| Tan Zhongyi | |||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | |||||||||||||||||||||||
| Mamlakat | Xitoy | ||||||||||||||||||||||
| Tugʻilgan joy | 1991-yil 29-may Chunsin, Xitoy | ||||||||||||||||||||||
| Unvon | Grossmeyster (2017) | ||||||||||||||||||||||
| Ayollar Oʻrtasidagi jahon chimpioni | 2017— 2018 | ||||||||||||||||||||||
| FIDE reyting | 2525 (2022) | ||||||||||||||||||||||
| Peak reyting | 2530 (2018) | ||||||||||||||||||||||
Medallar
| |||||||||||||||||||||||
Tan Zhongyi (xitoycha: 谭中怡; 1991-yil 29-mayda tugʻilgan) xitoylik shaxmat boʻyicha grossmeyster va shaxmat boʻyicha ayollar oʻrtasidagi sobiq jahon chempioni hisoblanadi.
Faoliyati
Tan Chunsin shahrida tugʻilgan. U 2000-yil va 2001-yillarda Oropesa del Mar shahrida oʻtkazilgan 10 yoshgacha boʻlgan qizlar oʻrtasidagi shaxmat boʻyicha jahon chempionatida ikki marta gʻolib chiqdi.
2008-yil avgust-sentyabr oylarida shaxmat boʻyicha ayollar oʻrtasidagi jahon chempionatida u ikkinchi raundda Pia Cramling tomonidan ½-1½ hisobida nokautga uchradi.
2011-yilda u Shenjenda boʻlib oʻtgan 2011-yilgi yozgi Universiadada ayollar oʻrtasidagi shaxmat turnirida gʻolib chiqdi va Xitoy terma jamoasining oltin medaliga hissa qoʻshdi. Tan 2012-yilda Gimaras shahrida boʻlib oʻtgan ayollar shaxmat boʻyicha universitetlar oʻrtasidagi jahon chempionatida gʻolib chiqdi. 2013-yilda u Usi shahrida bo‘lib o‘tgan, uchinchi China Women Masters turnirida 6,5/9 ball to‘plagan holda, ikkinchi o‘rinni egallagan (Valentina Gunina va Xuang Tsyandan 1,5 ball oldinda g‘olib chiqdi). 2014-yilda Tan Sharjada blits bo‘yicha ayollar o‘rtasidagi Osiyo chempionatida g‘olib chiqdi.
2015-yil may oyida u Sinxua shahrida boʻlib oʻtgan shaxmat boʻyicha ayollar oʻrtasidagi Xitoy chempionatida gʻolib chiqdi. Keyingi oy Tan Xitoy ayollar ustalari turnirida 7/9 hisobida gʻolib chiqdi. 2015-yil 1-dekabrda Tan Zhongyi Chjeszyanning Taychjou shahrida boʻlib oʻtgan, birinchi Xitoy shaxmat qirolichasi oʻyinida finalda Ju Venjunni armageddon oʻyinida magʻlub etganidan soʻng gʻolib chiqdi.
U 2016-yili 42-shaxmat olimpiadasida ayollar o‘rtasida 4-raqamli oltin medalni qo‘lga kiritdi.
U Anna Muzychukga qarshi 2017-yilgi ayollar oʻrtasidagi shaxmat boʻyicha jahon chempionati finaliga chiqdi. Klassik oʻyinlarni 2:2 hisobida bittadan gʻalaba bilan yakunlab, oʻyinni tezkor tay-brekga yoʻlladi. Tan birinchi oʻyinda qora bilan durang oʻynab, ikkinchi oʻyinda oq bilan gʻalaba qozonib, ikki oʻyindan iborat tay-brekda gʻalaba qozondi.
U 2018-yilgi shaxmat boʻyicha ayollar oʻrtasidagi jahon chempionati bahsida Ju Venjunga ayollar oʻrtasidagi jahon chempioni unvonini boy berdi.
2020-yilda u Gibraltar Masters musobaqasida ayollar oʻrtasidagi bosh sovrinni qoʻlga kiritdi.
2021-yilda Tan Anna Muzychuk ustidan 2,5 — 1,5 hisobida gʻalaba qozonib, ayollar oʻrtasidagi shaxmat boʻyicha Jahon kubogida uchinchi oʻrinni egalladi.
Xitoy shaxmat ligasi
Tan Zhongyi Xitoy shaxmat ligasida (CCL) China Mobile Group Chunsin Company Ltd shaxmat klubida oʻynaydi.
- Yashayotgan insonlar
- 1991-yilda tugʻilganlar
- Shaxmatchi ayollar