Ulugʻbek Qosimov

Ulugʻbek Berdiqobilovich Qosimov
Qosimov, 2024-yil
Surxondaryo viloyati hokimi
Mansab davri 2022-yil 26-dekabrdan
Hukumat boshligʻi	Abdulla Aripov
Prezident	Shavkat Mirziyoyev
Oʻtmishdoshi	Toʻra Bobolov
Shaxsiy maʼlumotlari
Tavalludi	1983-yil 22-sentyabr (1983-09-22) (42 yosh) Qamashi tumani, Qashqadaryo viloyati
Mukofotlari
Unvoni	3-darajali davlat adliya maslahatchisi

Ulugʻbek Berdiqobilovich Qosimov — oʻzbek yuristi, davlat arbobi. 2022-yildan Surxondaryo viloyati hokimi.

2001—2005 — Samarqand davlat universiteti talabasi.

2005—2006 — Surxondaryo viloyati Denov tumani prokuraturasi ish oʻrganuvchisi.

2006—2007 — Surxondaryo viloyati Bandixon tumani prokurori yordamchisi.

2007—2010 — Surxondaryo viloyati Uzun tumani prokuraturasi tergovchisi.

2010—2011 — Surxondaryo viloyati prokuraturasi qishloq xoʻjaligi sohasida qonuniylikni taʼminlash va xoʻjalik yurituvchi subyektlarning huquqlarini himoya qilish boʻlimi prokurori.

2011—2012 — Oʻzbekiston Respublikasi Bosh prokuraturasi fuqarolarning huquq va erkinliklari, jamiyat va davlat manfaatlarini himoya qilish boshqarmasi prokurori.

2012—2014 — Surxondaryo viloyati prokuraturasi qishloq xoʻjaligi sohasida qonuniylikni taʼminlash va xoʻjalik yurituvchi subyektlarning huquqlarini himoya qilish boʻlimi boshligʻi.

2014—2016 — Surxondaryo viloyati prokuraturasi qishloq xoʻjaligi sohasida qonunchilik ijrosi ustidan nazorat boʻlimi boshligʻi.

2016—2016 — Surxondaryo viloyati Qumqoʻrgʻon tumani prokurori.

2016—2017 — Surxondaryo viloyati Muzrabot tumani hokimi.

2017—2018 — Surxondaryo viloyati Denov tumani hokimi.

2018—2019 — Surxondaryo viloyati prokurori.

2019—2021 — Fargʻona viloyati prokurori.

2021—2022 — Toshkent shahar prokurori.

2022—2023 — Surxondaryo viloyati hokimi vazifasini bajaruvchi.

2023-yildan — Surxondaryo viloyati hokimi. 12-iyun kuni Oʻzbekiston Respublikasi Oliy Majlisi senati aʼzoligiga saylandi.

2024-yil 24-avgustda Mehnat shuhrati ordeni bilan mukofotlangan.