Bahodir Hamidovich Toshmatov (1964-yil Oʻzbekiston SSRda tugʻilgan) – oʻzbek harbiy xizmatchisi. 2017—2020-yillarda va 2026-yildan Oʻzbekiston Respublikasi Milliy gvardiyasi qoʻmondoni.
| Bahodir Toshmatov | |
|---|---|
 Bahodir Toshmatov 2026-yilda | |
  | |
| Mansab davri 2026-yil 28-yanvardan – hozirgacha | |
| Prezident | Shavkat Mirziyoyev |
| Oʻtmishdoshi | Rustam Joʻrayev |
| Mansab davri 2017-yil 5-avgustdan – 2020-yil 16-martgacha | |
| Prezident | Shavkat Mirziyoyev |
| Oʻtmishdoshi | lavozim taʼsis etilgan |
| Vorisi | Rustam Joʻrayev |
| Oʻzbekiston Respublikasi Prezidenti Davlat xavfsizlik xizmati raisi | |
| Mansab davri 2018-yil 22-yanvardan – 2020-yil 5-dekabrgacha | |
| Prezident | Shavkat Mirziyoyev |
| Oʻtmishdoshi | lavozim taʼsis etilgan |
| Vorisi | Alisher Usmonov |
| Shaxsiy maʼlumotlari | |
| Tavalludi | 1964-yil Oʻzbekiston SSR |
| Fuqaroligi |  Oʻzbekiston |
| Kasbi | Harbiy |
| Unvoni | General-polkovnik |
Biografiya
Toshkent oliy umumqoʻshin qoʻmondonlik bilim yurtini, Oʻzbekiston Qurolli Kuchlari akademiyasini, Rossiya Qurolli Kuchlari Bosh shtabi Harbiy akademiyasini, shuningdek, Fargʻona davlat universitetini tamomlagan.
Sovet Armiyasi Turkiston harbiy okrugi qoʻshinlarida turli qoʻmondonlik lavozimlarida va keyinchalik 90-yillar davomida Mudofaa vazirligining rahbarlik lavozimlarida xizmat qilgan. 1999-yildan 2001-yilgacha Toshkent harbiy okrugi qoʻshinlari qoʻmondoni. 2001—2005-yillarda Sharqiy harbiy okrug qoʻshinlari qoʻmondoni. 2005—2008-yillarda Shimoli-sharqiy maxsus harbiy okrug qoʻshinlari qoʻmondoni. 2008—2011-yillarda Mudofaa vazirining birinchi oʻrinbosari va Bosh shtab boshligʻi, soʻngra 2011—2013-yillarda Oʻzbekiston Prezidenti huzuridagi Milliy xavfsizlik kengashi kotibi lavozimlarida ishlagan. 2013—2017-yillarda mudofa vaziri general-polkovnik Qobul Berdiyevning birinchi oʻrinbosari lavozimida ishlagan. 2017—2020-yillarda Oʻzbekiston Milliy gvardiyasi qoʻmondoni boʻlgan. 2018-yildan 2020-yilgacha Oʻzbekiston Respublikasi Prezidenti Davlat xavfsizlik xizmatiga rahbarlik qilgan. 2020-yil 22-oktyabrda Prezident huzuridagi Xavfsizlik kengashi kotibining qurolli kuchlarni rivojlantirish masalalari boʻyicha oʻrinbosari etib tayinlandi.
2026-yil 28-yanvardan Oʻzbekiston Respublikasi Milliy gvardiyasi qoʻmondoni. 28-mart kuni Oʻzbekiston kamondan otish federatsiyasi raisi etib saylandi.