Muhammadnazar Gʻofurov

Muhammetnazar Gapurowiç Gapurow
Turkmaniston Kommunstik partiyasi Markaziy qoʻmitasining birinchi kotibi
Mansab davri 1969-yil 24-dekabr – 1985-yil 21-dekabr
Avvalgisi	Balyş Öwezow
Keyingisi	Saparmurod Niyozov
Turkmaniston SSR Ministrlar sovetining raisi
Mansab davri 1963-yil 26-mart – 1969-yil 25-dekabr
Avvalgisi	Abdy Annaliýew
Keyingisi	Oraz Orazmuhamedow
Turkmaniston Kompartiyasi Chorjo‘y viloyati qo‘mitasining birinchi kotibi
Mansab davri 1959-yil – 192-yil fevral
Avvalgisi	Juma Koýnekow
Keyingisi	Astan Işankuliýew
Shaxsiy maʼlumotlari
Talaffuzi	Muhamadnazar Gapurovich Gapurov
Tavalludi	15-fevral 1922-yil Oktyabrsk qishlogʻi, Buxoro Xalq Sovet Respublikasi
Vafoti	13-iyul 1999-yil(1999-07-13) (77 yoshda) Berzengi qishlogʻi, Kopetdogʻ etrapi, Ashxobod, Turkmaniston
Fuqaroligi	SSSR Turkmaniston
Taʼlim	Chorjoʻy davlat pedagogika instituti
Kasbi	oʻqituvchi
Mukofotlari
Dafn etilgan joyi	Ashxoboddagi Vatutin qabristoni
Unvoni
Harbiy xizmat davri	1941—1944
Harbiy unvoni
Qatnashgan jangi	2-jahon urushi

Muhammetnazar Gapurowiç Gapurow (talaffuzi: Muhamadnazar Gapurovich Gapurov; 1922-yil 15-fevral, Oktyabrsk qishlogʻi, Buxoro Xalq Sovet Respublikasi — 1999-yil 13-iyul, Berzengi qishlogʻi, Kopetdogʻ etrapi, Ashxobod, Turkmaniston) — sovet hamda turkman davlat va partiya arbobi. Turkmaniston Kommunstik partiyasi Markaziy qoʻmitasining birinchi kotibi (1969—1985).

Muhammetnazar Gapurow 1922-yil 15-fevralda Buxoro Xalq Sovet Respublikasi Chorjoʻy tumani, Oktyabrsk qishlogʻida (hozirgi Lebap viloyatida) dehqon oilasida tugʻilgan. Turkmanlarning ersari qabilasidan. Chorjoʻy davlat pedagogika institutini oʻqituvchilik mutaxassisligi boʻyicha sirtdan tamomlagan. 1939-yilda Chorjoʻy oʻqituvchilar institutida oʻqigan. 1941-yilda Chorjoʻy viloyatidagi 8 yillik maktab oʻqituvchisi. 1941-yil dekabrda harbiy xizmatga chaqirilgan. Armiyada Oʻrta Osiyo harbiy okrugi 88-alohida oʻqchi brigadasi, 1-alohida oʻqchi batareyasining avtomatchilar boʻlinmasi komandiri boʻlib xizmat qilgan. 1942-yil noyabrdan 1943-yil fevralgacha 87-alohida oʻqchi brigada, 64-alohida oʻqchi batalyoni avtomatchilar boʻlinmasi komandiri boʻlgan. Ikkinchi jahon urushida shimoli-gʻarbiy frontda jang qilgan. 1943-yil 26-fevralda oyogʻidan oʻq yeb, oʻng qoʻlidan uch marta oʻq yegan. Gospitalda davolangach, katta serjant Muhammetnazar Gapurow demobilizatsiya qilingan. 1943—1944-yillarda Chorjoʻy viloyatidagi „Yaxti Yel“ kolxozi qoshidagi maktabning oʻquv boʻlimi mudiri, 1944-yilda esa maktab direktori boʻlgan, 1944-yildan VKP (b), soʻngra KPSS aʼzosi. 1944-yildan partiya ishida faoliyat olib borgan, dastlab instruktor, 1945-yildan Chorjoʻy etrapi partiya qoʻmitasining targʻibot va tashviqot boʻlimi mudiri, 1947-yildan Turkmaniston Kompartiyasi Chorjoʻy viloyati Sakar etrapi qoʻmitasi kotibi, 1948—1951-yillarda Chorjoʻy viloyati komsomol qoʻmitasining 1-kotibi, 1951—1955-yillarda Turkmaniston SSR LKSM Markaziy qoʻmitasining targʻibot va tashviqot boʻyicha kotibi, 1955-yilda Turkmaniston Kompartiyasi Chorjoʻy viloyati qoʻmitasining targʻibot va tashviqot boʻlimi mudiri, 1957—1959-yillarda Turkmaniston Kompartiyasi Chorjoʻy viloyati qoʻmitasining kotibi, 1959–1962-yillarda esa birinchi kotibi, 1962—1963-yillarda Turkmaniston Kompartiyasi Markaziy qoʻmitasi kotibi, 1963-yil 26-martdan 1969-yil 25-dekabrgacha Turkmaniston SSR Ministrlar Soveti raisi, tashqi ishlar vaziri lavozimida faoliyat yuritgan. KPSS Markaziy qoʻmitasi aʼzoligiga nomzod (1966—1971). KPSS Markaziy qoʻmitasi aʼzosi (1971—1986). Turkmaniston SSRdan SSSR Oliy Kengashi deputati: 6-chaqiriq Millatlar Kengashi (1962—1966) va 7—11-chaqiriq Ittifoq Kengashi (1966—1989). 1969-yil 24-dekabrdan 1985-yil 21-dekabrgacha Turkmaniston Kompartiyasi Markaziy qoʻmitasining 1-kotibi boʻlgan. 1985-yil dekabrda pensiyaga chiqqan. 1999-yil 13-iyulda Berzengi qishlogʻidagi dachasida vafot etgan. Ashxobod shahridagi Vatutin qabristonida dafn etilgan.

Muhammetnazar Gapurow Sotsialistik Mehnat Qahramoni faxriy unvoni (1981-yil), besh marta Lenin ordeni (1964-yil 16-mart, 1971-yil 27-avgust, 1972-yil 14-fevral, 1973-yil 10-dekabr,1982-yil 12-fevral), I darajali Vatan urushi ordeni (1985-yil 11-mart), uch marta Mehnat Qizil Bayroq ordeni (1950-yil 28-yanvar, 1957-yil 14-fevral, 1976-yil 25-dekabr), „Hurmat belgisi“ ordeni (1948-yil 28-avgust), „Jasurlik uchun“ medali (1945-yil 4-may) va boshqa medallar bilan taqdirlangan.