Carlos Queiroz

Carlos Queiroz
Shaxsiy maʼlumot
Toʻliq ismi	Carlos Manuel Brito Leal de Queiroz
Tavallud sanasi	1953-yil 3-yanvar (73 yosh)
Tavallud joyi	Angoche, Portugaliya Sharqiy Afrikasi
Boʻyi	1.83 m
Ampluasi	Darvozabon
Klub maʼlumoti
Joriy klub	Ummon (bosh murabbiy)
Yoshligida aʼzo boʻlgan klublar
Yillar	Jamoa
1968—1974	Ferroviário de Nampula
Boshqargan klublari
Yillar	Jamoalar
1981—1982	Sporting (Olivaysh) U13
1982—1982	Belenensesh U13/16
1984	Estoril Praja (yordamchi)
1985—1987	Portugaliya U16/18
1989—1991	Portugaliya U20
1991—1993	Portugaliya
1993—1996	Sporting CP
1996	NY/NJ MetroStars
1996—1997	Nagoya Grampus Eight
1998—1999	Birlashgan Arab Amirliklari
2000—2002	Janubiy Afrika
2002—2003	Manchester United (yordamchi)
2003—2004	Real Madrid
2004—2008	Manchester United (yordamchi)
2008—2010	Portugaliya
2011—2019	Eron
2019—2020	Kolumbiya
2021—2022	Misr
2022	Eron
2023	Qatar
2025—	Ummon

Carlos Manuel Brito Leal de Queiroz (1953-yil 1-martda tugʻilgan) – portugaliyalik futbol murabbiyi boʻlib, hozirda Ummon milliy terma jamoasiga murabbiylik qilmoqda.

Carlos 1989 va 1991-yillarda Portugaliya terma jamoasini 20 yoshgacha boʻlgan oʻyinchilar oʻrtasida jahon chempioni qilgani bilan tanilgan. Oʻshanda u portugaliyalik oʻyinchilarning istiqbolli „oltin“ avlodini boshqargan boʻlib, ular orasida Luís Figo va Rui Costa ham bor edi. 1984-yilda Portugaliya futbol federatsiyasi murabbiylar jamoasiga kichik toifalar terma jamoasi murabbiyi Xose Agustinoning yordamchisi sifatida qoʻshilgan, biroq uning yoshlar bilan ishlashi bundan oldinroq boshlangan edi. 1982-yildan 1984-yilgacha oʻz mamlakatida futbolni rivojlantirish uchun turli dasturlarni, shuningdek, Futbol 5 (besh yoshli futbolchilar) va ayollar futbolini tashkil etish boʻyicha takliflarni ishlab chiqqan.

Carlos oʻz vatani Portugaliya, shuningdek Birlashgan Arab Amirliklari, Janubiy Afrika, Eron, Kolumbiya, Misr va Qatar milliy terma jamoalarining bosh murabbiyi lavozimida ishlagan. Janubiy Afrika (2002), Portugaliya (2010) va Eronni (2014, 2018 va 2022) FIFA Jahon chempionatiga olib chiqqan. Klub darajasida u Sporting CP, MLS ligasidagi Nyu-York / Nyu-Jersi Metrostars hamda Ispaniyaning „Real Madrid“ jamoalarini boshqargan. Bundan tashqari, Angliyaning „Manchester United“ klubida Alex Fergusonning yordamchi murabbiyi sifatida ikki bor faoliyat yuritgan.

Queiroz yoshlar jamoalari murabbiyi sifatida bir qator mukofotlarga sazovor boʻlgan va kattalar hamda klub darajasida, asosan Aleks Fergyusonning yordamchisi sifatida katta yutuqlarga erishgan. 1998-yilda u AQShda futbolchilarni tayyorlash tizimini takomillashtirish boʻyicha batafsil rejalarni oʻz ichiga olgan „Q-Report“ nomli hisobotni tayyorlagan.

Keyrush Eron milliy terma jamoasi tarixidagi eng uzoq muddat ishlagan murabbiy boʻlib, 2011—2019-yillar oraligʻida deyarli sakkiz yil faoliyat yuritgan. Carlos shuningdek, 2022-yilgi Jahon chempionati musobaqalaridan avval Eron terma jamoasini turnirga tayyorgarsh yana bosh murabbiy lavozimiga tayinlangan. Queiroz mamlakat tarixida ketma-ket uchta Jahon chempionatida jamoani boshqargan yagona murabbiy hisoblanadi. 2022-yildan keyin u qisqa muddat Qatar terma jamoasini boshqargan, soʻngra 2025-yil iyul oyida Ummon milliy terma jamoasi bosh murabbiyi etib tayinlangan.

Yutuqlari

Yordamchi murabbiy

Manchester United

Premer-liga: 2002-03, 2006-07, 2007-08
UEFA Chempionlar Ligasi: 2007-08

Murabbiy

Portugaliya

FIFA Yoshlar jahon chempionati: 1989, 1991
UEFA 16 yoshgacha boʻlganlar Yevropa chempionati: 1989
FIFA U-17 Jahon kubogi 3-oʻrin: 1989

Sporting CP

Portugaliya kubogi: 1994-95
Primeira Divisão 2-oʻrin: 1994-95
Supertaça Cândido de Oliveira: 1995

Nagoya Grampus

Osiyo Kubok gʻoliblari kubogi 2-oʻrin: 1996-97
J-Liga 2-oʻrin: 1996
Sanva Bank kubogi: 1996
Suntori chempionati: 1997

Birlashgan Arab Amirliklari

Fors koʻrfazi kubogi 3-oʻrin: 1998
FIFA Arab kubogi 4-oʻrin: 1998

Real Madrid

Ispaniya Superkubogi: 2003
Qirol kubogi 2-oʻrin: 2003-04

Misr

Afrika Millatlar Kubogi 2-oʻrin: 2021