Dilorom Toshmuhamedova

Vikipediyada ismi Dilorom va familiyasi Toshmuhamedova boʻlgan boshqa kishilar haqida ham maqolalar mavjud.

Dilorom Gʻofurjonovna Toshmuhamedova
Дилором Ғофуржоновна Тошмуҳамедова
Oʻzbekiston Respublikasi Oliy Majlisi Qonunchilik palatasi spikeri
Mansab davri 2007-yil 20-yanvardan – 2015-yil 5-yanvargacha
Oʻtmishdoshi	Erkin Halilov
Vorisi	Nurdinjon Ismoilov
Shaxsiy maʼlumotlari
Tavalludi	1962-yil 19-fevral (1962-02-19) (64 yosh) Toshkent viloyati, OʻzSSR
Fuqaroligi	Oʻzbekiston
Siyosiy partiyasi	Oʻzbekiston „Adolat“ sotsial-demokratik partiyasi
Mukofotlari

Dilorom Gʻofurjonovna Toshmuhamedova (1962-yil 19-dekabr, Toshkentda tavallud topgan) — oʻzbekistonlik shifokor, siyosatchi, jamoat arbobi. 2020-yildan — Oʻzbekiston Respublikasi Oliy Majlisi Senatining yoshlar, fan, taʼlim masalalari qoʻmitasi raisining oʻrinbosari. 2018-2020-yillarda Oʻzbekiston Respublikasi Vazirlar Mahkamasi huzuridagi „Oila“ markazi direktori. 2007-2015-yillarda Oliy Majlis Qonunchilik palatasi spikeri. Tibbiyot fanlari nomzodi.

Maʼlumoti boʻyicha shifokor. 1984-yilda Toshkent tibbiyot akademiyasini va 2003-yilda Davlat va jamiyat qurilishi akademiyasini tugatgan.

1984-1993-yillarda Toshkent tibbiyot akademiyasida turli lavozimlarda ishlagan.

1993-1997-yillarda „Farmed“ xususiy korxonasi direktori.

1997-2002-yillarda Oliy Majlisning xalqaro aloqalar qoʻmitasi aʼzosi.

2002-2007-yillarda Oliy Majlis Qonunchilik palatasining xalqaro aloqalar qoʻmitasi raisi.

2007-2015-yillarda Oliy Majlis Qonunchilik palatasi spikeri.

2007-yilda prezidentlikka nomzod boʻlgan.

2015-yil 5-yanvar kungi Oliy Majlis Qonunchilik palatasining 1-majlisida uning oʻrnini deputat, Mudofaa va xavfsizlik qoʻmitasi raisi Nurdinjon Ismoilov egalladi.

2018-yildan 2020-yilgacha — Vazirlar Mahkamasi huzuridagi „Oila“ markazi direktori.

2020-yil 17-yanvardan — Oʻzbekiston Respublikasi Oliy Majlisi Senatining yoshlar, fan, taʼlim masalalari qoʻmitasi raisining oʻrinbosari