Ergash Soliyev

Vikipediyada ismi Ergash va familiyasi Soliyev boʻlgan boshqa kishilar haqida ham maqolalar mavjud.

Ergash Soliyev
Jizzax viloyati hokimi
Mansab davri 2017-yildan – 2024-yil 19-dekabrgacha
Prezident	Shavkat Mirziyoyev
Oʻtmishdoshi	Ulugʻbek Uzoqov
Vorisi	Ulugʻbek Mustafoyev
Arnasoy tumani hokimi
Mansab davri 2016-yildan – 2017-yilgacha
Jizzax davlat politexnika instituti rektori
Mansab davri 2012-yildan – 2016-yilgacha
Paxtakor tumani hokimi
Mansab davri 2000-yildan – 2012-yilgacha
Shaxsiy maʼlumotlari
Tavalludi	1956-yil 17-iyul (1956-07-17) (70 yosh) Forish tumani, Jizzax viloyati, OʻzSSR, SSSR
Maʼlumoti	Samarqand davlat universiteti
Mukofotlari

Ergash Alibekovich Soliyev (1956-yil 17-iyul kuni, Forish tumanida tugʻilgan) – oʻzbek davlat arbobi, pedagog. 2017—2024-yillarda Jizzax viloyati hokimi.

Ergash Alibekovich 1978-yilda Samarqand davlat universitetini tamomlagan va 1981-yilgacha Belarus davlat universiteti aspiranti boʻlgan. 1982—1991-yillarda Toshkent politexnika institutida assistent, dotsent va kafedra mudiri, 1992-yilgacha Toshkent davlat texnika universitetida dotsent lavozimlarida ishlagan. 1992-1995-yillarda Toshkent davlat texnika universiteti ilmiy ishlar boʻyicha prorektor oʻrinbosari, 1997-yilgacha Toshkent biznes inkubator texnologiyasi bosh direktori lavozimida ishlagan.

1997—2000-yillarda Jizzax viloyati davlat mulkini boshqarish va tadbirkorlikni qoʻllab-quvvatlash boshqarmasi boshligʻi, 2000—2012-yillarda esa Jizzax viloyati Paxtakor tumani hokimi lavozimlarida ishlagan. 2012-yilda Jizzax davlat politexnika instituti rektori boʻldi.

2016—2017-yillarda Ergash Alibekovich Jizzax viloyati Arnasoy tumani hokimi lavozimida ishlab kelgan va 2017-yilda ushbu lavozimda Ulugʻbek Uzoqov oʻrniga Jizzax viloyati hokimi vazifasini bajaruvchi etib tayinlangan.

• 2005-yilda u "Doʻstlik" ordeni bilan taqdirlangan.