Srečko Katanec

Srechko Katanets
Shaxsiy maʼlumot
Toʻliq ismi	Srechko Katanets
Tavallud sanasi	1963-yil 16-iyul (62 yosh)
Tavallud joyi	Lyublyana
Boʻyi	190 cm (6 ft 3 in)
Ampluasi	Himoyachi, Yarim himoyachi
Mukofotlari
Yoshligida aʼzo boʻlgan klublar
1970—1981	Ljubljana
Professional faoliyati*
Yillar	Jamoa
1981—1985	Olimpija
1985—1986	Dinamo Zagreb
1986—1988	Partizan
1988—1989	VfB Stuttgart
1989—1994	Sampdoria
Total
Milliy terma jamoa
	Yugoslaviya U21
1983—1990	Yugoslaviya
1994	Sloveniya
Boshqargan klublari
1996—1998	Sloveniya U21
1998	Goritsa
1998—2002	Sloveniya
2003	Olimpiakos
2006—2009	Makedoniya
2009—2011	BAA
2013—2017	Sloveniya
2018—2021	Iroq
2021—2025	Oʻzbekiston
	*Professional klublardagi gollari (ichki chempionat)

Srečko Katanec (talaffuzi: Srechko Katanets; 1963-yil 16-iyul, Lyublyana) – sloveniyalik futbolchi va murabbiy, Oʻzbekiston milliy terma jamoasi sobiq bosh murabbiyi.

Faoliyati

Futbolchi faoliyati

Faoliyatini Lyublyana klubida boshlagan. 1981—1988-yillarda Yugoslaviyaning „Olimpiya“, Zagrebning „Dinamo“ va „Partizan“ klublarida oʻynagan. 1988-yilda u Gʻarbiy Germaniyaning Shtutgartiga koʻchib oʻtdi, u yerda bir mavsum oʻtkazdi. UEFA kubogi finalchisiga aylandi. Mavsum yakunlangach, Italiyaning „Sampdoriya“ klubiga yoʻl oldi. Italiya klubi bilan u deyarli barcha unvonlarni qoʻlga kiritgan: chempionat, Kubok va Superkubok. Kubok egalari kubogini ham qoʻlga kiritgan. 1991/92-yilgi mavsumda u soʻnggi yevrokubokda finalchi boʻlgan, oʻshanda jamoasi qoʻshimcha vaqtda 0:1 hisobida „Barselona“ga magʻlub boʻlgan.

Murabbiylik faoliyati

Sloveniya U21 terma jamoasi

21 yoshigacha 1996-yildan 1997-yilgacha Sloveniya terma jamoasida murabbiy Drago Kostanshekning yordamchisi boʻlgan.

Goritsa (Nova Goritsa)

1997-yilning dekabrida ikki yarim yillik shartnoma imzolab, „Goritsa“ bosh murabbiyi boʻlgan.

Sloveniya terma jamoasi

1998-yilning iyul oyida Sloveniya terma jamoasi bosh murabbiyi etib eʼlon qilindi.

Sloveniya bilan Ukrainani pley-off bosqichida magʻlub qilgan. 2000-yilgi Yevropa chempionatiga yoʻllanma oldi, bu mamlakatning yirik turnirdagi birinchi ishtiroki edi. Turnirda Sloveniya Yugoslaviya va Norvegiya bilan durang oʻynadi, biroq Ispaniyaga imkoniyatni boy berib, guruhdan chiqa olmadi.

Sloveniya terma jamoasi futbol boʻyicha 2002-yilgi jahon chempionatiga yoʻllanmani qoʻlga kiritgan. Ispaniya, Janubiy Afrika Respublikasi va Paragvayga guruhdagi uchta oʻyinda magʻlub boʻlgan. Katanets jahon chempionatidan soʻng faoliyatini yakunlagan.

Olimpiakos (Pirey)

2002-yil 2-noyabrda Gretsiyaning „Olimpiakos“ klubi bosh murabbiyi boʻlgan. Katanets qoʻl ostida „Olimpiakos“ kutilganidan ham yomonroq oʻynadi va 2003-yilning 7-fevralida klub uning shartnomasini bekor qildi. 2004-yilda Xorvatiya terma jamoasi bosh murabbiyligiga nomzod boʻlgan, biroq uning oʻrniga Zlatko Kranchar tanlangan.

Makedoniya terma jamoasi

2006-yilning 17-fevralida Yevro-2008 saralash bosqichi uchun Makedoniya terma jamoasiga bosh murabbiy etib tayinlangan. 2010-yilgi FIFA Jahon chempionati saralash bosqichidagi aralash natijalardan soʻng, jumladan Shotlandiya ustidan 1:0 hisobida gʻalaba qozongan va Gollandiyaga 0:4 hisobida magʻlub boʻlganidan soʻng, Katanets 2009-yil 6-aprelda oʻz lavozimidan isteʼfoga chiqdi.

BAA terma jamoasi

2009-yilning 23-iyunida Birlashgan Arab Amirliklari terma jamoasining bosh murabbiyi sifatida tanishtirildi. 2011-yil 6-sentyabrda futbol boʻyicha 2014-yilgi jahon chempionati saralashining uchinchi bosqichida ketma-ket ikkita magʻlubiyatdan soʻng ishdan boʻshatildi.

Sloveniya terma jamoasi

2012-yil 31-dekabrda Sloveniya futbol assotsiatsiyasining ikkinchi marta bosh murabbiy boʻlish taklifini qabul qildi va 2013-yil

ha jahon chempionatiga oʻta olmaganidan soʻng isteʼfoga chiqdi.

Iroq terma jamoasi

2018-yilning 4-sentyabrida uch yillik shartnoma asosida Iroq terma jamoasi bosh murabbiyi etib tayinlandi. Uning birinchi yirik musobaqasi 2019-yilgi Osiyo Kubogi boʻlib, unda Iroq boʻlajak chempion – Qatarga 0:1 hisobida magʻlub boʻlib, 1/8 finalga chiqdi.

Uning rahbarligida Iroq ham futbol boʻyicha 2022-yilgi jahon chempionati saralash oʻyinlarida qoʻshni Eron ustidan 2:1 hisobida sezilarli gʻalabaga erishdi. Shundan soʻng, Iroq saralashning uchinchi bosqichiga yoʻl oldi. Ammo, olti oy davomida maoshi toʻlanmagani tufayli Katanes 2021-yilning iyul oyida murabbiylikdan ketgan.

Oʻzbekiston terma jamoasi

2021-yilning avgustida 4 yil muddatga Oʻzbekiston milliy futbol terma jamoasi bosh murabbiyi boʻldi. 2025-yil 22-yanvar kuni sogʻligʻi bilan bogʻliq muammolar sababli bosh murabbiylikdan ketgan.

Yutuqlari

"Partizan"

Yugoslaviya chempioni: 1986/87

"Sampdoriya"

Italiya chempioni: 1990/91
Italiya kubogi sohibi: 1993/94
Italiya Superkubogi sohibi: 1991
Gʻoliblar kubogi sohibi: 1989/90

Mukofotlari

2025-yil 6-iyunda Doʻstlik ordeni bilan taqdirlangan.