Pobeda (aviakompaniya)

Pobeda

IATA ICAO Identifikatori DP PBD POBEDA
Tashkil topgan	16-sentyabr, 2014-yil (12 yil avval) (2014-09-16)
Boshlangan amaliyotlari	2014-yil 1-dekabr (2014-12-01)
Havo tuguni	Moskva–Sheremetyevo Moskva–Vnukovo
Fokus shaharlari	Anapa Rostov-Don Sankt-Peterburg Sochi Yekaterinburg
Park hududi	41
Parvoz yoʻnalishlari	67
Egasi	Aeroflot
Bosh qarorgohi	Moskva, Rossiya
Muhim shaxslar	Andrey Yurikov, bosh direktor v.v.b..
Yillik daromadi	20.6 mlrd RUB(2017-moliya yili)
Kirim	2.8 mlrd RUB(2017-moliya yili)
Sayti	pobeda.aero

Pobeda LCC, (ruscha: Победа, tarjimasi 'Gʻalabaʼ), Rossiyaning eng yirik aviakompaniyasi Aeroflot tomonidan toʻliq egalik qilinadigan ultra lou-koster aviakompaniya. Ichki va xalqaro yoʻnalishlarga, asosan, Vnukovo xalqaro aeroportidagi markazidan muntazam qatnovlarni amalga oshiradi. Bosh ofisi Moskvada joylashgan.

Faoliyati 2014-yil oxirida faoliyati yoʻlga qoʻyilgan Pobeda 2019-yil holatida Rossiya va Yevropadagi eng tez rivojlanayotgan aviakompaniyalardan biri hisoblanadi, 2019-yil fevral oyida Rossiyaning 3-yirik aviakompaniyaga aylandi, 2019-yil yanvarda 689 100 yoʻlovchi tashidi, yoʻlovchi tashish oʻtgan yilning mos davriga nisbatan 43,7 foizga yaxshilandi va 800 million AQSh dollari qiymatida baholandi.

Budget Carrier kompaniyasi 2014-yil 16-sentyabrda Aeroflotning 100% ulush bilan muassisligida mas’uliyati cheklangan jamiyat (MChJ) shaklida roʻyxatdan oʻtkazildi. Bu Aeroflotning 2014-yil avgustida faoliyatini toʻxtatgan Dobrolet aviakompaniyasidan keyin arzon aviatashuvchi yaratish yoʻlidagi ikkinchi urinishidir^{[manba kerak]}. Pobeda 2014-yil 11-noyabrda aviaoperator sertifikatini oldi va oʻsha yilning 1 dekabrida Moskva-Vnukovodan Volgogradga birinchi parvozini amalga oshirdi. Toʻqqiz oy ishlagidan keyin, 2015-yil sentyabrida aviakompaniya 2 million yoʻlovchini tashib ulgurdi.

Aviakompaniya 2015-yil oktyabr oyida Moskvadan Bratislavaga aviaqatnovni yoʻlga qoʻyishga urinib koʻrdi, ammo Rossiya Federal havo transporti agentligi aviakompaniya kamida ikki yil davomida ichki parvozlarni amalga oshirishi kerakligi talabi bilan xalqaro reyslarni amalga oshirish uchun arizani rad etdi. Biroq, Bratislava aeroporti va Pobeda 2015-yil 19-dekabrda boshlangan Bratislavaga birinchi xalqaro reys boshlanganini eʼlon qildi. Pobeda shuningdek, Moskvadan Avstriyaning Vena shahriga parvoz va sayohat sxemasi boʻyicha oʻz xizmatlarini taklif qiladi va ushbu sayohatning bir qismi – Bratislava-Vena yoʻnalishida avtobus qatnovi amalga oshiriladi.

2015-yil dekabrida Pobeda Zalsburg muntazam yoʻnalishini atigi 34 ta chipta sotilganidan keyin bekor qildi.

2018-yil avgustida Pobeda xorijiy aeroportlarda yoʻlovchilarni roʻyxatdan oʻtkazish uchun kishi boshiga 25 yevro yigʻim olinishini maʼlum qilgan edi. Bu keng jamoatchilik eʼtiroziga sabab boʻldi va 2018-yil dekabr oyida Moskva viloyatlararo transport prokuraturasi aviakompaniyaning bunday qaroriga qarshi daʼvo arizasi bilan chiqdi.

2019-yil oktyabr oyida sud aviakompaniya yoʻlovchilar uchun xorijiy aeroportlarda roʻyxatdan oʻtish toʻlovini bekor qilish toʻgʻrisida qaror chiqardi. Bunga javoban Pobeda xorijdan chiptalar narxi 40 foizga oshganini eʼlon qildi.

2021-yil avgust oyida Pobeda bosh direktori Andrey Kalmikov Rossiya aviakompaniyalariga beriladigan davlat yordamiga shubha bilan qaragan holda, aviamarshrutlar va yoʻnalishlarining bekor qilinishi va taqiqlanishini tijoriy risk deb atadi.

2022-yilda Rossiyaning Ukrainaga bostirib kirishi ortidan lizing beruvchilar oʻz samolyotlarini Pobedadan qaytarib olishga harakat qilishdi. Samolyotlar uchun ehtiyot qismlarni joʻnatish uchun sanksiyalar joriy qilindi. Andrey Kalmikov bosh direktor lavozimini tark etdi va kompaniyadan ketdi.

2022-yil sentabr holatiga koʻra Pobeda aviaparki quyidagi samolyotlardan iborat:

• 2016-yil 11-noyabr – Boeing 737-800 Cheboksari aeroportida uchish-qoʻnish yoʻlagidan deyarli 20 metr (66 ft) tashqarida qoʻndi. Hech kim jabrlanmadi, samolyot ozgina zarar koʻrdi.