Shirin | |
|---|---|
| shahar | |
 | |
| 40°13′37″N 69°08′04″E / 40.22694°N 69.13444°E | |
| Mamlakat | Oʻzbekiston |
| viloyat | Sirdaryo viloyati |
| Qachondan beri shahar | 1972-yil |
| Aholisi | 18 900 |
| Vaqt mintaqasi | UTC+5 |
| Telefon kodi | +998 |
| | |
Shirin — Oʻzbekiston Respublikasi Sirdaryo viloyatidagi shahar (1972-yildan). Viloyatga boʻysunadi. Yaqin temir yoʻl stansiyasi — Farhod (6 km). Viloyat markazi (Guliston shahri)dan 52 km. Dengiz sathidan oʻrtacha 328 m balandlikda joylashgan. Aholisi 15,3 ming kishidan iborat (2003), asosan, oʻzbeklar, shuningdek, tojik, tatar, koreys, rus, ozarbayjon, turkman va boshqalar ha.m yashaydi. Shahar nomi kelib chiqishi toʻgʻrisida turli rivoyat va taxminlar mavjud. Shulardan haqiqatga yaqinrogʻi, shaharning gʻarbiy qismidagi togʻning Farhod qoyasi tagidan oqib oʻtadigan Shirinqiz soyi nomidan olinganligidir. Shirin Farhod GES qurilishi munosabati bilan ishchilar posyolkasi sifatida 1943-yilda vujudga keldi. Shaharda Farhod GES, Sirdaryo issiqlik elektr styasi, savdo va maishiy xizmat koʻrsatish shoxobchalari mashinasozlik zavodi, sutkasiga 7 ta non va non mahsulotlari ishlab chiqaradigan korxona, spirt zavodi va boshqalar, shuningdek, 60 tadan ziyod turli shakldagi xususiy va kichik korxonalar bor. Sirdaryo qurilish boshqarmasi ham shahrida joylashgan. Shaharda 4 umumiy taʼlim maktabi, 1 ta musiqa maktabi, 2 ta kasbhunar kolleji, teatr, „Shirin“ shahar bozori, 5 ta kutubxona, 2 ta muzey, kasalxona (140 oʻrin), bolalar kasalxonasi, vrachlik sogʻlomlashtirish punkti, 2 qishloq vrachlik ambulatoriyasi, 2 ta feldsherakusherlik punkti, dorixona, „Xavotog“ sanatoriysi, madaniyat va istirohat bogʻi, Xotira bogʻi mavjud. „Shirin sadosi“ gazeta chop qilinadi. Shahar telestudiyasi faoliyat koʻrsatadi.
- Oʻzbekiston shaharlari