Botir Qudratxoʻjayev

Vikipediyada ismi Botir va familiyasi Qudratxoʻjayev boʻlgan boshqa kishilar haqida ham maqolalar mavjud.

Botir Bahromovich Qudratxoʻjayev
Oʻzbekiston Respublikasi Favqulodda vaziyatlar vaziri
Mansab davri 2025-yil 25-fevraldan – 2026-yil 28-yanvargacha
Prezident	Shavkat Mirziyoyev
Oʻtmishdoshi	Abdulla Qoʻldoshev
Vorisi	Azizbek Ikromov
Shaxsiy maʼlumotlari
Tavalludi	1975-yil 12-noyabr (1975-11-12) (50 yosh) Toshkent
Fuqaroligi	SSSR → Oʻzbekiston
Xizmat yillari	1997-yildan
Unvoni	General-mayor

Botir Bahromovich Qudratxoʻjayev (Ботир Баҳромович Қудратхўжаев) – oʻzbekistonlik yurist va davlat arbobi.

1997-yilda Oʻzbekiston harbiy prokuraturasining kadrlar boʻlimida ish yurituvchi sifatida faoliyatini boshlagan. Keyinchalik Fargʻona viloyati harbiy prokuraturasida tergovchi-kriminalist, Toshkent harbiy okrugi harbiy prokuraturasida katta tergovchi, keyinchalik Toshkent viloyati harbiy prokurori lavozimlarida xizmat qilgan. 2010—2012-yillarda Sharqiy harbiy okrug harbiy prokurori, 2012—2014-yillarda esa Oʻzbekiston Respublikasi Harbiy prokurorining birinchi oʻrinbosari vazifalarida ishlagan.

2014—2016-yillarda Surxondaryo viloyati prokurori, 2016—2017-yillarda Toshkent shahrining prokurori, 2017—2020-yillarda Oʻzbekiston Respublikasi Bosh prokuraturasi huzuridagi yangi tashkil etilgan majburiy ijro byurosi direktori boʻlgan. 2020-yildan 2022-yilgacha Xorazm viloyati prokurori boʻlgan. 2022-yil 2-noyabr kuni Oʻzbekiston Respublikasi Bosh prokurorining oʻrinbosari – Oʻzbekiston harbiy prokurori etib tayinlangan.

2025-yil 25-fevral kuni Oʻzbekiston Respublikasi Favqulodda vaziyatlar vaziri lavozimiga tayinlandi va shu munosabat bilan unga prezident farmoni bilan general-mayor harbiy unvoni berildi.

2026-yil 28-yanvar kuni Oʻzbekiston Respublikasi ichki ishlar vazirining birinchi oʻrinbosari — tezkor qidiruv xizmati boshligʻi etib tayinlandi.