Nico González

Nico González

Shaxsiy maʼlumot
Toʻliq ismi	Nicolás González Iglesias
Tavallud sanasi	2002-yil 3-yanvar (2002-01-03) (24 yosh)
Tavallud joyi	La-Korunya, Ispaniya
Boʻyi	1.88 m (6 ft 2 in)
Ampluasi	yarimhimoyachi
Vazni	86 kg
Klub maʼlumoti
Joriy klub	Manchester City
Yoshligida aʼzo boʻlgan klublar
2009—2013	Montañeiros
2013—2020	Barselona
Professional faoliyati*
Yillar	Jamoa	Isht.	(Gol.)
2019–2022	Barcelona B	26	(0)
2021—2023	Barcelona	27	(2)
2022—2023	→  Valencia	26	(1)
2023—2025	Porto	42	(7)
2025—	Manchester City	0	(0)
Milliy terma jamoa
2018—2019	Ispaniya U17		(3 (0))
2021—	Ispaniya U21		(3 (0))
*Professional klublardagi gollari (ichki chempionat)

Nikolas Gonsales Iglesias (ispancha: Nicolás González Iglesias), Niko Gonsales sifatida ham mashhur (ispancha: Nico González) – ispaniyalik futbolchi, Premyer-liganing „Manchester City“ klubida yarim himoyachi sifatida oʻynaydi.

Niko 2013-yildan beri „Barselona“ akademiyasida tarbiyalanadi. 2019-yil 19-may kuni u klubning ikkinchi jamoasi safida Segunda B doirasida Castellónga qarshi oʻyinda debyut qildi. Niko 2019/20-yilgi mavsumni „koʻk-anorranglilar“ning yoshlar jamoasida oʻtkazdi va „Barselona B“ tarkibida birorta ham oʻyin oʻtkazmadi. Keyingi mavsumda u ikkinchi jamoaga koʻtarildi va uchinchi Ispaniya chempionatida 23ta oʻyinda ishtirok etdi. 2021/22-yilgi mavsumda yarim himoyachilar „Barselona“ning asosiy jamoasi mashgʻulotlari va oʻyinlariga jalb qilina boshladi. Nikoning „koʻk-qizillar“ safidagi rasmiy debyuti 2021-yilning 15-avgustida Ispaniya Primerasida „Real Sociedad“ga qarshi oʻyinda boʻlib oʻtdi: u Serxio Buskets oʻrniga 83-daqiqada maydonga tushdi, ammo bir daqiqadan soʻng sariq kartochka oldi. Niko oʻzining ilk golini 2021-yil 12-dekabr kuni "Osasuna "ga qarshi oʻyinda (2:2) uchrashuvning 12-daqiqasida Gavining uzatmasidan kiritib, oʻyinda hisobni ochgan edi. Keyingi turda, 18-dekabr kuni Niko Gonsales 85-daqiqada Gavi uzatmasidan yana gol urishga muvaffaq boʻlib, oʻz maydonida „Elche“ga qarshi oʻyinda (3:2) gʻalaba qozondi.

2018-2019-yillarda Niko Ispaniya yoshlar terma jamoasini (17 yoshgacha) himoya qildi va jami 7 ta uchrashuv oʻtkazdi.

Nikoning otasi Fran González „Deportivo“ va Ispaniya terma jamoasining sobiq futbolchisi. Amakisi Xose Ramon „Deportivo“ bilan bir qatorda yana bir qancha kamtarona jamoalarda ham futbol oʻynagan.