Shavkat Alimov

Shavkat Orifjonovich Alimov
Shaxsiy maʼlumotlari
Tavalludi	1945-yil 2-mart (1945-03-02) (81 yosh) Nukus, Qoraqalpogʻiston, Oʻzbekiston SSR
Fuqaroligi	SSSR → Oʻzbekiston
Kasbi	fizika va matematika oʻqituvchisi, diplomat
Mukofotlari

Shavkat Orifjonovich Alimov (1945-yil 2-mart Nukus, Qoraqalpogʻiston, Oʻzbekiston SSR ) — sovet va oʻzbek fizika-matematika fanlari doktori (1973), matematik olim, Oʻzbekiston Fanlar akademiyasi akademik (2000), professor (1974). Moskva davlat universiteti (MDU)ni tugatgan(1967). MDUda (1974—84) ishlagan, Toshkent Davlat Universiteti kaf. mudiri va Oʻzbekiston Fanlar akademiyasi Matematika institutida direktor oʻrinbosari (1984-85), Samarqand Davlat Universiteti (1985-1987), Toshkent Davlat Universiteti (1987—1989) rektori, Oʻzbekiston Respublikasi Oliy va oʻrta maxsus taʼlim vaziri (1990-91), Toshkent Davlat Universiteti kaf. mudiri (1991-94). Tashqi ishlar vaziri oʻrinbosari (1994—95), Oʻzbekiston Respublikasining XXRdagi favqulodda va muxtor elchisi (1995—98), Toshkentdagi Jahon iqtisodiyoti va di-plomatiya universitetida prorektor (1998-yildan). Asosiy ilmiy ishlari matematik fizi-kaning xususiy hosilali differensial tenglamalari muammolariga, xususan oʻz-oʻziga qoʻshma elliptik operatorlarning spektral nazariyasiga, differensial va integral tenglamalar muammolariga bagʻishlangan. "Karrali qatorlar va Fu-re integrallari" monografiyasi Ger-maniyada ("Springer Verlag" nashriyoti) ingliz tilida nashr etilgan (1991). Beruniy nomidagi Oʻzbekiston Davlat mukofoti laureati (1985).

Shavkat Orifjonovich Alimov 1945-yil 2-martda Qoraqalpogʻiston Respublikasining Nukus shahrida xizmatchi oilasida tugʻilgan. Dastlab oʻrta maʼlumotni Toshkent shahridagi 88-umumtaʼlim maktabida olgan va oltin medalga bitirgan.

• Lenin Komsomoli mukofoti (1973)
• Beruniy nomidagi Oʻzbekiston Respublikasi davlat mukofoti (1985)
• „Mehnat shuhrati“ ordeni (2019)