Abror Yoʻldoshev

Abror Yoʻldoshev
Tavalludi	1973-yil Toshkent, OʻzSSR
Fuqaroligi	OʻzSSR → Oʻzbekiston
Kasbi	Aktyor

Abror Yoʻldoshev (1973-yil, Toshkent, OʻzSSR) – oʻzbekistonlik teatr va kino aktyori.

Abror Yoʻldoshev 1973-yilda Toshkentda tavallud topgan. Otasi qurilishda, onasi esa savdo sohasida ishlagan. Ularning 3 farzandi boʻlib, Abror Yoʻldoshev eng kichigi boʻlgan. U 6 olti yoshligida otasi vafot etgan.

Abror Yoʻldoshev yoshligidan maktabdagi drama toʻgaragiga qatnashib yurgan. Maktabni tuganidan keyin institutga oʻqishga topshirgan, lekin imtihondan oʻtolmagan. Keyingi yili esa „A. N. Ostrovskiy“ nomidagi Toshkent davlat teatr va rassomlik institutining rejissyorlik fakultetida oʻqishga kiradi. U bu paytda Abror Hidoyatov nomidagi oʻzbek drama teatrida rekvizitor boʻlib ishlardi. Talaba boʻlganidan keyin Yosh tomoshabinlar teatri qoshidagi aktyorlik mahorati maktab-studiyasida Nabi Abdurahmonov qoʻlida tahsil oladi.

Abror Yoʻldoshev dastlab, Mark Vayl nomidagi „Ilhom“ teatrida aktyor, Toshkent xoreografiya bilim yurtida aktyorlik mahorati boʻyicha ustoz sifatida faoliyat yuritgan. U Carlo Gozzining „Malika Turandot“ asarida Xitoy qiroli Altaum rolini, Temur Zulfiqorovning „Umar Xayyom yulduz turkum“" asarida Malikshoh rolini, Lev Tolstoyning „Xolstomer“ asarida General rolini, Sholomaleyxemning „Tomdagi skripkachi“ asarida Mordxa rolini ijro etgan.