Michy Batshuayi

Michy Batshuayi
Shaxsiy maʼlumot
Toʻliq ismi	Michy Batshuayi-Atunga
Tavallud sanasi	1993-yil 2-oktyabr (32 yosh)
Tavallud joyi	Brussels, Belgiya
Boʻyi	1.85 m
Ampluasi	Hujumchi
Klub maʼlumoti
Joriy klub	Eintracht Frankfurt
Raqami	23
Yoshligida aʼzo boʻlgan klublar
2003—2005	RFC Evere
2005—2006	RUSA Schaarbeek
2006—2007	Brussels
2007—2008	Anderlecht
2008—2009	Brussels
Professional faoliyati*
Yillar	Jamoa
2011—2014	Standard Liège
2014—2016	Marseille
2016—2022	Chelsea
2018	→ Borussia Dortmund
2018—2019	→ Valencia
2019	→ Crystal Palace
2020—2021	→ Crystal Palace
2021—2022	→ Beşiktaş
2022-	Fenerbahçe
Milliy terma jamoa
2012—2014	Belgiya U21
2015-	Belgiya
	*Professional klublardagi gollari (ichki chempionat); (22-oktyabr uchun)

Michy Batshuayi-Atunga (talaffuzi: Mishi Batshuayi-Atunga) 1993-yil 2-oktyabrda Brusselda tavallud topgan. Belgiyalik futbolchi Turkiyaning „Fenerbahçe“ va Belgiya terma jamoasi hujumchisi. 2016-yilgi Yevropa chempionati ishtirokchisi. 2018-yilgi jahon chempionatining bronza medali sovrindori.

Chelsea

2016-yilning 3-iyulida Michy Batshuayi-Atunga 39 million yevro evaziga Angliyaning „Chelsea“ jamoasiga oʻtdi. Shartnoma 5 yil muddatga imzolandi. Klubda „23“ raqami ostida toʻp surgan. 15-avgust kuni „West Ham United“ ga qarshi oʻyinda Michy Batshuayi-Atunga ikkinchi boʻlimda Oskar oʻrniga Angliya Premer-ligasida debyut qildi. Bahs oxirida u gʻalaba golini urgan Diego Kostaga assistentlik qildi. 20-avgust kuni „Watford“ga qarshi bahsda Michy Batshuayi-Atunga „Chelsea“ safidagi ilk golini urdi. 23-avgust kuni Angliya Futbol Ligasi kubogi doirasida „Bristol Rovers“ga qarshi oʻyinda Michy Batshuayi-Atunga „pensionerlar“ safida oʻzining ilk „dubl“ini urdi. Oʻzining debyut mavsumida u klubga chempionlikni qoʻlga kiritishda yordam berdi. 21-may kuni „Sunderland“ga qarshi bahsda Michy Batshuayi-Atunga chempionatdagi ilk „dubl“ini amalga oshirdi. U Angliya Liga kubogi doirasida „Nottingham Forest“ga qarshi oʻyinda xet-trik qayd etdi. Chempionlar ligasi doirasida Ozarbayjonning „Karabakh“ va Ispaniyaning „Atletico Madrid“ klublariga qarshi kechgan oʻyinda Michy Batshuayi-Atunga gol urdi.

Xalqaro karyerasi

Michy Batshuayi-Atunga Belgiya tarkibida JCh −2018da

2015-yil 28-mart kuni Kiprga qarshi 2016-yilgi Yevropa chempionati saralash oʻyinida Michy Batshuayi-Atunga Belgiya terma jamoasida ikkinchi boʻlimda Kristian Benteke oʻrniga maydonga tushdi. Oʻsha oʻyinda u terma jamoadagi ilk golini urdi.

2016-yilning yozida Michy Batshuayi-Atunga jamoasi tarkibida u Fransiyada boʻlib oʻtgan Yevropa chempionatida ishtirok etdi. Turnirda u Vengriya va Uels jamoalariga qarshi oʻyinlarda maydonga tushdi. Vengerlarga qarshi kechgan bahsda Michy Batshuayi-Atunga gol urdi.

2018-yilda Michy Batshuayi-Atunga Rossiyada boʻlib oʻtgan jahon chempionatining bronza medali sovrindori boʻldi. Turnirda u Tunis, Angliya va Fransiya jamoalariga qarshi oʻyinlarda ishtirok etgan. Tunisliklarga qarshi kechgan bahsda Michy Batshuayi-Atunga gol urdi.