 | |||
| Shaxsiy maʼlumot | |||
|---|---|---|---|
| Toʻliq ismi | Andriy Oleksiyovich Lunin | ||
| Tavallud sanasi | 1999-yil 11-fevral | ||
| Tavallud joyi | Berestin, Ukraina | ||
| Boʻyi | 192 cm (6 ft 3 1⁄2 in) | ||
| Ampluasi | Darvozabon | ||
| Klub maʼlumoti | |||
Joriy klub | Real Madrid | ||
| Raqami | 13 | ||
| Yoshligida aʼzo boʻlgan klublar | |||
| 2012—2015 | Metalist Xarkov | ||
| 2015—2016 | Dnipro | ||
| Professional faoliyati* | |||
| Yillar | Jamoa | Isht. | (Gol.) |
| 2016—2017 | Dnipro | 22 | (0) |
| 2017—2018 | Zorya Luhansk | 29 | (0) |
| 2018— | Real Madrid | 33 | (0) |
| 2018—2019 | → Leganés | 5 | (0) |
| 2019—2020 | → Valladolid | 0 | (0) |
| 2020 | → Oviedo | 20 | (0) |
| Milliy terma jamoa | |||
| 2014—2015 | Ukraina U16 | 5 | (0) |
| 2015—2016 | Ukraina U17 | 9 | (0) |
| 2016 | Ukraina U18 | 1 | (0) |
| 2017 | Ukraina U19 | 3 | (0) |
| 2019 | Ukraina U20 | 6 | (0) |
| 2017—2018 | Ukraina U21 | 5 | (0) |
| 2018— | Ukraina | 13 | (0) |
| *Professional klublardagi gollari (ichki chempionat) | |||
Andrey Oleksiyovich Lunin (ukraincha: Андрій Олексійович Лунін Andrey Lunin; 1999-yil 11-fevralda tugʻilgan) – ukrainalik professional futbolchi, La Liganing „Real Madrid“ klubi va Ukraina milliy futbol terma jamoasi darvozaboni.
Jamoalardagi faoliyati
Lunin „Metalist“ yoshlar sport maktabi (birinchi murabbiyi Aleksandr Xrabrov) va „Dnepr“ yoshlar sport maktabi (birinchi murabbiy Kostyantyn Pavlyuchenko) jamoasining tarbiyalanuvchisi hisoblanadi.
Dnepr
2016-yilning yozidan boshlab, oʻsmirlar sport maktabini tugatgandan soʻng, u „Dnepr“ zaxira jamoasida oʻynadi. Lunin 17 yoshida asosiy tarkib futbolchisi sifatida 2016-yil 16-oktyabr kuni Ukraina Premer-ligasida Lvovning „Karpaty“ klubiga qarshi oʻyinda debyut qildi. Mavsumning qolgan qismida „Dnepr“ning birinchi raqamli darvozaboni boʻlib, jamoa safida liga va klub musobaqalarida jami 25ta oʻyinda maydonga tushdi. Biroq mavsum yakunida moliyaviy tartibsizliklar tufayli „Dnepr“ toʻgʻridan-toʻgʻri Ukraina Ikkinchi ligasiga (futbolning uchinchi darajasi) tushib ketdi va koʻplab oʻyinchilar, jumladan, Luninga ham klubni tark etishga ruxsat berildi.
Zorya Lugansk
Lunin 2017-18-yilgi mavsumni „Zorya Lugansk“ klubi tarkibida oʻtkazib, u yerda ham qisqa muddat ichida oʻzini birinchi darvozabon sifatida koʻrsatdi. 2017-yilning 14-sentyabrida Lunin Yevropa Ligasi guruh bosqichida „Arena Lvov“ oʻyingohida „Östersunds“ga qarshi bahsda (0:2) Yevropadagi debyutini oʻtkazdi. U oʻsha mavsumda barcha musobaqalarda 36 ta oʻyinda, shu jumladan, Zoryaning Yevropa Ligasidagi oltita oʻyinida maydonga tushdi.
Real Madrid
2018-yilning 19-iyunida Madridning „Real“ klubi Zorya Lugansk bilan Lunin transferi yuzasidan 8,5 million yevro va 5 million bonuslar evaziga kelishuvga erishdi. Toʻrt kundan soʻng shartnoma imzolandi va u klub tarixidagi birinchi ukrainalik futbolchiga aylandi. 2018-yilning 27-avgustida u La Liganingboshqa bir jamoasi CD Leganesga ijaraga berildi. Chempionatning yarmida u Ivan Kuelyarning oʻrinbosari boʻlishidan mamnun ekanligini va shartnomasini yakunlashini aytdi.
2019-yil 13-avgustda u 2019/20 yilgi mavsum uchun „Real Valyadolid“ ga ijaraga berildi. 2019-yil 15-oktyabrda Lunin 2019-yilgi Golden Boy mukofoti uchun 21 yoshgacha boʻlgan eng yaxshi 20 nafar futbolchi roʻyxatiga kiritildi.
2020-yilning 15-yanvarida „Real Valyadolid“ bilan shartnoma bekor qilindi. Oʻsha kuni Real Oviedo Luninni 2020-yilning 30-iyuniga qadar ijaraga olganini eʼlon qildi.
U 2020-21-yilgi Ispaniya Kubogi doirasida Alkoyanoga qarshi 1:2 hisobida magʻlubiyatga uchralgan bahsning qoʻshimcha boʻlimida maydonga tushib „Real Madrid“ safidagi ilk debyutini oʻtkazdi. Madridliklar 2021-22 yilgi mavsum chempionligini rasmiylashtirganidan soʻng, Lunin 2022-yil 8-may kuni Madrid derbisida „Real“ 1:0 hisobida „Atletiko“ga gʻalabani boy bergan oʻyinda La Ligadagi debyutini amalga oshirdi. 2022-yil 15-may kuni u „Kadis“ga qarshi oʻyinda harakat qilib, penaltini qaytarishga muvaffaq boʻldi va jamoani mehmondagi magʻlubiyatdan asrab qoldi (1:1).
Xalqaro maydondagi karyerasi
Lunin Ukraina terma jamoasidagi debyutini 19 yoshida, 2018-yilning 23-mart kuni Saudiya Arabistoni bilan oʻrtoqlik uchrashuvida (1:1) oʻtkazdi.
2019-yilda u Ukraina U20 terma jamoasi safida FIFA U-20 Jahon chempionatidagi birinchi gʻalabasiga erishdi. U jamoaning yettita oʻyinidan oltitasida maydonga tushdi, Serbiya va Lyuksemburgga qarshi UEFA Yevro-2020 saralash bosqichi oʻyinlarida Ukrainaning asosiy tarkibiga chaqirilgani uchun Kolumbiyaga qarshi chorak final uchrashuvini oʻtkazib yuborishga majbur boʻldi. Janubiy Koreyaga qarshi kechgan final oʻyinidan soʻng (3:1) Lunin turnirning eng yaxshi darvozaboni sifatida „Oltin qoʻlqop“ bilan taqdirlandi.
Karyera statistikasi
Klub
- 2022-yil 15-may holatiga koʻra
| Klub | Mavsum | Liga | Mamlakat kubogi | Mintaqaviy | Jami | |||||
|---|---|---|---|---|---|---|---|---|---|---|
| Divizion | Oʻyin | Gol | Oʻyin | Gol | Oʻyin | Gol | Oʻyin | Gol | ||
| Dnepr | 2016-17 | Ukraina Premer-ligasi | 22 | 0 | 3 | 0 | — | 25 | 0 | |
| Zorya Lugansk | 2017-18 | Ukraina Premer-ligasi | 29 | 0 | 1 | 0 | 6 | 0 | 36 | 0 |
| Real Madrid | 2018-19 | La Liga | 0 | 0 | 0 | 0 | 0 | 0 | 0 | 0 |
| 2020-21 | La Liga | 0 | 0 | 1 | 0 | 0 | 0 | 1 | 0 | |
| 2021-22 | La Liga | 2 | 0 | 2 | 0 | 0 | 0 | 4 | 0 | |
| 2022-23 | La Liga | 0 | 0 | 0 | 0 | 0 | 0 | 0 | 0 | |
| Jami | 2 | 0 | 3 | 0 | 0 | 0 | 5 | 0 | ||
| Leganes (ijara) | 2018-19 | La Liga | 5 | 0 | 2 | 0 | — | 7 | 0 | |
| Valyadolid (ijara) | 2019-20 | La Liga | 0 | 0 | 2 | 0 | — | 2 | 0 | |
| Oviedo (ijara) | 2019-20 | Segunda divizioni | 20 | 0 | — | — | 20 | 0 | ||
| Karyera jami | 78 | 0 | 11 | 0 | 6 | 0 | 95 | 0 | ||
Xalqaro
- 202-yil 8-iyun holatiga koʻra
| Ukraina | |||
|---|---|---|---|
| Yil | Oʻyin | Gol | |
| 2018 | 4 | 0 | |
| 2019 | 1 | 0 | |
| 2020 | 1 | 0 | |
| 2022 | 1 | 0 | |
| Jami | 7 | 0 | |
Sovrinlari
Real Madrid
- La Liga: 2021-22
- Ispaniya Superkubogi: 2021-22
- UEFA Chempionlar Ligasi: 2021-22
- UEFA Superkubogi: 2022
Ukraina U20
- FIFA U-20 Jahon chempionati: 2019
Individual
- Ukrainaning oltin isteʼdodi: 2017-yil
- FIFA U-20 Jahon chempionati Oltin qoʻlqop: 2019
- 11-fevralda tugʻilganlar
- 1999-yilda tugʻilganlar
- Berestinda tugʻilganlar
- Yashayotgan insonlar
- Alifbo boʻyicha sportchilar
- Ukrainalik erkak futbolchilar
- Erkak futbol darvozabonlari
- FC Dnipro futbolchilari
- FC Zorya Lugansk futbolchilari
- Real Madrid CF futbolchilari
- CD Leganés futbolchilari
- Real Valladolid futbolchilari
- Real Oviedo futbolchilari
- Ukraina Premyer-ligasi futbolchilari
- La Liga oʻyinchilari
- Segunda División futbolchilari
- UEFA Chempionlar ligasida gʻolib boʻlgan futbolchilar
- UEFA Yevro 2024 oʻyinchilari
- Ispaniyadagi muhojir erkak futbolchilar
- Ukrainalik muhojir erkak futbolchilar