Rashid Rahimov

Rashid Rahimov
Рашид Рахи́мов
	Rakhimov coaching Terek in 2017
Shaxsiy maʼlumot
Toʻliq ismi	Rashid Mamatkulovich Rahimov
Tavallud sanasi	1965-yil 18-mart (61 yosh)
Tavallud joyi	Dushanbe, USSR
Boʻyi	1.80 m
Ampluasi	Yarim himoyachi
Klub maʼlumoti
Joriy klub	Rubin Kazan (murabbiy)
Yoshligida aʼzo boʻlgan klublar
0000–1981	SKA-Pamir Dushanbe
Professional faoliyati*
Yillar	Jamoa
1982–1991	SKA-Pamir Dushanbe
1992–1994	Spartak Moskva
1992–1993	→ Valladolid (loan)
1993–1994	→ Lokomotiv Mokva
1995–2000	Austria Wien
2000–2001	Admira Wacker
2001–2002	Ried
Milliy terma jamoa
1992, 1996	Tojikiston
1994–1995	Rossiya
Boshqargan klublari
2002–2004	Admira Wacker
2006–2007	Amkar Perm
2008–2009	Lokomotiv Moskva
2009–2011	Amkar Perm
2013–2017	Terek Grozny
2018–2019	Akhmat Grozny
2020–2021	Ufa
2023–	Rubin Kazan
	*Professional klublardagi gollari (ichki chempionat)

Vikipediyada shunday familiyali boshqa shaxslar haqida ham maqolalar mavjud, qarang: Rahimov.

Rashid Mamatkulovich Rahimov (ruscha: Рашид Маматкулович Рахи́мов, tojikcha: Рашид Маматқулович Раҳимов; 1965-yil 18-martda tugʻilgan) – tojikistonlik va rossiyalik professional futbol murabbiyi va sobiq futbolchi. U Qozonning „Rubin“ klubini boshqaradi.

Futbolchilik faoliyati

Klub

Rahimovning futbolchilik faoliyatining koʻp qismi „Pomir Dushanbe“ bilan bogʻliq boʻlib, u 1980-yildan 1991-yilgacha soʻnggi uch mavsumni SSSR Oliy Ligasida oʻynagan. Shundan soʻng u „Spartak“, „Real Valyadolid“, „Lokomotiv“ kabi klublarda oʻynadi. Futbolchilik faoliyatining keyingi qismida u Avstriyaga koʻchib oʻtdi va FK Austria Wien, Admira Wacker va SV Ried klublarida oʻynadi va u yerda muxlislar orasida juda mashhur edi.

Xalqaro

Rahimov 1994-1995-yillar davomida Rossiya terma jamoasi safida 4 ta oʻyin oʻtkazgan. Rahimov 1992 va 1996-yillarda oʻzi tugʻilib oʻsgan mamlakati Tojikiston milliy futbol jamoasida oʻynagan.

Murabbiylik faoliyati

U oʻynashni tugatgandan soʻng, u 2002-yilda Admira Vakkerga menejer sifatida taklif qilindi. U klubni quyi ligaga tushib qolishdan qutqardi, ammo 2004-yilda uni tark etdi.

2006-yilda u Permning „Amkar“ klubiga taklif qilindi. Taʼsirli oʻyinlardan soʻng, „Amkar“ Premer-ligada qoldi va Rahimov 2007-yil boshida klub bilan 2 yillik shartnoma imzoladi.

2007-yil 6 dekabrda u Moskvaning „Lokomotiv“ klubi bilan 3 yillik shartnoma imzoladi va 2009-yil 28-aprel oyida ishdan boʻshatildi. Oʻn toʻqqiz oydan keyin u „Amkar Permg“ jamoasiga qaytib keldi.

2011-yil 28-sentabr kuni „Amkar Perm“ prezidenti Gennadiy Shilov klubning natijalarining yomonligi sababli Rahimovning isteʼfosini qabul qilganini tasdiqladi.

2018-yil 5-sentabrda u yana Axmat Grozniy klubi bosh murabbiyi etib tayinlandi (bu jamoan avvalgi Grozniynining „Terek“ jamoasi davomchisi hisoblanadi). U 2019-yil 30-sentyabrda jamoa Rossiya Premyer-ligasida 15-oʻrinni egallab turganligi sababli Axmat klubidan isteʼfoga chiqdi. 2016/2017-yilgi mavsumda u Axmat klubini 5-oʻringa olib chiqdi, bu hali ham klub tarixidagi eng yuqori rekord hisoblanadi.

2020-yil 11-oktabr kuni Rahimov „Ufa“ klubi bosh murabbiyi etib tayinlandi. U 2021-yil 3-aprelda Moskvaning „Dinamo“ klubiga 0:4 hisobida magʻlub boʻlganidan soʻng „Ufa“ jamoasidan isteʼfoga chiqdi. Klub Rahimov istefosidan soʻng ham hamon u bosh murabbiy boʻlgan vaqtidagi 15-oʻrinni egallab turgan edi.

2023-yilning 12-aprelida Rahimov Qozonning „Rubin“ klubi bosh murabbiyi sifatida shartnoma imzoladi.

Yutuqlar

Spartak Moskva

Rossiya oliy ligasi (2): 1992, 1994