Noah Okafor

Okafor oʻzining ilk oʻyinlarini mahalliy FC Arisdorf jamoasida oʻtkazdi. 2009-yilda u „Basel“ yoshlar jamoasiga oʻtdi va ularning yoshlar akademiyasining barcha bosqichlarida faoliyatini davom etirdi. U 2018\2019-yilgi mavsumda klubning asosiy jamoasiga oʻtdi va 2018-yil 31-yanvarda Okafor bosh murabbiy Raphaël Wicky qoʻl ostida oʻzining klubi bilan birinchi professional shartnomasini imzoladi. U 2018-yil 19-may kuni „Luzern FC“ga qarshi uy oʻyinida ularning asosiy jamoasi uchun debyutini oʻtkazdi. Murabbiy uni 34-daqiqada jarohat olgan Mohamed Elyounoussiga almashtirdi va oʻyin 2:2 hisobidagi durang bilan yakunlandi. U 2018\2019-yilgi mavsumning 2-davrasida, 2018-yilning 28-iyulida, safarda „Xamax“ga qarshi oʻyinda oʻz klubi uchun ilk golini kiritdi.

Murabbiy Marcel Koller qoʻl ostida Basel 2018\2019-yilgi mavsumda Shveysariya kubogini qoʻlga kiritdi. Birinchi turda „Basel“ „Monlingen“ni 3:0 hisobida magʻlub etdi, ikkinchi davrada „Echallens Région“ 7:2 va 1/8 finalda „Winterthur“ni 1:0 hisobida magʻlub etdi. Chorak finalda „Sion“ jamoasini qoʻshimcha boʻlimlardan soʻng 4:2 hisobida, yarim finalda esa „Zürich“ 3:1 hisobida magʻlub boʻldi. Bu oʻyinlarning barchasi mehmonda oʻtkazildi. Final 2019-yil 19-may kuni Bernning Stade de Suisse Wankdorf stadionida „Thun“ jamoasiga qarshi oʻtkazildi. Hujumchi Albian Ajeti birinchi, Fabian Frei ikkinchi golni „Basel“ darvozasiga kiritdi, soʻng Dejan Sorgić Thun darvozasini ishgʻol qildi, ammo yakuniy natija 2:1 hisobida boʻldi. Okafor toʻrtta kubok oʻyinida qatnashib, yarim finalda „Zürich“ga qarshi oʻyinda gol urdi.

2017-yil va 2020-yillar oraligʻida Okafor „Basel“ safida jami 72 oʻyin oʻtkazib, jami 9 ta gol urgan. Ushbu oʻyinlarning 39 tasi Shveysariya Superligasida, 7 tasi Shveysariya kubogida, sakkiztasi UEFA musobaqalarida va 18 tasi oʻrtoqlik oʻyinlari boʻlgan. U uchta golni ichki chempionatda, ikkitasini kubokda, ikkitasini yevrokuboklarda, qolgan ikkitasini esa sinov oʻyinlarida kiritgan.

2020-yilning 31-yanvarida Okafor Red Bull Salzburg bilan shartnoma imzoladi.

2021-yil 8-dekabrda Okafor Chempionlar ligasi guruh bosqichining soʻnggi oʻyinida „Salzburg“ "Sevilya"ni magʻlub etganida oʻyindagi yagona golni kiritdi. Bu gʻalaba „Salzburg“ning 1/8 finalga yoʻl olishini va Chempionlar ligasining pley-off bosqichiga yoʻllanmani qoʻlga kiritgan birinchi Avstriya klubiga aylantirdi.