Tolibjon Karimov

Tolibjon Karimov
Tolibjon Raufovich Karimov
Tavalludi	2-iyul 1940-yil Toshkent Oʻzbekiston SSR
Vafoti	19-iyul 2023-yil(2023-07-19) (83 yoshda) Toshkent Oʻzbekiston
Fuqaroligi	Oʻzbekiston
Taʼlimi	Toshkent sanʼat instituti
Kasbi	Aktyor
Faoliyat yillari	1961—1963 Qoʻqon teatri 1963−... Oʻzbek milliy akademik drama teatri
Unvoni
Mukofotlari

Tolibjon Raufovich Karimov (2-iyul, 1940-yil, Toshkent — 19-iyul, 2023-yil, Toshkent) — Oʻzbekiston xalq artisti (1987).

Toshkent teatr va rassomlik sanʼati institutini tugatgan (1961). 1961—1963-yillar Qoʻqon teatrida, 1963-yildan Hamza teatrida aktyor. Karimovning ijodi yorqin dramatizm va qahramonona romantizmga boyligi, joʻshqinligi bilan ajralib turadi. Eng yaxshi rollari: Yoʻlchi, Tantiboyvachcha („Quglugʻ qon“), Gʻofir („Boy ila xizmatchi“), Mirzo Ulugʻbek („Mirzo Ulugʻbek“), Temur („Sohibqiron Temur“), Shoh Maʼmun („Abu Rayhon Beruniy“), Azizboy („Istehkom“), Qosim („Gurung“), Jamol („Istanbul fojiasi“), professor („Yetti faryod“) va b. Televizion spektakllarda Joʻra („Yodgor“), Qalandar Qarnoqiy („Ulugʻbek xazinasi“), Shukurov („Diyonat“), Navoiy („Navoiy Astraobodda“), Gʻulomjon („Fargʻona tong otguncha“) kabi; videofilmlarda Jomiy („Navoiy“), Qosimbek („Bobur“), kinoda Oʻtkir („Sayyod qoʻngʻirogʻi“) va b. rollarni ijro etgan. Karimov hayoti va ijodiga bagʻishlangan „Chirogʻi yoniq uy“ telefilmi ishlangan (1997). Hamza nomidagi Oʻzbekiston Davlat mukofoti laureati (1988). „Mehnat shuhrati“ ordeni bilan mukofotlangan (1997). 2023-yil 19-iyul sanasida Toshkentda vafot etdi.