Heiko Herrlich

Heiko Herrlich

Shaxsiy maʼlumot
Tavallud sanasi	1971-yil 3-dekabr (1971-12-03) (54 yosh)
Tavallud joyi	Mannheim, Germaniya
Boʻyi	1.89 m
Ampluasi	Hujumchi
Yoshligida aʼzo boʻlgan klublar
1978-1984	FC Kollnau
1984-1986	FC Emmendingen
1986-1989	SC Freiburg
Professional faoliyati*
Yillar	Jamoa	Isht.	(Gol.)
1989-1993	Bayer Leverkusen	75	(6)
1993-1995	Borussia Mönchengladbach	55	(28)
1995-2004	Borussia Dortmund	128	(41)
Milliy terma jamoa
1990-1993	Germany U-21	20	(17)
1995	Germaniya	5	(1)
Boshqargan klublari
2007-2008	Germaniya U-17
2008-2009	Germaniya U-19
2009-2010	VfL Bochum
2011-2012	SpVgg Unterhaching
2015-2017	Jahn Regensburg
2017-2018	Bayer Leverkusen
2020-2021	FC Augsburg
*Professional klublardagi gollari (ichki chempionat)

Heiko Herrlich (1971-yil 3-dekabrda tugʻilgan) — nemis futbol murabbiyi va sobiq futbolchisi, faoliyati davomida hujumchi sifatida oʻynagan. U oxirgi marta „Augsburg“ klubini boshqargan.

Herrlich Germaniya Bundesligasida 258 ta oʻyin oʻtkazib(1989-2004), „Bayer 04“, „Borussia Mönchengladbach“ va „Borussia Dortmund“ jamoalari tarkibida 75 ta gol urgan. Dortmundning „Borussiya“ jamoasi bilan 1996 va 2002-yillarda Germaniya chempioni, 1997-yilda Chempionlar Ligasi va Qitʼalararo kubogi gʻolibi, „Borussiya Myonxengladbax“ jamoasi bilan esa 1995-yilda DFB-Pokal gʻolibi boʻlgan.

2000-yil kuzida uning miyasida xavfli oʻsma borligi aniqlandi. U radiatsion nur terapiyasi bilan muvaffaqiyatli davolandi va 2001-yilda Bundesligaga qaytd. Ammo futbolchi sifatidagi mavqeyini qayta tiklay olmadi. U bir qancha jarohatlardan soʻng 2004-yilda professional faoliyatini yakunlaydi.

1995-yilda Herrlich Germaniya terma jamoasi safida UEFA Yevro-1996 saralash oʻyinlarida jami beshta oʻyin oʻtkazgan. U Uelsga qarshi oʻyinda gol uradi, ammo jarohati tufayli final turnirini oʻtkazib yuboradi.

Herrlich 2005-yilda murabbiylik litsenziyasini oldi va Borussiya Dortmundning yoshlar jamoasini boshqara boshladi. 2007-yil iyul oyida u Germaniya U-17 terma jamoasiga murabbiy etib tayinlandi va 2007-yilda Janubiy Koreyada boʻlib oʻtgan 17 yoshgacha boʻlgan futbolchilar oʻrtasidagi Jahon chempionatida uchinchi oʻrinni egalladi. 2009-yil 27-oktyabrda u Germaniya futbol assotsiatsiyasidan ozod qilinadi. Keyinchalik u 2009-yilning 27-oktyabridan 2010-yilning 29-apreliga qadar VfL Bochum bosh murabbiyi boʻladi. U Bochum jamoasidagi faoliyati davomida to‘rtta g‘alaba, sakkizta durang va 10ta mag‘lubiyat qayd etgan.

2011-2012-yilgi mavsum boshida u SpVgg Unterhachingga yangi murabbiy etib tayinlandi. U 2012-yilning 25-may kuni shaxsiy sabablarga koʻra klubni tark etdi. U SpVgg Unterhaching jamoasi bilan 13 gʻalaba, 8 durang va 19 magʻlubiyat qayd etgan.

2013-yilning 21-iyunida u „Bavariya“ U-17 jamoasining bosh murabbiyi bo‘ldi. 2015-yil iyun oyida Myunxenning „Bavariya“ yoshlar boʻlimi qayta tuzildi va Herrlich Myunxenni tark etdi.

2015-yil 20-dekabrda u Jan Regensburg jamoasiga murabbiy etib tayinlandi. Uning shartnomasi 2015-2016-yilgi mavsum oxirigacha tuzilgan boʻlib, agar Jahn 3-oʻringa koʻtarilsa, yana bir yilga uzaytirilishi rejalashtirilgan ediRegensburg klubi Herrlich hukmronligi davrida ketma-ket koʻtarilib, 2-oʻringa chiqib oladi.

2017-yilning 9-iyunida Herrlichning Bayer Leverkusenga yangi bosh murabbiy sifatida qaytishi malum boʻldi.

U 2020-yil 10-martda „Augsburg“ klubining yangi bosh murabbiyi etib tayinlangan va 2021-yil 26-aprelida jamoani tark etgan.