Safi Airways

Safi Airways

IATA ICAO Identifikatori 4Q SFW SAFI
Tashkil topgan	2006
Tugatilgan amaliyotlari	5-sentyabr 2016-yil
Baza aeroporti	Kobul xalqaro aeroporti
Qoʻshimcha havo tuguni	Qandahor xalqaro aeroporti
Tez uchish dasturlari	Saffron Rewards
Park hududi	34
Parvoz yoʻnalishlari	18
Egasi	Safi Airways Ltd
Bosh qarorgohi	Qobul, Afg'oniston
Muhim shaxslar	Ghulam Hazrat Safi (Rais) Zaidan Khalifat (Deputy CEO) Joshua G. Bustos (CCO)
Sayti	safiairways.com

Safir Airways (Pushtu tili: صافي هوايي شرکت; Forscha:خطوط هوایی صافی) — Afg‘onistondagi birinchi va eng yirik xususiy aviakompaniyalardan biri. Uning bosh qarorgohi Afgʻonistonning Kobul shahri, Shahr-e-Naw hududida joylashgan. Maʼmuriy ofisi esa Dubay aeroportining erkin iqtisodiy zonasida faoliyat yuritgan. 2016-yil sentabr oyida aviakompaniya qarzlari va soliqlarini toʻlamagani sababli Afgʻoniston hukumati tomonidan uning faoliyati toʻxtatilgan.

Safi Airways Safi Groupning shoʻba korxonasi sifatida tashkil etilgan boʻlib, 2006-yilda uning raisi va bosh direktori Gʻulom Hazrat Safi tomonidan asos solingan. 2009-yil 15-iyunda Safi Airways Afgʻoniston poytaxti Kobul va Germaniyaning Frankfurt aeroporti oʻrtasida parvozlarni yoʻlga qoʻygan. Biroq, 2010-yil 24-noyabrda Yevropa Ittifoqi barcha afgʻon aviakompaniyalarining Yevropaga parvoz qilishini taqiqlagani sababli ushbu qatnovlar toʻxtatilgan va shundan buyon qayta tiklanmagan.

2009-yil 5-noyabrda Safi Airways aviakompaniyasi Airbus A340-300 samolyotini qabul qilib oldi. Biroq Frankfurt yoʻnalishi Yevropa Ittifoqi taqiqi tufayli toʻxtatilganidan soʻng, ushbu samolyotdan foydalanish ham bosqichma-bosqich toʻxtatildi. 2011-yilda Safi Airways oʻzining Boeing 737-300 samolyotlarini Airbus A32x turkumidagi samolyotlar bilan almashtirdi. 2016-yilda esa uzoq masofali yoʻnalishlar uchun Airbus A330 samolyotini sotib olish rejalashtirilgan edi, biroq bu reja amalga oshmadi.

2012-yil fevralidan buyon Safi Airways Yevropa aviatsiya xavfsizligi agentligi (EASA), IATA operatsion xavfsizlik auditi (IOSA) va Xalqaro fuqaro aviatsiyasi tashkiloti (ICAO) talablariga muvofiq faoliyat yuritayotgan birinchi afgʻon aviakompaniyasi hisoblangan.

2016-yil 5-sentyabrda Afgʻoniston hukumati toʻlanmagan qarzlar va soliqlar sababli Safi Airways aviakompaniyasini barcha operatsiyalarini toʻxtatgan.

2018-yil sentyabr holatiga koʻra, Safi Airways quyidagi yoʻnalishlarga xizmat koʻrsatdi: