Ramin Rezaeian

Rezaeian 2013-yilgacha „Saba Qom“ jamoasida oʻtkazgan. U klub safida jami 98 ta oʻyin oʻtkazib, yetti ta gol muallifi boʻlgan.

Rezaeian 2013-yilda Tehronning „Rah Ahan“ klubi bilan uch yillik shartnoma imzolagan. 2014–2015-yilgi mavsumdagi muvaffaqiyatli oʻyinlari ortidan u liga­ning eng yaxshi qanot himoyachilaridan biri sifatida eʼtirof etilgan va milliy jamoadan ham chaqiruv olgan. 2015-yil 3-aprelda Rezaeian jamoadagi debyut golini „Persepolis“ga qarshi (2:2) uchrashuvda kiritgan. Ikki haftadan soʻng, 17-aprelda boʻlib oʻtgan „Esteghlal Khuzestan“ga qarshi 2:2 hisobida yakunlangan bahsda dubl qayd etgan.

Rezaeian 2015-yil 27-iyunda „Persepolis“ klubi bilan ikki yillik shartnoma imzolagan. U klubdagi ilk golini „Siah Jamegan“ klubiga qarshi uchrashuvda kiritgan. 2015-yil 26-dekabrda Rezaeian „Padideh“ga qarshi oʻyinning soʻnggi daqiqalarida 30 yard masofadan jarima zarbasini aniq amalga oshirib jamoasining 2:2 hisobidagi duranggini taʼminlab bergan. 2016-yil yozida Turkiya Superligasining „Rizespor“ jamoasi bilan shartnoma imzolagan boʻlsa-da, Rezaeian keyinchalik bu kelishuvni bekor qildi va yana „Persepolis“ga qaytgan.

„Persepolis“ning asosiy raqibi „Esteghlal“ klubidan kelgan taklifni rad etganidan soʻng, Rezaeian 2017-yil 9-iyulda tibbiy koʻrikdan muvaffaqiyatli oʻtgach, Belgiyaning „K.V. Oostende“ jamoasi bilan ikki yillik shartnoma imzoladi. Ramin oʻzining debyutini 2017-yilning 27-iyulida Yevropa Ligasining uchinchi saralash bosqichi doirasidagi Fransiyaning „Olympique de Marseille“ klubiga qarshi oʻtkazdi. Uchrashuv 4:2 hisobida fransuzlar foydasiga yakunlandi va Rezaeian bu bahsda toʻliq 90 daqiqa maydonda harakat qildi.

2018-yilning 6-noyabrida Rezaeian Qatar Yulduzlar Ligasi vakili „Al Shahaniya“ klubi tarkibiga borib qoʻshildi. 8-noyabr kuni u klubdagi ilk oʻyinida „Al-Duhail“ga qarshi bahsda jarima toʻpini aniq amalga oshirib oʻz hisobiga gol yozdirib qoʻydi. 23-noyabr kuni esa u jamoa tarkibidagi ikkinchi oʻyinida „Al Kharaitiyat“ga qarshi 1:0 hisobida yakunlangan oʻyinda jamoaning yagona goliga assistentlik qildi.

2020-yilning 22-avgustida Rezaeian Qatar Yulduzlar Ligasi chempioni „Al-Duhail“ bilan ikki yillik shartnoma imzoladi.

„Al-Duhail“dagi murabbiy almashinuvidan soʻng, Rezaein „Al-Sailiya“ jamoasiga ijaraga berildi.

2022-yil 12-fevralda Rezaeian Fors ko‘rfazi Pro ligasi chempioni „Persepolis“ bilan shartnoma imzoladi.

2022-yil 15-iyulda Rezaeian Fors ko‘rfazi Pro ligasi vakili "Sepahan" bilan shartnoma imzoladi.