʻaradi.

Rollarda

Timothée Chalamet Willy Wonka rolida, izlanuvchan ixtirochi va shokoladchi boʻlib, oʻzining shokolad doʻkonini ochishni orzu qiladi.
- Colin O'Brien Willy Wonkaning yoshligi rolida
Calah Lane Noodle rolida, Willyning assistanti boʻladigan yetim qizaloq
Keegan-Michael Key shokolad karteli bilan til biriktirgan nomaʼlum ismli shokoladxoʻr politsiya boshligʻi rolida
Paterson Joseph Artur Slugvort, korrupsion biznesmen va Shokolad karteli rahbari, Noodlening amakisi rolida
Matt Lucas Gerald Prodnose,rolida, korrupsion biznesmen va Shokolad kartelining aʼzosi
Mathew Baynton Felix Fickelgruber rolida, korrupsion biznesmen va Shokolad kartelining aʼzosi „kambagʻal“ soʻziniyoqtirmaydigan personaj.
Sally Hawkins Willy Wonkaning onasi
Rowan Atkinson Julius Ota, shokolad karteli bilan ittifoq qiluvchi shokoladga qaram ruhoniy
Jim Carter Abacus Crunch rolida
Natasha Rothwell Piper Benz rolida
Olivia Colman Mrs. Scrubitt rolida
Hugh Grant Lofty rolida, Wonkaning ittifoqchisi boʻlgan Oompa-Loompa
Rich Fulcher Larry Chucklesworth rolida
Rakhee Thakrar Lottie Bell rolida
Tom Davis Bleacher rolida
Kobna Holdbrook-Smith ofitser Affable rolida
Simon Farnaby Basil rolida
Charlotte Ritchie Barbara rolida
Ellie White Gwennie rolida
Sophie Winkleman grafinya rolida
Murray McArthur kema kapitani rolida
Tracy Ifeachor Dorothy Smith rolida, Noodlening onasi
Isy Suttie Meva va sabzavotlar sotuvchisi rolida
Phil Wang Colin rolida
Tim FitzHigham dahshatli kema kapitani rolida

Musiqa va saundtrek

Ilohiy komediyaning solisti Neil Hannon film qoʻshiqlarini kuylagan. Qoʻshiqlar kompozitor Joby Talbot tomonidan yaratilgan. Filmdagi qoʻshiqlar va yozuvlardan iborat saundtrek WaterTower Music tomonidan 2023-yil 8-dekabrda chiqarilgan.

Mukofotlar


Mukofot	Marosim sanasi	Turkum	Qabul qiluvchi(lar)	Natija
Tanqidchilar tanlovi kino mukofotlari	2024-yil 14-yanvar	Eng yaxshi yosh aktyor/aktrisa	Calah Lane	Nomzodlikka qoʻyilgan
Tanqidchilar tanlovi kino mukofotlari	2024-yil 14-yanvar	Eng yaxshi kostyum dizayni	Lindy Hemming	Nomzodlikka qoʻyilgan
Oltin globus mukofotlari	2024-yil 7-yanvar	Eng yaxshi aktyor – komediya yoki musiqiy film	Timothée Chalamet	Nomzodlikka qoʻyilgan
Media mukofotlarida Gollivud musiqasi	2023-yil 15-noyabr	Original qoʻshiq – ilmiy-fantastik/fantastik film	Neil Hannon, Simon Farnaby va Paul King („A World of Your Own (Oʻzingning dunyosi)“)	Nomzodlikka qoʻyilgan
		Original qoʻshiq – ilmiy-fantastik/fantastik film	Neil Hannon, Simon Farnaby, and Paul King („You've Never Had Chocolate Like This (Sizda hech qachon bunday shokolad boʻlmagan)“)	Nomzodlikka qoʻyilgan
		Eng yaxshi qoʻshiq – Ekrandagi ijro (film)	Timothée Chalamet („A World of Your Own (Oʻzingga tegishli dunyo)“)	Nomzodlikka qoʻyilgan
		Musiqiy mavzuli film, biopik yoki musiqiy	Wonka	Nomzodlikka qoʻyilgan

Eslatmalar

Seamus McGarvey filmning asosiy operatori edi, lekin filmga ishlov berish jarayonida vazifasini bajara olmagan. Chung uning oʻrniga ishga olingan va faqat filmning operatori sifatidagina eʼtirof etilgan.

[3] Seamus McGarvey filmning asosiy operatori edi, lekin filmga ishlov berish jarayonida vazifasini bajara olmagan. Chung uning oʻrniga ishga olingan va faqat filmning operatori sifatidagina eʼtirof etilgan.