Vikipediyada ismi Lola va familiyasi Ahmedova boʻlgan boshqa kishilar haqida ham maqolalar mavjud.

Lola Ahmedova
Tavalludi	1983-yil 2-iyul (1983-07-02) (43 yosh) Surxondaryo viloyati, Denov tumani
Fuqaroligi	OʻzSSR → Oʻzbekiston
Taʼlimi	Oʻzbekiston davlat konservatoriyasi
Kasbi	Xonanda
Otasi	Ahmedov Baxtiyor
Onasi	Ahmedova Dilbar
Mukofotlari

Lola Ahmedova (1983-yil 2-iyul, Surxondaryo, OʻzSSR) — oʻzbek aktrisasi va xonandasi, Oʻzbekistonda xizmat koʻrsatgan artist.

Lola Ahmedova 1983-yil 2-iyulda Surxondaryo viloyatining Denov tumanida sanʼatkorlar oilasida tavallud topgan. Otasi Ahmedov Baxtiyor Gapparovich rassom, onasi Ahmedova Dilbar Amanqulovna jurnalist boʻlishgan. Lola Ahmedova bolaligidan musiqaga mehr qoʻygan. U maktab tadbirlarida qatnashishni va sahnada qoʻshiq aytishni yoqtirardi. U oilasi bilan Toshkentga koʻchib kelganida ilk bor „Birgalikda kuylaymiz“ televizion tanlovida qatnashgan va final bosqichida ishtirok etgan. 1997-yilda Toshkent madaniyat kollejiga oʻqishga kirgan. Lola birinchi musiqiy taʼlimni shu texnikumda olgan. Uning birinchi ustozi Oʻzbekiston va Qoraqalpogʻiston xalq artisti Gulshod Otaboeva „lapar“ sirlarini oʻrgatgan. 2001-yilda Oʻzbekiston konservatoriyasiga oʻqishga kirgan.

Lolaning ijodiy yoʻnalishi paydo boʻla boshlagan. 2003-yilda „Aziz on yurt navolari“ tanlovida 3-oʻrinni egallab, „Buni hayot deydilar“ qoʻshigʻi gʻolibi boʻldi. „Vatan himoyachilari kuni“, „Navroʻz“, „Mustaqillik“ kabi turli ommaviy tadbirlarda muntazam qatnasha boshlagan.

100 dan ortiq qoʻshiqlarni ijro etgan Lola 4 ta albomini ham oʻz muhlislariga havola eta oldi, bular „Yolgʻizginam“, „Devona“, „Begim“, „Biznikidir dunyolar“kabilardir. 2004-yilda boʻlib oʻtgan „Aziz ona yurtim navolari“ koʻrik tanlovida birinchi oʻrinni egallagan. 2006-yil esa „Nihol“ mukofoti sovrindori boʻlgan. Lola 2010-yil Oʻzbekistonda xizmat koʻrsatgan artist unvoniga sazovor boʻlgan. Qoʻshiq kuylash bilangina cheklanib qolmagan, Lola 2004-yil rejissyor Axad Farmonovning „Muhabbatimsan“ filmida bosh rolni, Raʼno obrazini ijro etgan.

• 2005-yil — „Yolgizginam“.
• 2006-yil — „Devonam“.
• 2010-yil — „Intizor kunlar“.
• 2013-yil — „Borliging Baxtim“

• 2022-yil „Yurak“
• 2023-yil „Ayrilsam“
• 2025-yil „Yana sevaman“