Trent Sainsbury

Trent Lucas Sainsbury (talaffuzi: Trent Lukas Sainsberi; 1992-yil 5-yanvar, Avstraliyaning Pert shahrida tugʻilgan) — avstraliyalik futbolchi, „Kortrijk“ futbol klubi va Avstraliya terma jamoasi himoyachisi. 2018-yilgi jahon chempionati ishtirokchisi.

Trent Sainsbury

Shaxsiy maʼlumot
Toʻliq ismi	Trent Lucas Sainsbury
Tavallud sanasi	1992-yil 5-yanvar (1992-01-05) (34 yosh)
Tavallud joyi	Thornlie, Avstraliya
Boʻyi	1.83 m
Ampluasi	hujumchi
Klub maʼlumoti
Joriy klub	Al-Wakrah
Raqami	4
Yoshligida aʼzo boʻlgan klublar
	Armadale SC
2008—2009	Perth Glory
2009—2010	AIS
Professional faoliyati*
Yillar	Jamoa	Isht.	(Gol.)
2010—2014	Central Coast Mariners	60	(1)
2014—2016	PEC Zwolle	28	(1)
2016—2018	Jiangsu Suning	34	(2)
2017	→ Inter Milan (ijara)	1	(0)
2018	→ Grasshoppers (ijara)	9	(0)
2018—2019	PSV Eindhoven	6	(0)
2019—2020	Maccabi Haifa	31	(2)
2020—2022	Kortrijk	45	(6)
2022—	Al-Wakrah	7	(1)
Milliy terma jamoa‡
2007—2009	Avstraliya U17	12	(1)
2009—2011	Avstraliya U20	9	(0)
2014—	Avstraliya	58	(4)
*Professional klublardagi gollari (ichki chempionat) (20-oktabr 2022-yil uchun) ‡ Milliy terma jamoadagi gollari (2-fevral 2022-yil uchun)

Trent Sainsbury dastlab oʻz faoliyatini Avstraliyaning Atletika Instituti futbol jamoasi va „Perth Glory“ futbol klubining yoshlar jamoasida oʻynashdan boshlagan. 2010-yilda u „Central Coast Mariners“ futbol klubi bilan shartnoma imzolagan. 2010-yil 24-noyabrda Trent Sainsbury A-Ligadagi debyutini „Newcastle United“ futbol klubiga qarshi oʻtkazgan. 2013-yil 31-dekabrda u klubdagi ilk golini „Perth Glory“ futbol klubi darvozasiga kiritgan. Oʻsha yili Trent Sainsbury turnirda chempionlikni qoʻlga kiritgan, shuningdek, bir necha bor oyning eng yaxshi futbolchisi unvonini olgan. Bunday muvaffaqiyatli mavsumdan soʻng Trent Sainsburyga Angliyaning „Southampton“ va „Middlesbrough“ futbol klublari, shuningdek, Shveysariyaning „Bazel“ futbol klubi qiziqish bildirgan.

2011-yilda Avstraliya yoshlar terma jamoasi tarkibida Trent Sainsbury Kolumbiyada boʻlib oʻtgan yoshlar oʻrtasidagi jahon chempionatida ishtirok etgan. Turnirda u Ekvador, Ispaniya va Kosta-Rika jamoalariga qarshi oʻyinlarda maydonga tushgan.

2014-yilning 4-sentabrida Trent Sainsbury Avstraliya terma jamoasi safida Belgiyaga oʻrtoqlik oʻyinida debyut qilgan.

2015-yil boshida Trent Sainsbury terma jamoaning oʻz uyida boʻlib oʻtadigan Osiyo Kubogi uchun tarkibiga kiritilgan. Turnirda u Quvayt, Ummon, Birlashgan Arab Amirliklari, Xitoy va ikki marta Janubiy Koreya terma jamoalariga qarshi oʻyinlarda maydonga tushgan. Musobaqa yakunlariga koʻra, Trent oltin medalni qoʻlga kiritgan va BAAga qarshi kechgan bahsda terma jamoa safidagi ilk golini kiritgan.

2017-yilda Trent Sainsbury Rossiyada boʻlib oʻtgan Konfederatsiyalar kubogida ishtirok etgan. Turnirda u Germaniya, Kamerun va Chili jamoalariga qarshi oʻyinlarda ishtirok etgan.

2018-yilda Trent Sainsbury 2018-yilda Rossiyada boʻlib oʻtgan jahon chempionatida ishtirok etgan. Turnirda u Fransiya, Daniya va Peru jamoalariga qarshi oʻyinlarda maydonga tushgan.

2019-yilda Trent Sainsbury BAAda boʻlib oʻtgan Osiyo Kubogi uchun tarkibga kiritilgangan. Turnirda u Iordaniya, Falastin, Oʻzbekiston va Birlashgan Arab Amirliklari terma jamoalariga qarshi oʻyinlarda maydonga tushgan.