Yordam
Bepul yuklab olish va ma’lumotlar platformasi

Rauf Nabiyev (asl ismi — Nabiyev Abduraufbek Abdurazzoq oʻgʻli; 1992-yil 6-oktabr, Toshkent) — oʻzbekistonlik rejissyor va klipmeyker. Oʻzbekiston Respublikasi

Rauf Nabiyev

Vikipediya, erkin ensiklopediya
Rauf Nabiyev
Nabiyev Abduraufbek Abdurazzoq o‘g‘li
 O‘zbekiston Respublikasi madaniyat vazirining raqamli texnologiyalar va sun’iy intellekt texnologiyalarini rivojlantirish masalalari bo‘yicha maslahatchisi
Mansab davri
2025-yil dekabrdan – hozirgacha
Prezident Shavkat Mirziyoyev
Vazir Ozodbek Nazarbekov
 Raqamli San'at Ijodiy Birlashmasi rahbari
Mansab davri
 – hozirgacha
Prezident Shavkat Mirziyoyev
Vazir Ozodbek Nazarbekov
Shaxsiy maʼlumotlari
Tavalludi 1992-yil 6-oktyabr (1992-10-06) (33 yosh)
Toshkent
Kasbi rejissyor, klipmeyker
Mukofotlari

Rauf Nabiyev (asl ismi — Nabiyev Abduraufbek Abdurazzoq oʻgʻli; 1992-yil 6-oktabr, Toshkent) — oʻzbekistonlik rejissyor va klipmeyker. Oʻzbekiston Respublikasi madaniyat vazirining raqamli texnologiyalar va sunʼiy intellekt texnologiyalarini rivojlantirish masalalari boʻyicha maslahatchisi hamda Raqamli San'at Ijodiy Birlashmasi rahbari. 2025-yilda „Shuhrat“ medali bilan taqdirlangan.

Ijodiy faoliyati

Nabiyev musiqiy videolar rejissyori va klipmeyker sifatida faoliyat yuritgan. U Ozodbek Nazarbekov, Jahongir Otajonov, Ulugʻbek Rahmatullayev, Gulsanam Mamazoitova, Sardor Rahimxon, Tohir Sodiqov, Ozoda Nursaidova va „Ummon“ guruhi kabi sanʼatkorlar bilan ishlagan.

U „Ummon“ guruhining „Jonim, yur“, Jahongir Otajonovning „Qaddi baland“ va Ulugʻbek Rahmatullayevning „Dilam“ qoʻshiqlariga ishlangan musiqiy videolarga rejissyorlik qilgan.

Sunʼiy intellekt bilan bogʻliq ishlari

2025-yilda Nabiyev futbol boʻyicha Oʻzbekiston milliy terma jamoasining Jahon chempionatiga yoʻllanma olishi munosabati bilan sunʼiy intellekt yordamida video tayyorlagan. Shu yili u Ozodbek Nazarbekov ijrosidagi „Uygʻon, oʻgʻlim“ musiqiy videoklipining gʻoya muallifi va rejissyori boʻlgan. Ushbu videoklip sunʼiy intellekt texnologiyalari yordamida tayyorlangan.

2026-yilda u Xiva tarixi va sivilizatsiyasiga bagʻishlangan „Arda“ hujjatli filmini tayyorlash jarayonida ishtirok etgan. Film sunʼiy intellekt yordamida yaratilgan tasvirlardan foydalangan holda ikki oy davomida tayyorlangan.

Madaniyat vazirligidagi faoliyati

2025-yil dekabrda Nabiyev Oʻzbekiston Respublikasi madaniyat vazirining sunʼiy intellektni rivojlantirish masalalari boʻyicha maslahatchisi etib tayinlangan. 2026-yilda u madaniyat vazirining raqamli texnologiyalar va sunʼiy intellekt texnologiyalarini rivojlantirish masalalari boʻyicha maslahatchisi lavozimida faoliyatini davom ettirgan.

Nabiyev Raqamli San'at Ijodiy Birlashmasi rahbari sifatida ham faoliyat yuritadi.

2026-yilda Nabiyev Oxford universitetining sunʼiy intellekt strategiyasi va boshqaruviga oid qisqa muddatli malaka oshirish dasturida qatnashgan. Shu davrda u universitet professori Felipe Thomaz bilan madaniyat va sanʼat sohasida sunʼiy intellekt texnologiyalarini qoʻllash hamda hamkorlik masalalarini muhokama qilgan.

Mukofotlari

Yuqori