Otabek Muhammadzohid

Vikipediyada ismi Otabek va familiyasi Mamazoitov boʻlgan boshqa kishilar haqida ham maqolalar mavjud.

Otabek Muhammadzohid Otabek Mamazoitov
Tavalludi	1974-yil 22-yanvar (1974-01-22) (52 yosh) Fargʻona viloyati, Oʻzbekiston SSR
Janrlar	Maqom, ashula, pop
Kasbi	Xonanda, sozanda, bastakor, shoir
Faoliyat yillari	1995-yildan – hozirgacha
Fuqaroligi	OʻzSSR → Oʻzbekiston
Mukofotlari

Otabek Muhammadzohid (asl ismi: Otabek Mamazoitov; 23-yanvar 1974-yil, Fargʻona viloyati, OʻzSSR) — oʻzbek estrada xonandasi, bastakor, shoir. 2021-yilda Oʻzbekiston davlat filarmoniyasi Fargʻona viloyat bo‘limi rahbari. Oʻzbekistonda xizmat koʻrsatgan artist (2026).

Otabek Mamazoitov 1974-yilning 24-martida Farg‘ona viloyatida tavallud topgan. Yoshligidan musiqaga qiziqishi bo‘lganligi sabab 4 yoshidan doira, akkordeon va Farg‘ona shahridagi 1-bolalar musiqa va san’at maktabida rubob ijro etishni o‘rgangan. Farg‘ona davlat universitetida Tavakkal Qodirov qo‘lida tahsil olgan. 1992-yilda Turkiyada tahsil olish uchun talabalar orasidan tanlab olinadi. Birinchi yili Turkiyaning Qayseri shahrida 1 yil davomida turk tilini oʻrganadi. Keyingi yil Qayseridagi oliy oʻquv yurtlarida musiqa fakulteti boʻlmaganligi uchun Konya shahridagi „Saljuq“ universitetiga borib, tahsilini davom ettiradi. U yerda fortepiano va ud cholgʻusini oʻrganadi. 2 yillik oʻqishdan keyin taʼtilga uyga qaytadi va oilada yolgʻiz oʻgʻil hamda boquvchi boʻlganligi uchun oʻqishni Oʻzbekistonda davom ettiradi.

1995-yilda „Meni unutma“ qoʻshigʻi orqali oʻz faoliyatini boshlagan. Keyin esa „Besh kunlik dunyo“, „Malla soch“ qoʻshiqlari bilan tanilishni boshlagan. 2014-yil Turkiya davlatining Denizli shahrida “Turkcha nigoh” nomli an’anaviy xalqaro festivalida ishtirok etgan. 2026-yil 28-mayda Oʻzbekiston Respublikasida xizmat koʻrsatgan artist faxriy unvoni bilan taqdirlangan.

• 2008-yil ilk yakkaxon konsert dasturi;
• 2014-yil 15–16-iyun "Istiqlol" san’at saroyida jonli konsert dasturi;
• 2023-yil "Yangi yil" nomli konsert dasturi.