Nicole Scherzinger

Nicole Scherzinger
Scherzinger 2012-yilning avgustida
Umumiy maʼlumot
Tavalludi	Nicole Prascovia Elikolani Valiente 1978-yil 29-iyun (1978-06-29) (48 yosh) Honolulu, Hawaiʻi, AQSh
Janrlar	Pop dance R&B
Kasbi	Qoʻshiqchi aktrisa
Faoliyat yillari	1997 – hozirgacha
Leybllar	A&M Interscope RCA Epic
Fuqaroligi	AQSH
Hamkorligi	Days of the New Eden's Crush The Pussycat Dolls will.i.am Black Eyed Peas
Veb-sayt	https://www.nicolescherzinger.com/
Imzosi

Nicole Scherzinger (talaffuzi: Nikol Sherzinger; tugʻilgan paytidagi ismi Nicole Prascovia Elikolani Valiente (talaffuzi: Nikol Praskovya Elikolani Valiente);29-iyun 1978-yilda tugʻilgan) - amerikalik qoʻshiqchi, qoʻshiq muallifi, raqqosa, aktrisa va televideniye boshlovchisi. U The Pussycat Dolls qizlar guruhining yetakchisi va asosiy vokalisti sifatida keng e’tirof etilgan. Nikol Sherzinger musiqa va shou-biznesdagi faoliyati bilan xalqaro miqyosda katta muvaffaqiyatlarga erishgan.

Nikol Sherzinger 1978-yil 29-iyunda Gavayi shtatining Honolulu shahrida tugʻilgan. Uning otasi filippinlik, onasi esa ukrain va gavayilik boʻlgan. U ota-onasi ajralgandan soʻng, onasi va oʻgay otasi bilan Kentukki shtatiga koʻchib oʻtgan. Sherzinger yoshlik yillarida musiqa va san'atga qiziqish bildirgan va Kentukki san'at maktabida oʻqigan. U Lousvill universitetida teatr san'ati va musiqa boʻyicha tahsil olgan.

Nikol Sherzinger oʻz faoliyatini 1999-yilda “Eden's Crush” nomli qizlar guruhiga qoʻshilib boshlagan. Bu guruh "Popstars" nomli realiti-shou orqali tashkil topgan va ular "Get Over Yourself" deb nomlangan birinchi singlni chiqarganlar va qoʻshiq Billboard Hot 100 chartida 8-oʻrinni egallagan.

Nikol Sherzinger 2003-yilda Robin Antin tomonidan tashkil etilgan "The Pussycat Dolls" guruhiga qoʻshildi. Guruhning birinchi albomi "PCD" 2005-yilda chiqarildi va "Don't Cha", "Buttons", va "Stickwitu" kabi mashhur hit qoʻshiqlari orqali katta muvaffaqiyatga erishdi. Guruhning ikkinchi albomi "Doll Domination" 2008-yilda chiqarilgan bo‘lib, "When I Grow Up" va "I Hate This Part" kabi hit qoʻshiqlarni o‘z ichiga olgan.

The Pussycat Dolls oʻz vaqtida xalqaro miqyosda eng muvaffaqiyatli qizlar guruhi boʻlib, 54 milliondan ortiq albom va singl sotgan.

Nikol Sherzinger yakka ijrochi sifatida ham katta muvaffaqiyatlarga erishgan. Uning birinchi solo albomi "Killer Love" 2011-yilda chiqarilgan boʻlib, "Poison", "Don't Hold Your Breath", va "Right There" kabi hit qoʻshiqlarni o‘z ichiga olgan. Bu albom Yevropada katta muvaffaqiyat qozongan.

Keyinchalik, Sherzinger ikkinchi solo albomi "Big Fat Lie" ni 2014-yilda chiqargan, bu albom ham bir necha chartlarda yuqori oʻrinlarni egallagan.

Nikol Sherzinger oʻzini televideniye sohasida ham sinab koʻrgan. U "The X Factor" musiqiy tanlovida hakamlik qilgan va Buyuk Britaniyada taniqli teleboshlovchi sifatida tanilgan. Shuningdek, u "Dancing with the Stars" koʻrsatuvida gʻolib chiqqan.

U "The Masked Singer" telekoʻrsatuvining Amerika versiyasida hakamlik qilgan va bu loyiha unga katta obroʻ keltirgan.

Nikol Sherzinger turli xil mashhurlar bilan munosabatlarda boʻlgan, jumladan, Formula-1 poygachisi Lyuis Hamilton bilan uzoq muddatli munosabatda boʻlgan. U hozir tennischi Grigor Dimitrov bilan munosabatda.

Sherzinger xayriya ishlari bilan ham faol shug‘ullanadi. U "UNICEF" va "Special Olympics" tashkilotlarining faoliyatini qoʻllab-quvvatlab, bolalar va nogironlar huquqlarini himoya qilish yoʻlida oʻz hissasini qoʻshgan.

Nikol Sherzingerning musiqa va televideniye sohasidagi faoliyati davomida bir necha mukofot va nominatsiyalarga ega boʻlgan. Uning ijrochilik mahorati va sahnadagi ishi uchun xalqaro miqyosda tan olingan va u eng mashhur va obro‘li san'atkorlardan biri sifatida ko‘riladi.

• Killer Love (2011)
• Big Fat Lie (2014)

• Chasing Papi (2003)
• Love Don't Cost a Thing (2003)
• Men in Black 3 (2012)
• Moana (2016)
• Ralph Breaks the Internet (2018)
• Annie Live! (2021)