Yor-yor (film)

Yor-yor
„Yor-yor“ filmidan skrinshot
Rejissyor(lar)	Ali Hamroyev
Ssenariy muallif(lar)i	Rahmat Fayziy
Rollarda	Soyib Xoʻjayev Baxtiyor Ixtiyorov Shukur Burxonov Olim Xoʻjayev Razzoq Hamroyev Rahim Pirmuhamedov O. Tojiboyeva Gʻani Aʼzamov Tursunoy Jafarova Raʼno Hamroyeva Hamza Umarov Hamidulla Narimonov N. Eshmuhamedov Qudrat Hojiyev M. Orifjonova U. Hoʻjayev S. Ikromov
Bastakor(lar)	Albert (Aleksandr) Malaxov Manas (Minasay) Leviyev A. Zokirov
Montajyor(lar)	Odil Yoqubov
Studiya	Oʻzbekfilm
Davomiylik	70 minut
Mamlakatlar	Oʻzbek SSR, SSSR
Tillar	Oʻzbekcha, ruscha

„Yor-yor“ (ruscha: Где ты, моя Зульфия?) — taniqli oʻzbek rejissori Ali Hamroyev 1964-yil yaratgan musiqiy kinokomediya. Film eng sara oʻzbek komediyalaridan biri hisoblanadi, uni baʼzan „oʻzbek milliy komediyasi” deb atashadi.

Baxtiyor (Baxtiyor Ixtiyorov ijro etgan) Zulfiya degan qizni televizorda koʻrib, uni sevib qoladi. Zulfiyani izlab topishga qaror qilgan Baxtiyor otasi bilan butun Oʻzbek SSRni kezadi. Ular juda koʻp odamni uchratishadi, turli voqealarni boshdan kechirishadi, ammo Zulfiyani topa olishmaydi. Toshkentga qaytganlaridan keyin Baxtiyor va uning oilasi shaharning eski qismidagi uylarini tashlab, yangi kvartiraga koʻchib chiqishadi. Film oxirida Baxtiyor yangi uyda Zulfiya bilan qoʻshni ekanligini koʻradi.