 | |
Xalqaro nomi | University of Isfahan |
|---|---|
| Turi | Ommaviy |
| Asos solingan sanasi | 1946 |
| Endaumenti | 35,14 million AQSh dollari (20-sentabr 2014) |
| Prezidenti | Rasool Roknizadeh |
| Fakultetlar | 650 |
| Talabalari | 18 000 |
| Joylashuvi | Isfahon , , Eron |
| Kampusi | Shahar hududi (652 akr) |
| Veb-sayti | ui.ac.ir |
Isfahon universiteti (UI; forscha: دانشگاه اصفهان, romanizatsiyasi: Dāneshgāh-e Esfahān) – Eronning Isfahon ustonida joylashgan davlat oliy taʼlim muassasasi. Universitetning bosh kampusi Isfahonning Azadlik (Azadi) maydonida joylashgan boʻlib, yana bir filial kampusi Xonsor shahrida faoliyat yuritadi.
Isfahon universiteti 71 ta yoʻnalish boʻyicha bakalavriat, 185 ta yoʻnalish boʻyicha magistratura hamda 119 ta yoʻnalish boʻyicha doktorantura dasturlarini taklif etadi.
Tarixi
Isfahon universiteti 1946-yilda tashkil etilgan. Universitetni tashkil etish gʻoyasi dastlab 1939-yilda Amin shifoxonasining bir guruh shifokorlari tomonidan ilgari surilgan. Nihoyat, 1946-yilda shifoxona boshqaruvi Isfahon oliy tibbiyot instituti tashkil etish rejasini maʼqulladi. Oʻsha yilning sentyabr oyida viloyat sogʻliqni saqlash boshqarmasi mas’ul xodimi, dotsent doktor Jelve tomonidan imzolangan eʼlon mahalliy gazetalar orqali tarqatilib, abituriyentlar yangi institutga hujjat topshirishga chaqirildi.
Dastlabki mashgʻulotlar Saʼdiy oʻrta maktabida (hozirgi Surah instituti) oʻtkazilgan. Birinchi darslar 1950-yil 29-oktyabrda boʻlib oʻtgan. 1985-yilda tibbiyot yoʻnalishlari ajratilib, Isfahon tibbiyot fanlari universiteti alohida taʼlim muassasasi sifatida tashkil etildi.
Fakultetlari
2020-yil holatiga koʻra universitet tarkibida quyidagi oʻn toʻrt fakultet faoliyat yuritgan:
- Maʼmuriy fanlar va iqtisodiyot fakulteti
- Biologiya fanlari va texnologiyalari fakulteti
- Kimyo fakulteti
- Fuqaro muhandisligi va transport fakulteti
- Kompyuter muhandisligi fakulteti
- Taʼlim va psixologiya fakulteti
- Muhandislik fakulteti
- Chet tillar fakulteti
- Geografiya fanlari va rejalashtirish fakulteti
- Adabiyot va gumanitar fanlar fakulteti
- Matematika va statistika fakulteti
- Fizika fakulteti
- Sport fanlari fakulteti
- Ilohiyot va Ahl al-Bayt (Payg‘ambar avlodlari) tadqiqotlari fakulteti
Prezidentlar
| Prezident | Muddat |
|---|---|
| Mehdi Namdar | 1958–1961 |
| Mohammad Riahi | 1961–1962 |
| Qasem Motamedi | 1967–1976 |
| Mohammad Ali Tusi | 1977–1979 |
| Gholamabbas Tavassoli | 1979–1980 |
| Mohammad Ali Shahzamanian | 1980–1981 |
| Akbar Shah Mohammadi | 1981–1982 |
| Seyed Morteza Saghaiannejad | 1982–1985 |
| Hassan Razmjoo | 1985–1997 |
| Hooshang Talebi | 1997–2005 |
| Mohammad Hossein Ramasht | 2005–2013 |
| Hooshang Talebi | 2013–2021 |
| Hossein Harsij | 2021–2025 |
| Rasool Roknizadeh | 2025–hozirgacha |
Mashhur bitiruvchilari
- Nusrat Butto – Pokistonning sobiq birinchi xonimi.
- Faride Firo‘zbaxt – matematik olima.
- Muhammad Xotamiy – Eronning sobiq prezidenti.
- Ato‘ullo Muhajeroni – Eronning sobiq madaniyat vaziri.
- Hushang Gulshiri – nasr yozuvchisi, adabiy tanqidchi va muharrir.
- Hrant Markaryan – Arman inqilobiy federatsiyasi rahbari.
- Fotima Shayan – siyosatshunos, Xalqaro Farobiy mukofotining 10-marta sovrindori.
- Isfahon universiteti