Levi Colwill

Levi Colwill

Colwill Angliya U-17 terma jamoasi safida, 2019-yil
Shaxsiy maʼlumot
Toʻliq ismi	Levi Lamar Samuels Colwill
Tavallud sanasi	2003-yil 26-fevral (2003-02-26) (23 yosh)
Tavallud joyi	Southampton, England
Boʻyi	6 fut 2 inches (1.87 m)
Ampluasi	markaziy himoyachi, chap qanot himoyachisi
Klub maʼlumoti
Joriy klub	Chelsea
Raqami	6
Yoshligida aʼzo boʻlgan klublar
0000–2021	Chelsea
Professional faoliyati*
Yillar	Jamoa	Isht.	(Gol.)
2021–	Chelsea	23	(1)
2021–2022	→ Huddersfield Town (ijara)	29	(2)
2022–2023	→ Brighton & Hove Albion (ijara)	17	(0)
Milliy terma jamoa
2018–2019	Angliya U-16	7	(0)
2019	Angliya U-17	5	(0)
2021	Angliya U-19	3	(1)
2022–	Angliya U-21	11	(0)
2023–	Angliya	1	(0)
*Professional klublardagi gollari (ichki chempionat) (2-mart uchun)

Levi Lamar Samuels Colwill (2003-yil 26-fevralda tugʻilgan) – angliyalik professional futbolchisi, Angliya Premyer-ligasining „Chelsea“ klubi va Angliya terma jamoasining himoyachisi.

Levi Lamar Samuels Colwill 2003-yil 26-fevralda Hampshire viloyatining Sautgempton shahrida tugʻilgan.

Colwillning amakilari Barry va Bayron Mason „Sholing“ jamoasi bilan 2014-yilgi FA Vase finalida gʻolib chiqishgan boʻlib, Colvill Wembley stadionida kechgan ushbu uchrashuvda maskot vazifasini bajargan. Yana bir amakisi Daniel Mason ham „Sholing“ jamoasida oʻynaydi va undan tashqari „Southampton“ klubida yordamchi ischilardan biri boʻlib ishlaydi.

Colwill dastlab Jamal Musiala bilan birgalikda Sunday Leaguedagi „City Central“ jamoasi safida oʻynagan, keyinchalik esa „Chelsea“ klubining toʻqqiz yoshgacha boʻlgan futbolchilar jamoasiga qoʻshilgan. U londonliklar bilan birinchi professional shartnomasini 2020-yil fevral oyida, 17 yoshga toʻlgan kuni imzolagan.

2021-yil 25-iyun kuni Colwill Championshipning „Huddersfield Town“ jamoasiga 2021-2022-yilgi mavsum uchun ijaraga berildi. Futbolchi 1-avgust kuni Liga kubogi doirasidagi „Sheffield Wednesday“ klubi bilan uchrashuvda yangi jamoasi tarkibida debyut qildi. Ligadagi ilk oʻyinini esa olti kundan soʻng „Derby County“ bilan safar bahsida oʻtkazdi. 21-avgust kuni u faoliyatidagi birinchi golini kiritdi. Mavsum davomida COVID-19 bilan bir qatorda bir qancha jarohatlardan ham aziyat chekdi. 2022-yil 29-may kuni Colwill 2022-yilgi Championshipning pley-off bahslarining Wembley stadionida kechgan finalda „Huddersfield“ jamoasining „Nottingem Forest“ bilan bahsida avtogol muallifi boʻldi. Bu oʻyindagi yagona golligicha saqlanib qoldi va yakunda jamoasi 1:0 hisobida magʻlub boʻldi.

2022-yilning 5-avgustida Colwill 2022-2023-yilgi mavsum yakuniga qadar boshqa bir Premyer-liga jamoasi „Brighton and Hove Albion“ bilan shartnoma imzoladi. Ikki kundan soʻng „Manchester United“ klubiga qarshi oʻyinda debyut qildi. Colwill oʻzining Premyer-ligadagi ilk oʻyinini esa 13-noyabr kuni „Aston Villa“ga qarshi oʻz uyida kechgan oʻyinda oʻtkazdi. U mavsum davomida jami 13 ta oʻyinda maydonga tushdi. Ushbu yilda klub tarixida ilk bora UEFA Yevropa ligasi turniriga ham yoʻllanma oldi. 2023-yil 1-iyun kuni „Chelsea“ „Brighton“ning Colwill uchun uchun 30 million funtlik taklifini rad etdi.

Colwill Angliya U-17 terma jamoasi bilan 2019-yilgi Syrenka Cup turnirida g'alaba qozongan.

2021-yil 10-noyabrda Colwill 2022-yilgi UEFA U-19 Yevropa chempionati saralashi doirasidagi Andorraga qarshi uchrashuvda Angliya U-19 terma jamoasi safida debyut qildi va ushbu o'yinda u sardor sifatida jamoasini maydonga boshlab chiqdi. Olti kundan so'ng esa Shvetsiya bilan bahsda ilk golini ham kiritdi.