Richard Attenborough

Lord Richard Attenborough CBE FRSA
Richard Samuel Attenborough
Tavalludi	10-dekabr 1923-yil Cambridge, Angliya
Vafoti	24-avgust 2014-yil(2014-08-24) (90 yoshda)
Fuqaroligi	Birlashgan Qirollik
Otasi	Frederick Attenborough
Onasi	Mary Clegg
Mukofotlari	Oscar (1983- 2 ta), BAFTA (1965, 1983, 1994) Oltin globus (1967, 1968, 1983)

Lord Richard Samuel Attenborough (Baron Attenborough) (1923-yil 29-avgustda tugʻilgan) — Britaniyalik Siyosatchi ,aktyor, kinorejissyor va tadbirkor. Ikki karra Akademiya(Oscar), toʻrtta Oltin Globus va toʻrtta BAFTA mukofoti laureati. U Qirollik Dramatik San'at Akademiyasi (RADA) va Britaniya Film va Televizion Sanʼat Akademiyasining (BAFTA) prezidenti boʻlgan.

Attenborough Ikkinchi Jahon urushi paytida Britaniya qirollik havo kuchlari kino boʻlimida xizmat qilgan. U Yevropada bir necha bor bomba hujumlari amalga oshirilgan vaqtda qurolli pozitsiyasidan film suratga olgan. Richard Attenborough tabiatshunos olim Sir David Attenborough va Alfa Romeo direktori Jon Attenborougning akasi edi. U 1945-yildan to vafotigacha aktrisa Sheila Sim bilan birga hayot kechirdi. Attenborough „Chelsi“ futbol klubi prezidenti ham boʻlgan.

Uning rejissyorlik ishlaridan „Oh! What a Lovely War“ (1969), „Young Winston“ (1972) , „A Bridge Too Far“ (1977) va „Cry Freedom“ (1987) singari filmlari eng yaxshi yoʻnalish uchun BAFTA mukofotiga nomzod boʻlgan. 1983-yilda Attenborough Gandi filmi uchun ikkita Akademiya(Oscar) mukofotiga sazovor boʻldi. Gandi filmi esa XX asrning 34-eng yaxshi filmi hisoblanadi. Shuningdek, u toʻrtta BAFTA mukofotiga, toʻrtta „ Oltin globus“ mukofotiga sazovor boʻldi va 1983-yilda BAFTA stipendiyasini umrbod yutuq sifatida oldi. Aktyor sifatida Attenborough „Brighton Rock“ (1948), „I'm All Right Jack“ (1959), „The Great Escape“ (1963), „The Sand Pebbles“ (1966), „Doctor Dolittle“ (1967), „10 Rillington Place“ (1971), „Jurassic Park“ (1993), va „Miracle on 34th Street“ (1994) kabi filmlarda rollar ijro etgan.