Ismoil Joʻrabekov

Ismoil Hakimovich Jo‘rabekov
Shaxsiy maʼlumotlari
Tavalludi	12-sentyabr 1931-yil; Samarqand viloyati, Oʻzbekiston SSR
Vafoti	28-sentyabr 2025-yil ; (94 yoshda)
Siyosiy partiyasi	KPSS
Maʼlumoti	Oliy

Vikipediyada ismi Ismoil (ism) va familiyasi Jo‘rabekov boʻlgan boshqa kishilar haqida ham maqolalar mavjud.

Ismoil Hakimovich Joʻrabekov (1931-yil 12-sentyabr, Samarqand viloyati, Oʻzbekiston SSR, SSSR – 2025-yil 28-sentyabr, Toshkent, Oʻzbekiston) – sovet va oʻzbek davlat hamda siyosat arbobi. 1995-yilda „Mehnat shuhrati“ ordeni bilan mukofotlangan.

Biografiyasi

1931-yilda 12-senyabr Samarqand viloyatida ishchi oilasida tugʻilgan. KPSS aʼzosi boʻlgan. 1956-yildan boshlab xoʻjalik, jamoat va siyosiy faoliyat bilan shugʻullangan.

1956—2010-yillarda Pastdargʻom tumani sugʻorish tizimlari boshqarmasining katta muhandisi va boshligʻi, qurilish-montaj boshqarmasi boshligʻining oʻrinbosari hamda boshligʻi, „Samarqandsuvqurilish“ tresti boshqaruvchisi, respublika melioratsiya va suv xoʻjaligi vazirining birinchi oʻrinbosari, Oʻzbekiston SSR melioratsiya va suv xoʻjaligi vaziri, Oʻzbekiston SSR Vazirlar Kengashi raisining oʻrinbosari, Oʻzbekiston SSR Vazirlar Kengashi raisining birinchi oʻrinbosari – Oʻzbekiston SSR Davagroprom raisi, Oʻzbekiston fuqaro mudofaasi ishlari vaziri, Oʻzbekiston Respublikasi Prezidentining ijtimoiy-iqtisodiy masalalar boʻyicha davlat maslahatchisi, Oʻzbekiston Respublikasi Bosh vazirining birinchi oʻrinbosari – qishloq va suv xoʻjaligi vaziri lavozimlarida faoliyat yuritgan.

Oʻzbekiston SSR Oliy Kengashining 9—11-chaqiriqlariga deputat etib saylangan. KPSS ning XXVII qurultoyiga delegat sifatida qatnashgan.

2025-yil 28-sentyabrda Toshkentda vafot etgan. O‘zbekiston Respublikasi Prezidenti Ismoil Jo‘rabekov vafoti munosabati bilan hamdardlik bildirgan .

Shaxsiy hayoti

Farzandlari: Alisher, Furqat, Akmal.

Nevaralari: Oybek, Umid, Ulugʻbek, Shodiyor, Sarkorbek, Joʻrabek, Amirbek, Nozimaxon.