Andros Townsend

Andros Townsend

Townsend Everton tarkibida (2021-yil)
Shaxsiy maʼlumot
Toʻliq ismi	Andros Darryl Townsend
Tavallud sanasi	1991-yil 16-iyul (1991-07-16) (34 yosh)
Tavallud joyi	Leytonstone, London, Angliya
Boʻyi	5 fut 11 inches (1.81 m)
Ampluasi	Oʻng qanot vingeri
Klub maʼlumoti
Joriy klub	Kanchanaburi Power
Raqami	30
Yoshligida aʼzo boʻlgan klublar
2000—2009	Tottenham Hotspur
Professional faoliyati*
Yillar	Jamoa	Isht.	(Gol.)
2009—2016	Tottenham Hotspur	50	(3)
2009	→  Yeovil Town	10	(1)
2009	→  Leyton Orient	22	(2)
2010	→  Milton Keynes Dons	9	(2)
2010	→  Ipswich Town	13	(1)
2011	→  Watford	3	(0)
2011	→  Millwall	11	(2)
2012	→  Leeds United	6	(1)
2012	→  Birmingham City	15	(0)
2013	→  Queens Park Rangers	12	(2)
2016	Newcastle United	13	(4)
2016—2021	Crystal Palace	168	(13)
2021—2023	Everton	21	(3)
2023—2024	Luton Town	28	(1)
2024—2025	Antalyaspor	18	(0)
2025—	Kanchanaburi Power	0	(0)
Milliy terma jamoa
2006—2007	Angliya U16	3	(0)
2007—2008	Angliya U17	6	(2)
2009—2010	Angliya U19	6	(0)
2012—2013	Angliya U21	3	(0)
2013—2016	Angliya	13	(3)
*Professional klublardagi gollari (ichki chempionat) (2025-yil 10-mart uchun)

Andros Darryl Townsend (1991-yil 16-iyulda tugʻilgan) – angliyalik futbolchi, Tailandning Tay birinchi ligasi chempionatida ishtirok etuvchi „Kanchanaburi Power“ jamoasida oʻng qanot vingeri sifatida faoliyat olib boradi.

Tottenham Hotspur akademiyasini bitirgan Townsend, 2012-yil sentyabrda Premyer-ligadagi debyutini oʻtkazishidan avval, bir necha Angliya birinchi ligasi va Chempionship turniridagi ishtirokhi jamoalarida ijara asosida oʻynagan. Bu davrda Tottenhamdagi faoliyatida tarkibdagi raqobat sabab oz oʻyinlarda maydonga tushgan. 2013-yil Premyer-liganing Queens Park Rangers jamoasida yarim mavsumlik ijara muddatini oʻtagach, Townsend 2013—2015-yillarda Tottenhamning asosiy tarkibida mustahkam oʻrin egallagan. 2015-16-yilgi mavsumda avvalida jamoani tark etgan va Newcastle United klubida qisqa muddat toʻp surgan. 2016-yil yozida Crystal Palace jamoasiga oʻtgan. Palace safida besh yil oʻynagan. 2021-yilda Everton jamoasi bilan shartnoma imzolagan, biroq 2022-yilda olgan uzoq muddatli jarohat uning bu jamoadagi faoliyatiga toʻsqinlik qilgan. 2023-yilda Everton klubi bilan shartnomani yakunlagach, Luton Town jamoasi tarkibiga oʻtgan.

Townsend 2013-yil 11-oktyabrda Angliya terma jamoasi safida ilk bor maydonga tushgab. Andros kattalar terma jamoasida jami 13 marta ishtirok etib, uch gol kiritishga muvaffaq boʻlgan.

Townsend Buyuk Londonning Leytonstoun shahrida tugʻilgan. U Troy Townsendning oʻgʻli boʻlib, otasi „Kick It Out“ tashkilotining rivojlanish boʻlimi boshligʻi hisoblanadi. Townsendning otasi Yamayka, onasi esa Kipr yunonlari millatiga mansub. U Chingfordda ulgʻaygan va bolaligidan „Tottenham“ jamoasining ashaddiy muxlisi boʻlgan. Townsend Rush Croft sport kollejida taʼlim olgan. Andros 10 yoshida boʻlganida, 18 yoshli oʻgay akasi Kurtis avtohalokatda halok boʻlgan. Uning amakivachchalaridan biri – Colin Kazim-Richards ham professional futbolchi boʻlgan.

Townsend „Tottenham“ning boshqa yosh futbolchilari bilan birga kiyinish xonasida Ben E. Kingning „Stand By Me“ qoʻshigʻini kuylagan video internetda keng tarqalib, mashhur boʻlib ketgan.

Townsend 2019-yil dekabr oyidagi suhbatda oʻzining qimor oʻyinlariga mukkasidan ketganini va futbolga onlayn pul tikishga majbur boʻlganini tan olgan. U 2012-yilda Birmingem uchun pley-off oʻyinidan oldingi kechada bitta garovga 46 000 funt sterling tikib, hammasini yoʻqotgan. Futbol assotsiatsiyasining qimor oʻyinlariga oid qoidalarini buzgani uchun jazolanganidan soʻng, u maslahatchilar yordamiga murojaat qilgan. 2023-yil noyabrida „Luton Taun“ bilan qisqa muddatli shartnoma tuzgan Taunsend oʻzining jismoniy holatini yaxshilash va sportdagi faoliyatini uzaytirish ustida ishlayotganini maʼlum qilgan. U umumiy jismoniy holatini oshirish maqsadida kollagenga boy boʻlgan tovuq oyoqlarini isteʼmol qilayotganini alohida taʼkidlagan. Shuningdek, Townsend 2022-yilgi Jahon chempionati va Yevro-2024 musobaqalari davomida ITV telekanali uchun sharh beruvchi va hamsharhlovchi sifatida faoliyat yuritdi.

Tottenham Hotspur

• Futbol ligasi kubogi sovrindori: 2014–15

Angliya U19 terma jamoasi

• UEFA 19 yoshgacha boʻlgan Yevropa chempionati ikkinchi oʻrin sohibi: 2009