Sven-Göran Eriksson

Sven-Göran Eriksson
	Eriksson in 2012
Shaxsiy maʼlumot
Toʻliq ismi	Sven-Göran Eriksson
Tavallud sanasi	5-fevral 1948-yil
Tavallud joyi	Sunne, Shvetsiya
Vafot sanasi	26-avgust 2024-yil ; (76 yoshda)
Vafot joyi	Sunne, Shvetsiya
Boʻyi	1.78 m
Ampluasi	Himoyachi
Professional faoliyati*
Yillar	Jamoa
1964–1971	Torsby
1971–1972	Sifhälla
1972–1973	Karlskoga
Total
Boshqargan klublari
1977–1978	Degerfors
1979–1982	en:IFK Göteborg
1982–1984	Benfica
1984–1987	Roma
1987–1989	Fiorentina
1989–1992	Benfica
1992–1997	Sampdoria
1997–2001	Lazio
2001–2006	Angliya
2007–2008	Manchester City
2008–2009	Meksika
2010	Kot-dʼIvuar
2010–2011	Leicester City
2013–2014	Guangzhou R&F
2014–2016	Shanghai SIPG
2016–2017	Shenzhen
2018–2019	Filippin
	*Professional klublardagi gollari (ichki chempionat)

Sven-Göran Eriksson (shvedcha: Sven-Göran Eriksson; 1948-yil 5 fevral – 2024-yil 26-avgust) – shved futbolchisi va murabbiyi. Futbolchilik faoliyati davomida oʻng qanot himoyachisi sifatida oʻynaganidan soʻng, Eriksson 1977-yildan 2001-yilgacha klub murabbiyi katta muvaffaqiyatlarga erishgan va Shvetsiya, Portugaliya va Italiyaning turli liga klublari bilan 18 ta sovrinni qoʻlga kiritgan. Yevropa musobaqalarida u UEFA kubogi va Yevropa kubogi gʻoliblari kubogini qoʻlga kiritdi (oxirgi kubok bekor qilinishidan oldingi oxirgi mavsum) va Yevropa kubogi finaliga qadar jamoasini olib chiqgan.

Keyinchalik Eriksson Angliya, Meksika, Filippin va Kot-d’Ivuar terma jamoalarini, shuningdek, Angliyaning Manchester Siti va Lester Siti jamoalarini boshqargan. Eriksson oʻnta davlatda: Shvetsiya, Portugaliya, Italiya, Angliya, Meksika, Kot-d’Ivuar, Tailand, Birlashgan Arab Amirliklari, Xitoy va Filippin term jamoalarida murabbiylik qilgan.

Shaxsiy hayot

Eriksson Enn-Kristin Pettersson bilan 1977-yil iyulidan 1994-yilda ajrashgunlarigacha turmush qurgan. Ularning ikki farzandi bor edi. 1998-yilning may oyida Eriksson italyan-amerikalik advokat Nensi Dell’Olio bilan tanishgan va ular olti oydan keyin yaqin munosabatlarni boshlaganlar. 2001-yilda ular birgalikda Londonga koʻchib oʻtishgan. 2002-yil boshida Eriksson ingliz-shved teleboshlovchisi Ulrika Jonsson bilan ishqiy munosabatda boʻlgan, lekin Sven keyinchalik Dell’Olio yoniga qaytgan. 2004-yil avgust oyida u Britaniya-Bangladesh kotibi Faria Alam bilan ishqiy munosabatda boʻlgan. Erikssonning „Mening hikoyam“ nomli avtobiografiyasi 2013-yil noyabrida chop etilgan.

Kasallik va oʻlim

2024-yil yanvar oyida Eriksson unga oshqozon osti bezi saratoni tashxisi qoʻyilgani va „eng yaxshi holatda bir yil umri qolgani“ haqida eʼlon qilgan edi. 2024-yilning mart oyida u bir oʻyin uchun nafaqadan qaytdi va Liverpul afsonalarini Ayaks jamoasiga qarshi xayriya oʻyinida boshqarib borgan. Sven Sunne yaqinidagi Björkeforsdagi uyida 2024-yil 26-avgustda 76 yoshida kasallikdan vafot etgan.