Cholgʻu asboblari

Musiqa asbobi — musiqiy tovushlar chiqaruvchi ashyo hisoblanadi. Har qanday tovush chiqaruvchi jism musiqa asbobi sifatida qoʻllanishi mumkin. Musiqa asboblarining tarixi insoniyat madaniyati shakllana boshlagan paytdan boshlanadi. Ilk musiqa asboblari turli udumlarda, masalan diniy tadbirlar paytida ishlatilgan. Keyinchalik musiqa asboblaridan kuy chalish uchun qoʻllanila boshlangan.