Egor Krimets

Yegor Krimets

Shaxsiy maʼlumot
Toʻliq ismi	Yegor Vladimirovich Krimets
Tavallud sanasi	1992-yil 27-yanvar (1992-01-27) (34 yosh)
Tavallud joyi	ToshkentOʻzbekiston
Boʻyi	1.93 cm (1 in)
Ampluasi	Himoyachi
Professional faoliyati*
Yillar	Jamoa	Isht.	(Gol.)
2010—2022	Paxtakor	150	(4)
2013	→  Beijing Guoan	13	(0)
2016—2017	→  Beijing Guoan	33	(0)
2022	Navbahor	0	(0)
2024	Surxon	6	(0)
2025	Soʻgʻdiyona	0	(0)
Milliy terma jamoa
2010	Oʻzbekiston U-20	3	(0)
2012	Oʻzbekiston U-23	1	(0)
2013—2021	Oʻzbekiston	40	(2)
*Professional klublardagi gollari (ichki chempionat)

Yegor Vladimirovich Krimets 1992-yili 27-yanvardaToshkent shahrida tugʻilgan. Jizzaxning Soʻgʻdiyona klubi aʼzosi, himoyachi pozitsiyasida oʻynaydi.

Egor Krimets professional futboldagi ilk faoliyatini 2011-yili Paxtakor klubida boshlagan. U Paxtakor safida 2 mavsum oʻynadi 39 ta uchrashuvda maydonga tusdi raqiblar darvozasini 4-marta ishgʻol qildi.

2013-yilning boshida u Paxtakordan Xitoyning Beijing Guoan FC futbol klubiga ijaraga berildi. Pekin klubida bir mavsum oʻynab 13 ta oʻyinda maydonga tushdi va yana Paxtakor safiga qaytdi.

2014-yilning boshidan u Paxtakor tarkibida oʻynay boshladi. 2014-yili Paxtakor oʻzining 10-chempionligini qoʻlga kiritdi, oʻsha mavsumda Egor Krimets 24 ta oʻyinda jamoa sharafini himoya qilib raqiblar darvozasiga 5 ta gol kiritgan. 2016-yil 8-yanvar „Paxtakor“ klubi yana bir bir Krimetsni Xitoyning Beijing Guoan FC jamoasiga ijaraga bergan. Ikki mavsumdan soʻng Xitoy jamoasi bilan shartnomasi yakunlanganidan soʻng „Paxtakor“ klubi tarkibiga qaytgan. Keyinchalik Paxtakor jamoasi toʻrt mavsum davomida oʻynab uch bor Oʻzbekiston Superligasi chempionligini qoʻlga kiritgan. 2021-yilgi mavsum ancha ogʻir kelgan va jaroxatga olim mavsum katta qismini oʻtkazib yubordi. Mavsum yakunida „Paxtakor“ klubini tark etib 2022-yilgi mavsumni „Navbahor“ klubida boshlagan. 2022-yil 18-mayda jaroxatlar qaytalanishi va sogʻligʻidagi muammolar sababli „Navbahor“ jamoasi bilan shartnomani bekor qilindi va jamoani tark etdi. Maʼlum vaqt futboldan yiroq boʻlgan Krimets 2023-yil 24-dekabrda „Surxon“ klubi bilan shartnoma imzoladi. Termiz klubi safida bir mavsum davomida faoliyat olib borganidan soʻng mavsum yakunida jamoani tark etgan. 2024-yil 27-dekabrda Jizzaxning „Soʻgʻdiyona“klubi bilan shartnoma imzolagan.

Egor Krimets Oʻzbekiston oʻsmirlar va yoshlar futbol terma jamoasi safida ham toʻp surgan. Egor 2014-yilning 12-yanvarida Oʻzbekiston yoshlar terma jamoasi safida Ummonda boʻlib oʻtgan AFC U-22 Osiyo chempionati 2014 musobaqasining guruh bosqichi ilk uchrashuvida maydonga tushgan va oʻsha oʻyinda jamoa sardori sifatida maydonga tushib 1ta golga mulliflik qilgan edi. Shuningdek, 2014-yili Janubiy Koreyaning Inchxon shahrida boʻlib oʻtgan 17-yozgi Osiyo oʻyinlari musobaqasidan oʻrin olgan futbol bellashuvida Oʻzbekiston olimpiya terma jamoasi tarkibida 4 ta oʻyinda maydonga tushib, Afgʻoniston termasiga qarshi boʻlgan oʻyinda gol muallifi boʻlgan edi.

Egor Krimets ilk bora milliy terma jamoa tarkibiga 2012-yili noyabr oyida 2014-yilgi jahon chempionatiga saralash bosqichida Eron bilan boʻlgan uchrashuvga chaqirtirilgan, ammo maydonga tushmagan. Keyinchalik u terma jamoa safidagi ilk debyut oʻyinini 2013-yili 6-sentyabrda Iordaniya terma jamoasiga qarshi oʻtkazgan. 2015-yilgi Osiyo kubogida terma jamoa tarkibida qatnashdi, ammo musobaqa davomida faqat zaxirada qoldi.

Uylangan, rafiqasi Kristine Krimets, qizining ismi Mikaela.

• Oʻzbekiston Superligasi: 2012, 2014, 2015, 2019, 2020, 2021
• Oʻzbekiston Superligasi vitse-chempioni: 2010
• Oʻzbekiston Superligasi bronza medali sohibi: 2011
• Oʻzbekiston Kubogi gʻolibi: 2011, 2019, 2020
• Xitoy chempionati bronza medali sohibi: 2013