Yordam
Bepul yuklab olish va ma’lumotlar platformasi

Düzdidil xonim (usmonli turkcha: دزددل قادین‎‎, forscha: دزد دل‎‎ – „yuraklar oʻgʻrisi“; taxminan"}]],"parts":[{"template":{"target":{"wt":"Circa","href":"./And

Düzdidil xonim

Vikipediya, erkin ensiklopediya
Düzdidil xonim
Tugʻilishi tax. 1825 (1825)
Vafoti 1845-yil 18-avgust
Konstantinopol, Usmoniylar davlati
(hozirgi Istanbul, Turkiya)
Dafn etilgan joy
Sulton xonimlar maqbarasi, Yangi masjid, Istanbul
Turmush oʻrtogʻi
Abdulmajid I
(turm. 1840)
Farzandlari
  • Neyire Sulton
  • Munire Sulton
  • Jemile Sulton
  • Samiye Sulton
Toʻliq nomi
turkcha: Duzdidil xonim
usmonli turkcha: دزددل قادین‎‎
Uy Usmoniylar (nikoh orqali)
Dini Islom, sunniylik

Düzdidil xonim (usmonli turkcha: دزددل قادین‎‎, forscha: دزد دل‎‎ – „yuraklar oʻgʻrisi“; tax.1825-yilda tugʻilgan  – 1845-yil 18-avgustda vafot etgan) – Usmoniylar davlati sultoni Abdulmajid I ning xotinlaridan biri.

Hayoti

Düzdidil xonim taxminan 1825-yilda tugʻilgan. Kelib chiqishi yarim abxaz, yarim cherkeslardan boʻlgan. Bezmiâlem Sulton uni oʻgʻli Abdulmajidga taqdim etgan. Düzdidil haram bosh xazinadorining nazorati ostida saroyda ulgʻaygan. Bir kuni Abdulmajid Düzdidilni pianino chalib oʻtirganida koʻrib qolgan va unga uylanmoqchi boʻlgan. Ular 1840-yilda turmush qurishgan va Düzdidilga „Katta iqbol“ (Bash Iqbol) unvoni berilgan.

1841-yil 13-oktyabrda Düzdidil xonim Eski Beşiktaş saroyida egizak qizlari Neyire Sulton va Munire Sultonni dunyoga keltirgan. Malikalaridan biri chaqaloqligida, ikkinchisi esa 2 yoshida vafot etgan.

1843-yil 17-avgustda Düzdidil xonim Eski Beylerbeyi saroyida uchinchi farzandi, qizi Jemile Sultonni, 1845-yil 23-fevralda esa Topkapi saroyida toʻrtinchi farzandi, qizi Samiye Sultonni dunyoga keltirgan. Biroq Samiye Sulton oradan 2 oy oʻtgach, 1845-yil 15-aprelda vafot etgan.

1843-yilda Istanbulga kelgan Charles White Düzdidil xonim haqida shunday deb yozgan:

Uchinchisi... goʻzalligi, shuningdek, magʻrur va oʻjar feʼli orqali ajralib turishi bilan esga olinadi.

Vafoti

Düzdidil xonim uchun sil epidemiyasi chogʻida tayyorlangan duo kitobi

Düzdidil xonim oʻsha paytda Istanbulda avj olgan sil epidemiyasining qurboniga aylandi. Uning uchun taxminan 1844-yilda hashamat bilan bezatilgan duo kitobi buyurtma qilindi. Uning maqomiga munosib ravishda duo kitobi nihoyatda dabdabali bezaklar bilan ishlangan. Düzdidil tirik qolgan qizidan ajratib qoʻyildi va izolyatsiya qilindi. Uni ona tomondan qarindoshi boʻlgan Jijan xonimning parvarishiga topshirishdi.

Düzdidil xonim 1845-yil 18-avgustda vafot etdi va Istanbuldagi Yangi masjidning sulton xonimlar maqbarasida dafn qilindi. Düzdidil vafot etganida Jemile Sulton atigi 2 yoshda edi. Uni Sulton Abdulmajidning boshqa xotinlaridan biri Perestu Sulton oʻz qaramogʻiga olgan. Perestu Sulton, shuningdek, sulton Abdulhamid II ni ham tarbiya qilgan.

Farzandlari

IsmiTugʻilgan sanasiVafot sanasiIzohlar
Neyire Sulton 1841-yil 13-oktyabr 1844-yil 14-yanvar Munirening egizak singlisi, Beşiktaş saroyida tugʻilgan. Nuri Usmoniya masjidida dafn qilingan.
Munire Sulton 1841-yil 13-oktyabr 1841-yil 18-dekabr Neyirening egizak singlisi, Beşiktaş saroyida tugʻilgan. Nuri Usmoniya masjidida dafn qilingan.
Jemile Sulton 1843-yil 17-avgust 1915-yil 26-fevral 1 marta turmushga chiqqan, 3 oʻgʻil va 3 qiz farzand koʻrgan.
Samiye Sulton 1845-yil 23-fevral 1845-yil 15-aprel Topkapı saroyida tugʻilgan. Çırağan saroyida vafot etgan va Yangi masjidda dafn qilingan.

Yana qarang

  • Usmoniylar sultonlarining xotinlari roʻyxati
  • Kadın (unvon)
  • Usmoniylar imperiyasi harami

Adabiyotlar

  • Uluçay, M. Çağatay. Podshohlarning ayollari va qizlari. Oʻtuken, 2011. ISBN 978-9-754-37840-5. 
  • Sakaoğlu, Necdet. Bu mulkning xonim sultonlari: Valida sultonlar, xotunlar, hasekilar, qadin efendilar, sulton efendilar. Oʻgʻlak nashriyoti, 2008. ISBN 978-6-051-71079-2. 
  • Brookes, Douglas Scott. Kanizak, malika va muallima: Usmonli haramidan ovozlar. Texas universiteti nashriyoti, 2010. ISBN 978-0-292-78335-5. 
  • Paşa, Ahmed Cevdet. Tazakkir. [2]. 13 - 20, 2-jild. Turk Tarix Jamiyati bosmaxonasi, 1960. 
Yuqori